1393ټاكنې
نادر نادري: په ټاکنو کې درغلۍ او سرغړونې اندېښنونکې ندي
فیفا د لومړنیو ریپوټونو به خپرولو سره د ولسمشریزو او ولایتی شوراګانو په ټاکنو کې له سرغړونو او درغلیو څخه خبر ورکوي. په دې ریپوټ کې داسي راغلي:
په ۹۹۸ مرکزونو کې د کم عمره کسانو رای ورکونه
په ۵۰۷ مرکزونو کې د مېرمنو له کارتونو څخه د نارینو ګټه پورته کونه
د امنیتي ګواښونو له امله له ټاکل شوي وقت څخه وړاندې د ۴۳۷ مرکزونو تړل کېدل
په ۳۲۳ مرکزونو کې د امنیتي ګواښونو شتون
له بلې خوا فیفا وايي، د رای ورکونې په ۱۴۱ مرکزونو کې د راې صندقونه د یو مشخص کاندید په ګټه ډګ شوي دي.
په ۲۳۰۵ مرکزونو کې له ټاکل شوي وقت څخه وروسته د مرکزونو پرانیستل کېدنه
په ټاکل شوي وقت د ۱۷۲۸ مرکزونو نه تړل کېدل.
د راې ورکونې د ۹۶۶ مرکزونو په ۱۰۰ کیلو مټری کې د کمپاینونو نښې
په ۷۵۹ مرکزونو کې د راې د پآڼو کمېدل
په ۲۹۸ مرکزونو کې د فیفا ناظرینو ته د نظارت اجازه نه ورکول
او په ۲۵۹ مرکزونو کې د بی کیفیت رنګ استعمال له هغو مواردو څخه و، چې د فیفا په ریپورټ کې ورته اشاره شوې ده.
له دې ټولو سره سره د افغانستان د ازادو او عادلانه ټاکنو بنسټ یا فیفا رئیس نادر نادري په ټاکنو کې درغلی او سرغړونې اندېښنونکې نه بولي.
په همدې حال کې د فیفا اجرایوي مشر جانداد سپین غر د ټاکنو د پایلې د روڼوالي لپاره د ټاکنو د خپلواک کمیسیون او د ټاکنیزو شکایتونو له کمیسیونونو څخه غواړې، چي له وړاندوېنې څخه ډډه وکړي ترڅو وروستئ پایله د افغانستان د خلکو لپاره د منلو وړ وي.
فیفا وایې، چې په ټاکنو کې د خلکو پراخ ګډون د دې ښکارندویي کوي، چې د افغانستان خلک د خپلواکئ او د تروریزم پر وړاندې د مبارزې غوښتونکې دي.
1393ټاكنې
ازبکستان او افغانستان له نشهیي توکو سره د مبارزې پر همکارۍ ټینګار څرګند کړ
د کورنیو چارو وزارت له نشه یي توکو سره د مبارزې معینیت ملکي مرستیال عبدالرحمن قاسمي نن ( سې شنبه د وږي ۲۱) د ازبکستان له سفیر سره په کابل کې وکتل.
د کورنیو چارو وزارت د څرګندونو له مخې؛ په دې کتنه کې نوموړي په افغانستان کې د ازبکستان سفیر ته له نشهیي توکو سره د مبارزې پر څرنګوالي معلومات وړاندې کړل.
د کورنیو چارو وزارت اړوند چارواکو د ازبکستان له سفیره وغوښتل، چې د نشهیي توکو د لهمنځه وړلو په برخه کې له یاد معینیت سره همکاري وکړي.
د نشه یي توکو سره د مبارزې معینیت مسوولینو دغه راز، د ازبکستان له سفیر یادګار خواجه شادمانوف څخه وغوښتل، چې له نشهیي توکو سره د مبارزې منسوبینو د ظرفیت لوړونې په برخه کې دې هم همکاري وکړي.
دغه راز دواړو لوریو د نورو مسایلو تر څنګ د نشهیي توکو په پروندو کې د بندیانو پر تبادلې هم هر اړخیزه خبرې کړې دي.
ویل کیږي، چې د ازبکستان سفیر یادګار خواجه شادمانوف د نظریاتو او وړاندیزونو له اوریدو وروسته په افغانستان کې د اسلامي امارت له هوډ او نشهیي توکو سره د مبارزې په برخه کې خوښي وښودله او مسوولینو ته یې د هر راز همکارۍ ډاډ څرګند کړ.
