تازه خبرونه
نړیواله ټولنه دې له پاکستان څخه د سولي لپاره د همکارۍ تضمین وغواړي
د مشرانو جرګې غړي وایي، چې نړیواله ټولنه دې د افغانستان سولي ته له پاکستان څخه د همکارۍ تضمین واخلي؛ ځکه وسلوال طالبان د پآکستان تر بشپړ نفوذ لاندې دي.
که څه هم د سولې روانې هڅې د افغانستان خلکو ته هیلې پیدا کړي؛ خو د دې لړۍ اوږدیدو د افغانستان د مشرانو جرګې اندېښنې را پورته کړې دي.
سناتوران وایي؛ ولسمشردې پاکستان ته د سفر پر مهال له دغه هېواد څخه نه یوازې په سوله کې د همکارۍ ضمانت واخلي، بلکې پر طالبانو دې رښتینې فشار هم راوړي، چې د سولې خبرو ته حاضر شي.
د مشرانو جرګې یو شمېر غړي وایي؛ ولسمشر غني دې پاکستان ته د خپل سفر په لړ کې له دغه حکومته وغواړي، چې پر وسلوالو طالبانو فشارونه زیات کړي.
د مشرانو جرګي غړی محي الدین منصف وایي: مونږ ولسمشر دې پاکستان اړ کړي، چې پر طالبانو له خپل نفوذه کار واخلي، د سولې له بهیر سره دې ورته د یوځای کیدو زمینه برابره کړي؛ ځکه د طالبانو کورنۍ، مشران، دفترونه او کارونه ټول په پاکستان کې دي.
د مشرانو جرګې غړی گل احمد اعظمي د سولې د هڅو تر څنګ د خلکو پر امنیتي خوندیتوب هم ټینګار کوي او وایي، چې پاکستان باید له خلیلزاد او امریکا سره ژمنه وکړي، چې د سولې په هڅو کې رښتینې همکاري کوي؛ پرته لدې د جګړې پای ته رسیدل ناشوني دي.
د مشرانو جرګي رییس فضل هادی مسلمیار له امنیتي ځواکونو غواړي، چې د خلکو امنیت وساتي؛ ځکه راوانه جګړه د اسلام له نامه څخه په ګټه پورته کولو روانه ساتل کیږي او عاملین یې د افغانستان له خلکو سره خبرو ته هم نه حاضریږي.
مشرانو جرګې د رایو په اکثریت پرېکړه وکړه؛ امنیتي مسوولین دې د ځواب ویلو لپاره راتلونکې ناستې ته راوغوښتل شي او مخامخ دې د امنتیي وضعیت او د جګړې د څرنګوالې په اړه خلکو ته وضاحت ورکړي.
خبریال: رفیع صدیقي
تازه خبرونه
جاپان د لویدیځو هېوادونو پر مستقیمو اړیکو خپل ټینګار څرګند کړ
په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.
تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشهیي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.
دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.
ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.
تازه خبرونه
روسیې په افغانستان کې له سیلاب ځپلیو سره مرستې ته چمتووالی څرګند کړ
د روسیې د بهرنیو چارو وزارت ویاندې څرګنده کړې، چې هېواد یې د افغانستان په شمال کې له سیلاب ځپلیو سره مرستې ته چمتو دی.
د ماریا زاخارووا په خبرپاڼه کې راغلي؛ روسیه چمتو ده، چې د افغانستان د چارسمبالي حکومت د غوښتنې په صورت کې به له افغانستان سره مرستې وکړي.
د روسیې بهرنیو چارو وزارت د دوشنبې پر ورځ (د غویی څلیریشتمه) په بغلان او د افغانستان په شمالي ولایتونو کې د سختو بارانونو له کبله د ویجاړوونکي او مرګوني سیلابونو د قربانیانو له کورنیو سره خپله خواخوږي څرګنده کړه.
ماریا زاخارووا ویلي: د دې طبیعي ناورین په مناسبت د افغانستان خلکو ته د خپلې ژورې خواخوږۍ مراتب وړاندې کوم. مونږ د قربانیانو له خپلوانو او دوستانو سره خپله خواخوږي څرګندوو.
له دې مخکې ایران، ترکیې، قطر او یو شمېر مرستندویه بنسټونو د افغانستان له سیلاب ځپلیو سره مرستې ته چمتووالی ښودلی دی.
د راپورونو له مخې، سیلابونو او سختو بارانونو د افغانستان په شمال کې یو شمېر کلي ویجاړ کړي او تر اوسه یې له ۳۱۵ ډېر کسان وژلي دي.
ویل کیږي، چې د ماشومانو د ژغورنې بنسټ اعلان کړی، چې په بغلان کې وروستیو سیلابونو د ۸۰ زره کسانو ژوند اغېزمن کړی او ۱۲ زره کورونه یې ویجاړ کړي دي.
