Connect with us

تازه خبرونه

ملګرو ملتونو د افغانستان لپاره یو اعشاریه پېنځه میلیارډ ډالر مرسته راټوله کړې

خپور شوی

د

 د ملګرو ملتونو ټولنې ويلي، چې د دې بنسټ د بشري مرستو د همغږۍ دفتر د وړاندویېنې له مخې؛ روان ژمی به خلک له کړاوونو سره مخ کړي.

په افغانستان کې بېوسي او بېوزلي ورځ تر بلې مخ پر دېرېدو ده او مرستندویه بنسټونه هم په پر له پس توګه د انساني ناورین له رامنځته کېدو خبرداری ورکوي.

د ملګرو ملتونو د بشري مرستو د همغږۍ دفتر یا “اوچا” ويلي، مرستندویه بنسټونو په دوه زره یوویشتم کال کې له افغانستان سره د یو اعشاریه پېنځه میلیارډ ډالرو مرستو غوښتنه کړې وه.

دې ټولنې ټینګار کړی، چې د دې سازمان ملګرو، افغانانو ته د بشري مرستو رسولو لپاره خپلې ژمنې او سیالۍ ګړندۍ کړې دي.

د ملګرو ملتونو د سرمنشي ویاند ویلي، چې د دې ټولنې ملګرو، افغانانو ته د بشري مرستو رسولو لپاره خپلې ژمنې ډېرې کړي دي.

د ملګرو ملتونو د سرمنشي ویاند سټيفن دوجاریک ویلي؛ د ملګرو ملتونو مرستندویه ملګرو په ډسمبر میاشت کې د افغانستان له اووه میلیون کسانو سره د خوراکي توکو مرسته کړې او له دې سره هممهاله د افغانستان بېلابېلو سیمو ته نغدي، خوراکي او غیرخوراکي مرستو لړۍ روانه ساتل شوې او تمویل کوونکیو هم په روان کال کې یو اعشاریه پېنځه میلیارډ ډالر مرستې برابرې کړي دي.

پر افغانستان د اسلامي امارت له واکمنېدو وروسته، د دې هېواد په مسئله کې ښکېلو مرستندویه بنسټونو د انساني ناورین له رامنځته کېدو خبرداری ورکړی.

د تېر حکومت له پرځېدو سره سم د وزګارتیا کچه په هېواد کې لوړه شوې ده.

د ملګرو ملتونو د سرمنشي ویاند سټیفن دو جاریک وايي، چې په تېرو څلیریشت ګړیو کې د واورې او باران ورېدو د افغانستان د یو شمېر ولایتونو ترمنځ الوتنې هم له خنډ او ځنډ سره مخ کړي دي.

نوموړی وایي: د ملګرو ملتونو مرستندویه ملګرو په ډسمبر میاشت کې د افغانستان له اووه میلیون کسانو سره د خوراکي توکو مرسته کړې؛ خو دا مرستې بسنه نکوي او د افغانستان له نیمايي ډېر خلک خواړو ته اړتیا لري.

په کابل کې د اسلامي امارت له بیا واکمنېدو وروسته هغه پرمختیايي مرستې هم، چې د افغانستان اقتصاد ورباندې ولاړ و؛ درېدلي دي.

د اسلامي امارت د بهرنیو چارو وزارت سیاسي مرستیال، چې د هېواد سویل ته یې سفر کړی وايي، په دې سیمو کې خلک ډېرو بشري مرستو ته اړ دي.

د بهرنیو چارو وزارت سیاسي مرستیال عباس ستانکزي ویلي؛ بهرنۍ انجوګانې، نړیوالې موسسې او د ملګرو ملتونو ټولنې دفتر باید دلته عملي هڅې پیل کړي، چې خلکو ته خدمات وړاندې کړي.

امریکا د افغانستان بانک شاوخوا لس میلیارد ډالر پانګه کنګل کړې او ځانګړې مرستې یې هم درولي. دا په داسې حال کې ده، چې د اسلامي امارت چارواکو ويلي؛ د افغانستان خلک بشري مرستو ته اړتیا لري؛ خو امریکا د افغانانو له شتمنۍ د فشار راوړلو د وسیلې په توګه کار اخلي.

تازه خبرونه

د اسلامي همکاریو ټولنه له اسلامي امارت سره د پړاوایز تعامل د لارې نقشه جوړوي

په دې غونډه کې ګډونوالو د افغانستان د سیاسي بدلونونو او بشري وضعیت په اړه د اسلامي همکاریو ټولنې اړوند مهم موضوعات وڅېړل او له واکمنو چارواکو سره یې د منظم او پړاوایز تعامل لپاره د یوه چوکاټ د رامنځته کولو لارې چارې وڅېړلې.