د ۹۷ ټاکنې
انتخابات ۹۷: چالشهای انتخاباتی ریاست جمهوری
1393ټاكنې
یو امریکایي څېړنیز مرکز د ۲۰۱۴ کال له ټاکنیزو درغلیو پرده پورته کړه
د افغانستان د ستراتیژیکو مطالعاتو د مرکز تازه څېړنه وایي، چې د ۲۰۱۴ کال د ولسمشریزو ټاکنو په دوه یم پړاو کې د محمد اشرف غني بریالیتوب په روڼ ډول تر سره شوې نوی او د افغانستان پر ټاکنیز نظام د بیا کتنې او سمونونو غوښتنه کوي.
د ولسمشریزو ټاکنو په درشل کې د افغانستان د ستراتیژیکو مطالعاتو په تازه څېړنه کې د ۲۰۱۴ کال د ولسمشریزو ټاکنو په تړاو خبرې شوې دي.
امریکایي څېړونکی توماس جانسون د پېنځه کاله مخکې ټاکنو په تړاو مهم معلومات تر لاسه کړي؛ که څه هم د ۲۰۱۴ کال د ولسمشریزو ټاکنو په لومړي پړاو کې هیڅ نوماند لازمې رایې تر لاسه نکړې، خو د ټاکنو په دوه یم پړاو کې د محمداشرف غني بریا قانوني نوه.
د دې څېړنې په یوه برخه کې ویل شوي؛ محمد اشرف غني د ټاکنو په دوه یم پړاو کې له هغو ساحو ډېرې رایې تر لاسه کړې، چې په لومړي پړاو کې یې کمې ګټلې وې. کابل یوه بېلګه ده، چې غني د ټاکنو په لومړي پړاو کې یودېرش سلنه رایې ګټلې وې؛ خو په دوه یم پړاو کې یې دوه پنځوس سلنه رایې
څېړونکي توماس جانسون دا هم څرګنده کړې، چې عبدالله عبدالله په لومړي پړاو ټاکنو کې بریالی و؛ خو په دوه یم پړاو کې یې د درې اعشاریه اووه سلنه رایو له توپیر سره د کابل اووه سلنه رایې له لاسه ورکړې، په یوه ولایت کې، چې وګړي یې د هر قوم دي او ګډ ژوند کوي، دا د نه باور وړ بدلون و. دې ته ورته مونږ نور شواهد هم لرو، چې ټاکنې له درغلیو سره مل وې.
په دې څېړنه کې ټینګار شوی، چې ټاکنیزو کمیسیونونو او د ټاکنو ناورین جوړونکیو پروګرامونو د دوه زره څوارلسم کال د ولسمشریزو ټاکنو په دوه یم پړاو کې پراخو درغلیو ته زمینه برابره کړه.
د ټاکنو خپلواک کمیسیون پخواني چارواکي د ملامتیا پیټی پر نړیواله ټولنه وراچوي.
د ټاکنو خپلواک کمیسیون د دارالانشا پخوانی رییس داوود علي نجفي زیاتوي؛ یوازني کس، چې مخالفت وکړ د امریکا سفیر و او دې کار ته یې د وخت پر نلرلو ټینګار وکړ.
د دوه زره نولسم کال ولسمشریزو ټاکنو ته هم ځینې سپارښتنې کیږي، چې د درغلیو مخه باید ونیول شي.
د افغانستان د رڼو ټاکنو د څار بنسټ رییس نعیم ایوب زاده وایي: له ۲۰۱۴ څخه تر ۲۰۱۸ پورې درغلۍ، سرغړونې او تېروتنې ډېرې شوې دي.
اوس سیاسي ګوندونه او ځینې څاروونکي بنسټونه ټینګار کوي، چې د ټاکنو خپلواک کمیسیون کمیشنران باید بدل شي.
ټاکنیزو بنسټونو کې سمونونه د ملي یووالي حکومت د جوړېدو د هوکړه لیک مهمه برخه وه، خو څاروونکي وایي، چې حکومتي مشرانو دې برخې ته پاملرنه نده کړې.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه