تازه خبرونه
هډوال: د ډالر په وړاندې د افغانیو اوسنی ارزښت د قناعت وړدی
د افغانستان بانک چارواکي وایي چې د ډالرپه وړاندې د افغانیو اوسنی ارزښت دوی ته د قناعت وړدی.
دوی وايي، د سیمې د هیوادونو داسعار په نسبت افغانیو اوس هم خپل ارزښت ښه ساتلی دی.
مسولینو د افغانیو د ارزښت په هکله هر ډول اندیښنی بې اساسه بولي او وايي په راتلونکی ربعه کې به د ډالرو په وړاندې د افغانی د ارزښت د ساتنی لپاره اته سوه وپنځوس میلیونه ډالربازارته وړاندې کړي.
د افغانستان بانک سرپرست خان افضل هډوال وایي د افغانۍ دنرخ په اړه په بازار بشپړ کنټرول لري.
دی زیاتوي چی د افغانۍ د قیمت د ثابت د ساتلو لپاره د افغانستان بانک په خزانه کې یولس ملیارده ډالر شته چي هر وخت کولی شي د بازار کنټرول په لاس کې واخلی.
“موږ به په راتلونکي دریو میاشتو کي د افغانۍ د رانیولو لپاره ۸۵۰ میلونه ډالر بازار ته وړاندی کړو او موږ کافي اندازه پیسې لرو چی ترڅو بازار کنټرول کړو.“
د افغانستان بانک دچارواکو په وینا په روان کال کې به د اوسنیوافغانیو ترڅنګ ۱۱ سلنه نوي بانکنوټونهچاپ او بازارته به د چلند لپاره وړاندي کړي.
خان افضل هډه وال زیاتو چې په روان کال کي به دخصوصی بانکو نه دڅارنی موضوع جدي ونیسي.
“ موږبه له دي روسته د بانکو نو څخه د ارزونې لړۍ ته زور ورکړو که څه هم د بانکو نوپه مدریت کې ښه والی راغلی؛ خو بیاهم غواړو څارنه زیاته کړو.“
دافغانستان بانک د چارواکو په وینا ډیرژربه د پیسو د نړیوال صندق هغه دري وړاندیزونه هم پشپړ کړي چې پراساس یی د افغانستان بانکو نه دتور لیست له خطر څخه خلاص شي.
خبریال: اسلم حجاب
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت ویاند ذبیح الله مجاهد د عدلیې وزارت د څرګندونو له مخې څرګنده کړې، چې د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
-
لوبی5 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
تازه خبرونه5 days ago
د یوناما استازې د ایران له بهرنیو چارو وزیر سره وکتل
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
تازه خبرونه5 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه5 days ago
په روزګان کې د ماین پاکۍ موسسې یو کارکوونکی د ماین چاودنې له کبله ووژل شو