Published

on

 

د اسلامي همکاریو ټولنې د افغانستان په اړه د وزیرانو د تماس ډلې د جدې ښار په مقدماتي تخنیکي غونډه کې له اسلامي امارت سره د پړاوایز تعامل او اړیکو د تنظیم لپاره د لارې نقشې پر جوړولو بحث او خبرې کړې دي.

په دې غونډه کې ګډونوالو د افغانستان د سیاسي بدلونونو او بشري وضعیت په اړه د اسلامي همکاریو ټولنې اړوند مهم موضوعات وڅېړل او له واکمنو چارواکو سره یې د منظم او پړاوایز تعامل لپاره د یوه چوکاټ د رامنځته کولو لارې چارې وڅېړلې.

د اسلامي همکاریو ټولنې د څرګندونو له مخې؛ دغه چوکاټ د افغانانو د ګټو د خوندي کولو او په افغانستان کې د ثبات او پرمختګ لپاره د مرستې لپاره په پام کې نیول شوی دی.

دغه راز په دې غونډه کې هغه لومړیتوبونه وڅېړل شول، چې د تماس ډله به پرې د اسلامي همکاریو ټولنې د بهرنیو چارو د وزیرانو شورا د اړوند پرېکړه‌لیکونو د عملي کولو لپاره تمرکز کوي.

ګډونوالو له اسلامي امارت چارواکو سره د ګډو لومړیتوبونو په اړه مستقیمې او رغنده خبرو اترو پر ترسره کولو هم نظرونه وړاندې کړل.

Continue Reading

تازه خبرونه

د کورنیو چارو وزارت د کوکنارو د کښت د زیاتوالي په اړه د ملګرو ملتونو راپور رد کړ

یاد وزارت ویلي، چې په ۲۰۲۶ز.کال کې یې له ۲۳ زره هکټارو څخه زیاته ځمکه د نشه‌یي توکو له کښت څخه پاکه کړې او د ارزونو له مخې یې په هېواد کې د کوکنارو کښت نږدې صفر ته رسېدلی دی.

Published

on

 

د اسلامي امارت د کورنیو چارو وزارت په افغانستان کې د کوکنارو د کښت د زیاتوالي په اړه د ملګرو ملتونو د نشه‌یي توکو او جرمونو پر وړاندې د مبارزې دفتر تازه راپور رد کړی او د دغه راپور د ارزونې پر کړنلارې یې نیوکه کړې ده.

یاد وزارت ویلي، چې په ۲۰۲۶ز.کال کې یې له ۲۳ زره هکټارو څخه زیاته ځمکه د نشه‌یي توکو له کښت څخه پاکه کړې او د ارزونو له مخې یې په هېواد کې د کوکنارو کښت نږدې صفر ته رسېدلی دی.

د ملګرو ملتونو د نشه‌یي توکو او جرمونو پر وړاندې د مبارزې دفتر په خپل تازه راپور کې ویلي، چې په افغانستان کې د کوکنارو کښت په ۲۰۲۶ز.کال کې تر ۳۰۰ سلنې ډېر زیات شوی او څه باندې ۴۳ زره هکټاره ځمکې ته رسېدلی دی. په داسې حال کې، چې دغه کچه تېر کال شاوخوا ۱۰ زره هکټاره وه.

د یاد دفتر د«۲۰۲۶ز. کال لپاره د افغانستان د تریاکو د وضعیت ارزونې» د راپور له مخې؛ د تریاکو تولید هم نږدې ۴۰۰ سلنه زیات شوی او په ۲۰۲۵ز.کال کې له نږدې ۳۰۰ ټنو څخه په روان کال کې شاوخوا یو زر او ۵۰۰ ټنو ته رسېدلی دی.

راپور ښيي، چې په افغانستان کې د کوکنارو د کښت مرکز شمال‌ختیځو ولایتونو ته لېږدول شوی او د کښت شاوخوا ۷۶ سلنه ځمکه په همدې سیمه کې ده.

بدخشان او تخار د کوکنارو د کښت له مهمو مرکزونو څخه بلل شوي دي.

د دغه بنسټ د څرګندونو له مخې؛ په ۲۰۲۶ز. کال کې د ۱۶ ولایتونو د کوکنارو کښت ثبت شوی، چې د تېر کال پر پرتله پنځه ولایتونه زیاتوالی ښيي.