تازه خبرونه
په ننګرهار کې د ناکامورا کانال پروژه بشپړه شوه
په ننګرهار ولایت کې د یوه کانال د جوړولو کار، چې د جاپان د یوه مرستندویه کارکوونکي تیتسو ناکامورا له خوا پیل شوې وه ترسره او بشپړه شوه.
جاپانی الاصله افغان ډاکټر تیتسو ناکامورا، چې په افغان ټولنه کې کاکا مراد یاد شوی؛ هغه څېره ده، چې د افغانستان په ختیځ کې یې د اوبو د مدیریت او ځمکو خړبولو لپاره ډاډمنې هڅې کړي او نوم یې پر زرین خط لیکل شوی دی.
ډاکټر تیتسو ناکامورا په ننګرهار ولایت کې د شاړو ځمکو د خړوبولو، د څښاک د پاکو اوبو رسولو او د اوبو دزیرمه کولوو او کانالونو د جوړیدو په برخه کې کارونه کړي دي.
د جاپان د سولې طبي خدمتونو يا PMS اداري مسوولینو ويلي؛ د ناکامورا له مرګ وروسته ټولې نیمګړې پروژې بشپړې شوې؛ خو فعالیتونه يې اوس هم روان دي، چې تازه يې د دغه ولایت په کوټ ولسوالۍ کې د بالاکوټ کانال ګټي اخستنې ته سپارلی دی.
نوموړي په ننګرهار کې هغه مهال درې روغتيايي کلينکونه جوړ کړل، چې اوسمهال يې شمېر ۱۰ کلينکونو ته رسېږي.
یاد ډاکټر تر مرګه پورې له ۱۶۰۰ زياتې د پاکو اوبو ژورې څاه ګانې کيندلي او د خلکو د بېوزليو، د ناروغیو د مخنيوي او اقلیمي بدلون د اغېزو د کمولو لپاره د چاپېريال د زرغونولو هڅې پیل کړې.
نوموړي په ۲۰۰۳ ز. کال کې د کونړ له سينده د ننګرهار کوز کونړ يا ښېوې ولسوالۍ ته د يوه ۲۵ کيلومټره کانال (چې وروسته مرواريد ونومول شو) کار پیل کړ، چې سلګونه زره جريبه ځمکه يې خړوبه او زرغونه کړه.
دغه راز وروسته بیا په دې ولسوالۍ کې د ناکامورا پر نوم يو تفریحې پارک او تحقیقاتي فارم جوړ شو، چې پر درې سوه اووه شپېته جریبه ځمکه يې مالټې، لیمو، خرما او نور زینتي نیالګي کېنول.
ناکامورا له لغمان څخه د رالګېدونکیو موسمې بادونو د مخنیوي لپاره څلورنیم کیلومټره شين کمربند جوړ کړ اووه سوه پنځوس زره نیالګي یې په کې کینول او سلګونه بې روزګاره وګړو ته یې د کار زمینه برابره کړه.
له ډاکټر تیتسو ناکامورا سره په دغه کارونو کې بوخت د وخت کارګر يې فعالیتونه ستايي او وایي، چې خپله يې له کارګرو سره وخت ناوخت کار ته اوږه ورکوله او هغوی ته يې د هېواد د ابادولو سپارښتنې کولي.
ناکامورا نه يوازي په کوز کونړ ولسوالۍ کې بلکي په کامه ولسوالۍ کې هم د شاړو ځمکو د آبادولو لپاره د کونړ له څپاند سیند څخه اوبه رابېلې کړې دي.
د کامې ولسوالۍ اوسیدونکي هم د ډاکټر ناکامورا کړنې ستايي او د PMS مرستندویه ادارې له مسولینو غواړي، چې د ناکامورا لار تقیب او د دغه ولایت پاتې شاړې دښتې، غرونه او رغونه هم زرغون کړي.
د ناکامورا کانال پېنځه کیلومټره اوږدوالی، دوه اتیا زره مټره مکعب اوبه زیرمه کوي.
ډاکټر ناکامورا ته د جمهوري نظام د ولسمشر له لورې تابعیت هم ورکړ شوی و.
ډاکټر تیتسو ناکامورا پر ۲۰۱۹ میلادي کال د جلالآباد ښار په لومړۍ ناحیه کې د ناڅرګنده وسلهوالو له لورې هغه مهال پر ډزو ووژل شو، چې په خپل موټر کې له دفتره د کار سیمې ته روان و.
تراوسه د هغه د وژل کیدو علت او د قاتلینو هویت ندی څرګند شوی.
د یادونې ده، چې دغه چاپانۍ مرستندویه اداره اوس هم د اوبولو لګولو تر څنګ په روغتیایي، کرنیزو، مالدارۍ او يو شمېر نورو برخو کې هڅې ترسره کوي.
-
تازه خبرونه3 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري3 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د یوناما استازې د ایران له بهرنیو چارو وزیر سره وکتل
-
لوبی1 day ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه24 hours ago
په ننګرهار کې د ناکامورا کانال پروژه بشپړه شوه