تازه خبرونه
له نړیوالې جنایي محکمې څخه د اسلامي امارت د مشر د نیولو غوښتنه قانوني اعتبارنلري – د بهرنیو چارو وزارت
د بهرنیو چارو وزارت مطبوعاتي په خبرپاڼه کې دا ټینګار هم شوی، چې دا محکمه باید هڅه ونکړي، چې د بشري حقونو خپل تعبیر پر نړۍ تحمیل کړي او د نورو ملتونو مذهبي او ملي ارزښتونه له پامه وغورځوي.
د نړیوالې جنایي محکمې لخوا د اسلامي امارت د مشر مولوي هبة الله اخوندزاده او د سترې محکمې د رییس عبدالحکیم حقاني د نیولو د امر له غوښتنې وروسته د بهرنیو چارو وزارت ویلي؛ دا هڅه “عادلانه او قانوني اعتبار” نلري، بلکې یوه غیر عدلانه او “سیاسي انګیزه” ده.
بهرنیو چارو وزارت په یوه خبرپاڼه کې د شیخ هبة الله اخوندزاده او عبدالحکیم حقاني د نیولو غوښتنه یو بې بنسټه تور وباله.
د بهرنیو چارو وزارت مطبوعاتي په خبرپاڼه کې دا ټینګار هم شوی، چې دا محکمه باید هڅه ونکړي، چې د بشري حقونو خپل تعبیر پر نړۍ تحمیل کړي او د نورو ملتونو مذهبي او ملي ارزښتونه له پامه وغورځوي.
د بهرنیو چارو وزارت د اسلامي امارت د رهبر او د “سترې محکمې” د رییس د نیولو د امر غوښتنې په ځواب کې وايي، چې د نړیوالې جنایي محکمې چلند دوه ګونی دی.
وزارت په یوه خبرپاڼه کې ویلي، چې د شیخ هبة الله اخوندزاده او عبدالحکیم حقاني د نیولو غوښتنه “هیڅ قانوني اساس نلري او غیر عادلانه ده” او دا غوښتنه سیاسي انګېزه لري.
د جرمونو نړیوالې محکمې یوه څارنوال د اسلامي امارت د رهبر او د اسلامي امارت د سترې محکمې د رییس د نیولو امر صادرولو غوښتنه کړې ده. محکمې یوه خبرپاڼه خپره کړې، چې په کې د اسلامي امارت دغه دوه مشران د بشریت پر ضد جومونو تورن بلل شوي دي؛ خو د بهرنیو چارو وزارت دا تورونه “بې بنسټه” ګڼلي او په کلکه یې غندلي دي.
د بهرنیو چارو وزارت د عامه اړیکو رییس ضیا احمد تکل ویلي؛ د نړیوالې جنایي محکمې لخوا په افغانستان کې د تېرو پیښو په اړه غفلت د دې ادارې اعتبار نور هم کمزوری کړی دی.
د بهرنیو چارو وزارت د خبرپاڼې له مخې؛ د جرمونو نړیوالې محکمې د اسلامي امارت د لوړ پوړو چارواکو د نیولو امر په داسې وخت کې صادر کړی، چې د اسلامي امارت تر کنټرول لاندې افغانستان کې اوس سراسري امنیت ټینګ شوی دی.
د بهرنیو چارو وزارت په دې مطبوعاتي خبرپاڼه کې دا هم ویلي، چې شخصي زندانونه تښتونې د جنګسالارانو د قدرت جزیرې او ډېرې نورې تراژیدۍ او غیر انساني کړنې له منځه وړل شوي دي.
تازه خبرونه
د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.
هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.
تازه خبرونه
بایدن له افغانستان څخه د امریکايي ځواکونو د ایستلو له پرېکړې دفاع وکړه
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.
د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړهلیک لاسلیک کړی و.
تازه خبرونه
اروپايي هېوادونو روانډا ته د کډوالو پر لېږدولو هوکړه وکړه
تمه ده دغه هوکړه په ویانا کې اعلان شي.
ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.
تمه ده دغه هوکړه په ویانا کې اعلان شي.
دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.
د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.
د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حسابورکولو لپاره د روښانه میکانیزم د نشتوالي په اړه اندېښنه ښودلې ده.
روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.
دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.
-
تازه خبرونه4 days agoعراق له کردستان څخه افغانستان ته د تېلو د احتمالي قاچاق څېړنه کوي
-
سیمه ییز خبرونه5 days agoد سعودي عربستان په مکه کې د دوه توغندیو د شنډولو پاتې شوني لوېدلي
-
تازه خبرونه5 days agoافغانستان او ازبکستان د مالدارۍ په برخه کې د همکاریو پر پراختیا هوکړه وکړه
-
سوداگري5 days agoپه کابل کې د اسلامي پانګونې د پراختیا پر لارو چارو خبرې وشوې
-
لوبی1 day agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه1 day agoترکیې یونان ته د اوښتو په هڅه کې ۳۵ افغان کډوال ونیول
-
تازه خبرونه4 days agoد ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
-
تازه خبرونه4 days agoروسي شرکتونه دې د کانونو، صنعت او بېخبناوو په برخو کې پانګونه وکړي – ملا برادر
