Connect with us

تازه خبرونه

ملي دفاع وزارت د دفاعي ځواکونو د نوي یونیفورم مخکتنه وکړه

 دغه یونیفورم، چې د کمانډو، سرحدي ځواکونو او ملي اسلامي اردو لپاره ټاکل شوی؛ د ملي دفاع وزارت په تالار کې نندارې ته وړاندې شو.

خپور شوی

د

د افغانستان اسلامي امارت ملي دفاع وزارت نن (دوشنبه د سلواغې اووه‌ویشتمه) په یو لړ مراسمو کې د هېواد د دفاعي ځواکونو نوې یونیفورم پېژندنې ته وړاندې کړ.

 دغه یونیفورم، چې د کمانډو، سرحدي ځواکونو او ملي اسلامي اردو لپاره ټاکل شوی؛ د ملي دفاع وزارت په تالار کې نندارې ته وړاندې شو.

په دې مراسمو کې، چې د وسله‌والو ځواکونو لوی درستیز محمد فصیح‌الدین فطرت، ملي دفاع وزارت یو شمېر رییسانو او مسوولانو او د مرکزي قطعاتو قومندانانو په کې ګډون کړی و؛ د وسله‌والو ځواکونو په لیکو کې د نظم، انضباط او واحد هویت پر ارزښت ټینګار وشو.

محمد فصیح‌الدین «فطرت» په خپلو خبرو کې ویلي، چې نظامي یونیفورم د نظم او انضباط د ټینګښت او د ځواکونو ترمنځ د ګډ هویت د رامنځته کولو لپاره وېشل کېږي او د هغې بشپړ مراعات د ټولو دفاعي ځواکونو لپاره بنسټیز اصل دی.

هغه زیاته کړې؛ نوی یونیفورم د وسله‌والو ځواکونو د یووالي او پیوستون نښه ده او هغه کسان، چې د پوځ لیکو ته داخلېږي باید د هېواد دفاع خپل مسوولیت او ژمنتیا وبولي.

دغه راز د ملي دفاع وزارت د اطلاعاتو او سټراټېژیکو نشراتو رییس عنایت‌الله خوارزمی هم ټینګار کړی،  چې هر نظامي باید له ځواکمنې ارادې او لوړ فکر لرونکی وي؛ پوځي اصول او نظم مراعت کړي.

نوموړي ویلي، چې پوځیان باید د هېواد د دښمنانو پر وړاندې پرېکنده، ټینګ او خلکو ته له اخلاقو، مسوولیت‌پالنې او ښه چلند برخمن پاتې شي.

ویل کیږي، چې د دې نوي یونیفورم پېژندنه د هېواد د دفاعي ځواکونو د انسجام، انضباط او واحد هویت د پیاوړتیا پر لوري یو اړین ګام دی.

تازه خبرونه

د هېواد دفاع وزیر د بدخشان له شمال ختیځو سرحدي سیمو لیدنه وکړه

د دفاع وزارت د خبرپاڼې له مخې؛ محمد یعقوب مجاهد په خپل سفر کې د بدخشان ولایت له کران او منجان، زیباک، واخان او پامیر ولسوالیو څخه لیدنه وکړه.

Published

on

 

د هېواد دفاع وزیر محمد یعقوب مجاهد د بدخشان ولایت شمال ختیځو سرحدي سیمو ته د سفر پر مهال له سرحدي ځواکونو او پوستو څخه لیدنه کړې ده.

د دفاع وزارت د خبرپاڼې له مخې؛ محمد یعقوب مجاهد په خپل سفر کې د بدخشان ولایت له کران او منجان، زیباک، واخان او پامیر ولسوالیو څخه لیدنه وکړه.

د خبرپاڼې له مخې؛ د هېواد دفاع وزیر د افغانستان له هغو مهمو سټراټیژیکو سرحدي سیمو څخه هم لیدنه کړې، چې له چین، تاجکستان او ډیورنډ کرښې سره نښتي دي.

محمد یعقوب مجاهد د سفر پر مهال د سرحدي ځواکونو فعالیتونه او چمتووالی وارزاوه، د هغوی له هڅو یې ستاینه وکړه او وایي، چې د هېواد د ځمکني بشپړتیا، ملي حاکمیت او سرحدونو ساتنه د ټولو امنیتي او دفاعي ځواکونو ګډ مسوولیت دی.

ویل کیږي، چې د سرحدي ځواکونو د وړتیاوو د لوړولو، لازمې همغږۍ او د اړینو آسانتیاوو د برابرولو لپاره به نورې هڅې هم تر سره شي.

Continue Reading

تازه خبرونه

د لوړو زده کړو وزیر په کابل کې د ایران له سفیر سره د علمي همکاریــو پر پراختیـــا خبـرې وکــړې

د وزارت په خبرپاڼه کې راغلي، چې د لوړو زده کړو وزیر د ایران سفیر ته د ښه راغلاست ترڅنګ ویلي، افغانستان او ایران دوه داسې ګاونډ هېوادونه دي، چې ترمنځ یې  همکاري او ښه تعامل یوه اړتیا ده.

Published

on

Last Updated on: چنګاښ ۱۴, ۱۴۰۵

د لوړو زده کړو وزارت وايي، د دغه وزارت وزیر نداء محمد ندیم، په خپل کاري دفتر کې د ایران له سفیر علي رضا بېکدلي سره وکتل.

د وزارت په خبرپاڼه کې راغلي، چې د لوړو زده کړو وزیر د ایران سفیر ته د ښه راغلاست ترڅنګ ویلي، افغانستان او ایران دوه داسې ګاونډ هېوادونه دي، چې ترمنځ یې  همکاري او ښه تعامل یوه اړتیا ده.

هغه د افغانستان او ایران ترمنځ د علمي تجربو پر شریکولو ټینګار وکړ او ډاډ یې ورکړ، چې د لوړو زده‌کړو وزارت د علمي اړیکو د پراختیا لپاره همکارۍ ته چمتو دی.

دغه راز په کابل کې د ایران سفیر علي رضا بېکدلي په دې وروستیو کې د ایران په اړه د افغانستان له دریځ څخه مننه وکړه او څرګندوي، چې هېواد یې د افغانستان له لوړو زده‌کړو وزارت سره د تحصیلي اړیکو د پراختیا، علمي همکاریو او د تجربو د شریکولو لپاره چمتو دی.

Continue Reading

تازه خبرونه

د افغانستان او روسیې چارواکو د دوه اړخیزو همکاریو پر پراختیا خبرې وکړې

د روسیې بهرنیو چارو وزارت د خبرپاڼې له مخې، دا غونډه د روسیې د بهرنیو چارو وزارت د آسیا د دوه‌یمې ادارې د رییس الکسي پاولفسکي او د افغانستان د بهرنیو چارو وزارت د درېیم سیاسي ریاست د رییس عبدالحی قانت ترمنځ ترسره شوې ده.

Published

on

 

د افغانستان او روسیې ډیپلوماټیکو چارواکو د دوه اړخیزو همکاریو د پراختیا او د افغانستان په ګډون د سیمه‌ییزو تعاملاتو د پیاوړتیا په اړه خبرې کړې دي.

د روسیې بهرنیو چارو وزارت د خبرپاڼې له مخې، دا غونډه د روسیې د بهرنیو چارو وزارت د آسیا د دوه‌یمې ادارې د رییس الکسي پاولفسکي او د افغانستان د بهرنیو چارو وزارت د درېیم سیاسي ریاست د رییس عبدالحی قانت ترمنځ ترسره شوې ده.

دواړو لوریو د سیاسي، اقتصادي، فرهنګي او بشري همکاریو په اړه د نظرونو تبادله کړې او د افغانستان په ګډون یې د سیمه‌ییزو تعاملاتو پر پیاوړتیا ټینګار کړی دی.

دا خبرې داسې مهال ترسره کېږي، چې افغانستان او روسیه د ډیپلوماټیکو اړیکو د پراختیا او په بېلابېلو برخو کې د همکاریو د زیاتولو هڅې روانې ساتلې دي.

Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117