تازه خبرونه
لوړو زدکړو وزارت د پوهنتونونو د نجونو او هلکانو لپاره درسي ورځې ځانګړې کړې
لوړو زدکړو وزارت د کابل او پولیتخنیک پوهنتونو د ښځینه او نرینه زدکړیالانو او محصلینو لپاره درسي ورځې ځانګړې کړې دي.
د لوړو زدکړو وزارت د پخوانۍ پرېکړې له مخې؛ په دولتي پوهنتونونو کې د نجونو او هلکانو درسي وخت توپير درلود. یعنې ښځینه له سهاره او نرینه له غرمې وروسته پوهنتون ته تلل. اوس د لوړو زدکړو وزارت پرېکړه کړې، چې ښځینه او نرینه محصلین په بېلا بېلو ورځو کې د کابل او پولتخنیک پوهنتونو ته ورشي.
د دې پرېکړې پر بنسټ، شنبه، دوشنبه او چارشنبه د ښځینه محصلینو لپاره او یکشنبه، سې شنبه او پنجشنبه د نرینه محصلینو لپاره ځانګړې شوې دي.
دا مهالوېش د لوړو زدکړو وزارت لخوا د پلي کولو لپاره پوهنتونونو ته لیږل شوی.
د کابل پوهنتون چارواکي دا پرېکړه تائیدوي.
د کابل پوهنتون د نشراتو مشر رحیم الله ندیم امریکا غږ ته ویلي: نرینه محصلین په اوونۍ کې درې ورځې پوهنتون ته راځي او خپلې زدکړې روانې ساتي.
نوموړي ټینګار کړی، چې دغه پلان له ډېرو رایو او مشورو وروسته پلی شوی، څو زدکوونکي په آزاده او له کومې ستونزې پرته خپلو ټولګیو ته حاضر شي.
نوموړې پدې باور دی، چې له دې پلان سره به ښځينه زدکوونکي پرته له ځنډه خپلو زدکړو ته دوام ورکړي او په اوونۍ کې درې ورځې نورې هم د ټولو زدکوونکیو لپاره يو فرصت دى، چې په روزنيزو کورسونو کې ګډون وکړي.
د لوړو زدکړو وزارت دې پرېکړې په ټولنیزو رسنیو کې بېلابېل غبرګونونه راپارولي دي.
د کابل پوهنتون وياند پر ټولنيزو رسنيو د نيوکې په ترڅ کې ويلي، چې دغه اقدام يې د پوهنتون د ستونزو د کمولو او محصلانو ته د آسانتياوو د برابرولو په موخه کړى دى.
په همدې حال کې د تېر حکومت د لوړو زدکړو وزارت یو شمېر پخواني چارواکي او د پوهنتون استادان پدې باور دي، چې د نرینه وو او ښځینه وو محصلینو بېلول او د پوهنتونونو د استادانو کمښت اسلامي امارت دې ته اړ کړی، چې پرېکړه وکړي.
په افغانستان کې د اسلامي امارت له بیا واکمنېدو شپږ میاشتې وروسته د دولتي پوهنتونونو دروازې د محصلینو پر مخ خلاصې شوې دي.
تازه خبرونه
د اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه
د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بستهبندۍ مرکزونو لیدنه کړې ده.
د اسلامي امارت مالیې وزیر محمد ناصر آخوند ایران ته د خپل سفر په لړ کې مازندران ته تللی او د دې ولایت له سیمهییزو چارواکو سره یې د کرنې، سوداګرۍ او تخنیکي همکاریو په اړه خبرې کړې دي.
د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بستهبندۍ مرکزونو لیدنه کړې ده.
د دغه وزارت د څرګندونو له مخې؛ د مازندران چارواکو د کرنې، سوداګرۍ او نورو اړوند برخو کې له افغانستان سره د مسلکي او تخنیکي همکاریو ډاډ ورکړی دی.
مازندران د ایران په شمال کې د کسپین بحیرې ترڅنګ موقعیت لري او د دغه هېواد له حاصلخیزو ولایتونو څخه دی.
د سیمهییزو چارواکو د معلوماتو له مخې، دغه ولایت پراخ لیمو او مالټې بڼونه او د کبانو ګڼ روزنتونونه لري، چې د ایران په اقتصاد کې مهم رول لري.
تازه خبرونه
د افغانستان ثبات د ټولې سیمې پر ګټه دی – سویس
دغه څرګندونې د افغانستان د بدلونونو او د هغو د سیمهییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.
په پاکستان کې د سویس سفارت ویلي، د افغانستان ثبات د ټولې سیمې پر ګټه دی او د دې موخې د ترلاسه کولو لپاره د نړیوالې ټولنې پرلهپسې تعامل، د شریکانو ترمنځ نږدې همغږي او له سیمهییزو هېوادونو سره د خبرو دوام اړین دی.
دغه څرګندونې د افغانستان د بدلونونو او د هغو د سیمهییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.
په دې کتنه کې د افغانستان پر وروستیو بدلونونو او پر سیمهییزو اغېزو خبرې شوې دي.
تازه خبرونه
د خپلې واکمنۍ د ساتلو لپاره به مسلمانانو ته د جګړې اجازه ورنهکړم – د اسلامي امارت رهبر
نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.
د اسلامي امارت رهبر شیخ هبةالله آخوندزاده په کابل پوهنتون کې د فرمانونو د اغېزو د څېړلو په اړه د علمي ـ څېړنیز کنفرانس ګډونوالو ته ویلي، د خپلې واکمنۍ د ساتلو لپاره به مسلمانانو ته د جګړې اجازه ورنهکړم.
نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.
آخوندزاده زیاته کړې؛ د فتنې د مخنیوي او د هغې د لارو د بندولو لپاره یې د اسلامي امارت مشري منلې او چمتو دی، چې د مسلمانانو د خوندي پاتې کېدا لپاره خپل ژوند قربان کړي.
نوموړي د دیني عالمانو پر رول هم ټینګار کړی او وایي؛ عالمان باید خلکو ته دین ورسوي، عامه افکار جوړ کړي او خلک د اسلامي امارت له تعریف او ماهیت سره بلد کړي.
هغه ویلي، د اسلامي امارت سیاست پر قرآن کریم او شریعت ولاړ دی او د امیر درناوی د رعیت درناوی دی.
همدارنګه آخوندزاده ویلي، د قصاص او شرعي حدودو فیصلې د ده له تنفیذي امر پرته نه تطبیقېږي او د اسلامي امارت له شتون پرته د شریعت پلي کول ناشوني دي.
په همدې کنفرانس کې د هېواد له بېلابېلو سیمو څخه راغلو یو شمېر جیدو دیني عالمانو هبتالله آخوندزاده ته د«شیخالاسلام» لقب ورکړ.
-
لوبی2 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه2 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی1 day agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی3 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
لوبی2 days agoارمان افسي استقلال کابل ته پنځه پر صفر ماتې ورکړه
-
تازه خبرونه3 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
-
تازه خبرونه3 days agoپه تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي
-
لوبی2 days agoپه آی ال ټي ۲۰ سیالیو کې ۲۵ افغان لوبغاړو قراردادونه ترلاسه کړل
