تازه خبرونه
هلمند سرتېرو ته نه، بلکې ځواکمن مدیریت ته اړتیا لري
په هلمند کې له تېروڅلور ورځو راپه ديخوا له هغې وروسته هوايي اوځمکني عمليات پراخه شول، چې وسلوالو مخالفينو د نادعلي ولسوالۍ ډېری سيمې ترخپلې ولکې لاندې راوستلې او د لښکرګاه په اته کيلومترۍ چاه انجير کې يې جګړې ته زور ورکړ.
د هلمند د ولايتي شورا امنيتي کميتې مسوول بشیر احمد شاکر وايي، چې دې جګړې ته په ډېر شمېر نور سرتېري له نورو ولايتونو او يا هم له مرکز کابل څخه راوستل شوي؛ خو د دې پرځای بايد د هغو سرتېرو مديريت په سمه توګه ترسره شوی وای، چې له وړاندې دلته موجود دي.
هغه زیاتوي، د سرتېرو په پرتله د مخالفينو شمېرکم دی. که شته سرتېري سم مديريت شي ډاډه دی، چې دا جګړه به افغان سرتېري وګټي.
د هلمند والي وياند وايي، چې اوس هم لښکرګاه ته په نږدې سيمو کې جګړه شته او د سم مديريت له پاره يې پياوړې همغږي رامنځته او د وسلوالو مخالفينو د پرمختګ مخه نيول شوې ده.
د هغه په وینا؛ مخالفین په غلچکي توګه په ځينو سيمو بريدونه کوي، چې په وړاندې يې هوايي او ځمکني عمليات روان دي.
ځواک که څه هم د دې جګړې په لړ کې د وسلوالو مخالفينو د وژل شويو کسانو شمېر په ډاګه نه کړ؛ خو د هلمند والي په يوه ويډيويي پيغام کې د هلمند اوسيدونکیو ته ويل شوي؛ تراوسه پورې په دې جګړه کې ۲۸۶ وسلوال مخالفين وژل شوي، چې په دې ډله کې له شل ډېر قومندانان دي او د دې ترڅنګ د هغوی تش په نوم والي هم په دې جګړه کې له منځه تللی دی.
خبریال: نعمت الله زهير.
تازه خبرونه
تحول: په افغانستان کې د ټولګډونه حکومت پر جوړېدا د ایران ټینګار
تازه خبرونه
قطر د افغانستان له ګاونډ هېوادونو څخه راستانه شویو افغان کډوالو ته کورونه جوړوي
د کډوالو او راستنیدونکیو چارو وزارت چارسمبالي د قطر د سرې میاشتې خیریه موسسې او نړیوالې پراختیايي ادارې له رییس سره وکتل.
د کډوالو او راستنېدونکیو چارو وزارت ویاند عبدالمطلب حقاني ویلي؛ په دې کتنه کې د یاد بنسټ رييس ويلي، چې دوى د افغانستان له ګاونډ هېوادونو څخه د راستنېدونکیو افغان کډوالو لپاره کورونه جوړوي، خو د شمېر په اړه به یې د قطر له خيريه صندوق سره خبرې وکړي.
د کډوالو د حقونو هڅاندې اصفه ستانکزۍ ويلي، چې تهران او اسلامآباد تل له مهاجرینو سره د نړیوالو قوانینو خلاف چلند کوي.
له بلې خوا د تهران والي مرستیال مهدي باب الحوائجي ویلي، چې دوی د غیر قانوني مهاجرینو پر ضد جګړه کوي او هغه کسان، چې مهاجرینو ته کار او یا کور ورکوي محاکمه او سزا به ورکړ شي.
د اسلامي امارت ویاند ذبیح الله مجاهد څرګنده کړې، چې ایران باید له افغان مهاجرینو سره د نړیوالو قوانینو په رڼا کې چلند وکړي او د هغوی له جبري ایستلو دې ډډه وکړي.
ویل کیږي، چې په دې وروستیو کې ایران او پاکستان د افغان کډوالو جبري ایستنه ګړندۍ کړې او هره ورځ له دغو هېوادونو څخه سلګونه کسان هېواد ته را شړل کیږي.
تازه خبرونه
د خواف – هرات د اوسپنېپټلۍ د وروستۍ برخې د جوړولو کار پیل شو
د خواف- هرات د اوسپنېپټلۍ د څلورمې برخې د دوهیم فاز د جوړولو کار، چې افغانستان له ایران سره نښلوي؛ پرانیستل شو.
دغه برخه، چې شاوخوا ۴۷ کیلومټره اوږدوالی لري؛ ټولیز لګښت یې ۵۳ میلیون ډالر دی او ټاکل شوې، چې دا پروژه په څه کم ۲ کلونو کې بشپړه او ګټې اخیستنې ته وسپارل شي.
د ګاما سهامي شرکت او د ترکیې او روسیې دوه شرکتونه په ګډه پدې پروژه کار کوي.
د کشدر اوسپنېپټلۍ چارواکي وايي، دا د خواف- هرات د اوسپنېپټلۍ وروستۍ برخه ده، چې د هرات د زنده جان ولسوالۍ له رباط پريان سيمې پيلېږي او د خواجه عبدالله انصاري نړيوال هوايي ډګر او د هرات تر صنعتي ښارګوټي پورې رسېږي.
د دې پړاو له بشپړېدو سره به د ایران له اوسپنېپټلۍ او بندرونو سره د هرات د سیمهییز پیوستون پروژه بشپړه شي، چې د منځنۍ او جنوبي آسیا ترمنځ به د سوداګریزو مالونو د لیږد د کچې د لوړولو زمینه برابره کړي.
له ایران څخه د هرات تر روزنک سیمې پورې د هرات – خواف اوسپنېپټلۍ د جوړولو چارې بشپړې شوې دي.
-
لوبی4 days ago
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
-
تازه خبرونه4 days ago
فلسطیني دولت باید د خبرو له لارې راجوړ شي – امریکا
-
تازه خبرونه4 days ago
په بامیان ولایت کې د سمڅو اوسېدونکیو ته د استوګنې کورونه جوړیږي
-
تازه خبرونه5 days ago
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
-
لوبی4 days ago
اټک انرژي د افغانستان فوټبال اتلانو لیګ د درېیم پړاو اتلولي خپله کړه
-
سوداگري5 days ago
په پنجشېر کې د یاقوتو استخراج او وپلورل پیل شول
-
تازه خبرونه5 days ago
د افغانستان په اړه د دوحې د درېیمې غونډې نېټه وټاکل شوه
-
تازه خبرونه5 days ago
د ۱۴۰۳ کال مالي بودجه تصویب شوه