د ملګرو ملتونو دغه دفتر د بزګرانو اقتصادي ستونزې او د بدیل عاید د فرصتونو محدودیت د کوکنارو د کښت د بیا زیاتېدا اصلي لاملونه بللي او خبرداری یې ورکړی، چې له بزګرانو څخه له دوامدار ملاتړ پرته به د دغه بوټي د کښت مخنیوی ستونزمن وي.

په راپور کې راغلي، چې د وچو تریاکو د هر کیلوګرام منځنۍ بیه په ۲۰۲۵ز.کال کې له شاوخوا ۵۷۰ ډالرو څخه په روان کال کې ۵۰۰ ډالرو ته راټیټه شوې؛ خو اوس هم د نشه‌یي توکو پر سراسري بندیز د لګېدو له مخکینۍ کچې څخه د پام وړ لوړه ده.

ملګرو ملتونو زیاته کړې؛ په افغانستان کې د کوکنارو کښت او د تریاکو تولید، سره له دې زیاتوالي، اوس هم د بندیز له لګېدا مخکې کچې ته نه‌دي رسېدلي. هغه مهال څه باندې ۲۰۰ زره هکټاره ځمکه د کوکنارو تر کښت لاندې وه.

دا په داسې حال کې ده، چې له دې مخکې اسلامي امارت ویلي وه؛ د کوکنارو کښت، پلور او قاچاق د افغانستان له پولو بهر ته لېږدېدلی دی.

Continue Reading

تازه خبرونه

افغانستان د اسلام‌آباد د ایکو غونډې له حذفېدا وروسته د تهران سرمشریزې ته ځي

ټاکل شوې، چې د ایکو اته‌لسمه سرمشریزه د روان میلادي کال د ډسمبر پر درېیمه او څلورمه د ایران په پلازمېنه تهران کې د غړو هېوادونو د مشرانو او لوړپوړو چارواکو پر ګډون جوړه شي او د سیمه‌ییزو همکاریو په اړه خبرې اترې وکړي.

Published

on

د بهرنیو چارو وزارت د اطلاعاتو او عامه اړیکو رییس ضیاء احمد تکل ويلي، چې د افغانستان اسلامي امارت پلاوی به د اقتصادي همکاریو ټولنې( ایکو) په اته‌لسمه سرمشریزه کې ګډون وکړي.

د نوموړي د څرګندونو له مخې، د دې پلاوي مشري به د بهرنیو چارو وزیر امیرخان متقي پر غاړه ولري.

ټاکل شوې، چې د ایکو اته‌لسمه سرمشریزه د روان میلادي کال د ډسمبر پر درېیمه او څلورمه د ایران په پلازمېنه تهران کې د غړو هېوادونو د مشرانو او لوړپوړو چارواکو پر ګډون جوړه شي او د سیمه‌ییزو همکاریو په اړه خبرې اترې وکړي.

دا اعلان په داسې حال کې کیږي، چې د نومبر پر پنځلسمه او شپاړلسمه په اسلام‌آباد کې د پاکستان پر کوربه‌توب د اقتصادي همکاریو ټولنې د بهرنیو چارو وزیرانو په دېرشمه غونډه کې له ګډون څخه پاتې شو. په داسې حال کې، چې افغانستان د دې سیمه‌ییزې ټولنې غړی هېواد دی.

د پاکستان بهرنیو چارو وزارت ویلي وه، چې کابل ته بلنه ورکړ شوې نه‌وه؛ ځکه اسلام‌آباد د افغانستان اوسنۍ اداره پر رسمیت نه‌پیژني.

پاکستانيو چارواکو دا ادعا هم کړې، چې د افغانستان غړیتوب د اقتصادي همکاریو ټولنې د دارالانشا لخوا ځنډول شوی دی.

دا پرېکړه د افغان چارواکو له نیوکو سره مخ شوه.

اسلامي امارت استدلال کوي، چې سیاسي اختلافات باید د سیمه ییزو اقتصادي نوښتونو او همکاریو په برخه کې د افغانستان د ګډون مخه ونه نیسي.

د تهران په سرمشریزه کې د افغانستان ګډون به کابل ته دا فرصت برابر کړي، چې له سیمه ییزو شریکانو سره د سوداګرۍ، اقتصادي پراختیا، ټرانسپورټي نښلون او سیمه‌ییزو همکاریو ته ورته مسایلو په اړه بیا اړیکې ټینګې او خبرې اترې وکړي.

Continue Reading
Advertisement

Trending

Copyright © 2026 Ariana News. All rights reserved!