تازه خبرونه
هلمند کې د خوراکی توکو مرسته وشوه
په هلمند ولایت کی له لسګونه جګړې ځپلو کورنيو سره د خوراکي او نورو توکو مرسته وشوه.
دا مرستې د ملګروملتونو د ماين پاکۍ پروګرام له خوا چمتو شوې چې د چهارشنبې په ورځ په هغه ملکي کورنيوووېشل شوې چې د روانې جګړې په لړکې يې يا د کورنۍ غړي له لاسه ورکړي اويا يې هم کورونه له منځه تللي دي، يادې شوې کورنۍ وايي دا ډول مرستې بايد نېغ په نېغه دوی ته ورکړل شي.
يادې شوې مرستې چې ۳۰ قلمه خوراکي او نورتوکي په کې شامل دي د چهارشنبې په ورځ په لښکرګاه کې ۶۹ کورنيوته ورکړل شوې.
د هلمند د سکتوري چاروریيس جان ګل وايی: “د دې کورنيوسروې د هلمند په بېلابېلوسيموکې د ملګروملتونود ماين پاکۍ پروګرام له خوا شوې چې دا ځل يې هم ګڼو کورنيو ته چې د يوه کور ټول وسايل په کې شامل دي چمتوکړي دي. هغه له نورواداروهم وغوښتل چې له اړو کورنيوسره ورته مرستې وکړي.”
پرهمدې وخت په سهيل لويديځ زون کې د ملګروملتونود ماين پاکۍ اړوند د انساني مرستو مسؤل محمد طاهر فضلی وايي: “زموږ مرستې په دريو برخو وېشل شوې چې يو لړ يې نېغ په نېغه له هغه ملکي کورنيوسره د لومړنيو توکو مرستې دي چې د کورنيو غړي يې د جګړې په ترڅ کې له لاسه ورکړي اويا هم ټپيان شوي او د دې تر څنګ همدې ډول کسانوته د بېلابېلو حرفوي زده کړو زمينه برابروي.”
هغه وايي چې وړاندې يې هم په دې ولايت کې دوه ځله سلګونو کسانوته ورته مرستې ورکړې اود هلمند له اوسېدونکوغواړي چې ددې ډول کورنيوپه اړه له دوی سره معلومات شريک ترڅو دا ډول مرستې ورته ورسوي، پرهمدې وخت د دې کورنيوځينې غړي وايي چې دا مرستې بايد نېغ په نېغه دوی ته ورکړل شي که چېرې وکيلان په جريان کې واچول شي دوی ترې پاته کېږي.
د دوی په وينا وړاندې يې په وار وار له خیريه ادارو د مرستوغوښتنه کړې ده خودا لومړی ځل دی چې دوی ته مرستې ورکول کېږي.
خبریال: نعمت الله زهير
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی5 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه5 days ago
د یوناما استازې د ایران له بهرنیو چارو وزیر سره وکتل
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
تازه خبرونه5 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ5 days ago
انټوني بلینکن اوکراین ته رسېدلی
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي