سیمه ییز خبرونه
هېڅ يو ډاكتر د داسې درملنې حق نه لري، چې وروسته په مضرې ناروغۍ بدله شي
د اورتوپيدستانو يا د هډكو د ډاكترانو ټولنه وايي، چې د شتو ستونزو سره سره د سيمې د هېوادونو په پرتله په هېواد كې د هډوكو د نارغيو درملنه د قناعت وړ بلل كېږي.
د افغانستان د اوتوپيدستانو يا د هډكو د ډاكترانو د ټولنې يو شمېر غړي وايي:
هېڅ ډاكتر د داسې درملنې حق نه لرې، چې د وخت په تېرېدو سره ناروغ ته زيان ورسوي.
د ملي اردو صحې قوماندان ډاكتر موسى وردگ وايي:
ډاكټران بايد د ناروغانو د درملنې پر مهال له هغو لارو كار واخلي، چې پخوا يې د كارونې تجربې تر سره شوې وي.
نوموړې زياتوي، چې كه څه هم په افغانستان كې د هډوكې په برخه كې درملنې د پام وړ پرمختگ كړې، خو د نا امنيو د دوام له امله اوس هم دغه برخه لا زياتو تجربو او كاركوونكو ته اړتيا لري.
په همدې وخت كې د افغانستان د اورتوپيدستانو يا د هډوكو د ډاكترانو د ټولنې مشر پروفېسور نجيب الله وزيري وايي:
په افغانستان كې د هډوكې د ناروغۍ درملنه د سيمې د هېوادونو په پرتله د قناعت وړ ده.
دغې ټولنې د چهار شنبې په ورځ ( د ليندى ۱۵ ) وروسته له هغې، چې د نړى د اورتوپيدستانو د ټولنې غړيتوب يې تر لاسه كړې د خپلو افكارو د شريكولو په موخه يې خپله دوهمه ناسته په كابل كې جوړه كړه.