تازه خبرونه
ولسمشر اجرائيه رییس ته د لومړي وزیر واک نه دی سپارلی- اجرائیه ریاست
اجرائيه ریاست وايي، چې ولسمشر اجرائيه رییس ته د لومړي وزیر د واکونو له سپارلو سره موافقه نده کړې.
د دغه ریاست ویاند مجیب الرحمن وايي، چې اجرائيه ريیس د اجرائيه لومړي وزارت د واکونو غوښتنه لري، چې د ګومارنو او مالي چارو د سمبالولو صلاحیت تر لاسه کړي؛ ارګ د اجرائيه رییس دې غوښتنې ته د هو سر نه دی خوځولی.
د اجرائيه ریاست ویاند رحیمي زیاتوي؛ عبدالله عبدالله د هغو ادارو د لغوه کولو غوښتنه هم لري، چې په وینا یې ارګ را منځته کړي او د وزارتونو واکونه یې محدود کړي دي.
هغه وايي، چې د چنار مانۍ او ارګ تر منځ زیاتره اختلافونه پخپل ځای دی.
داسې ښکاري، چې اوس هم ارګ او چنار ماڼۍ د مهمو مسایلو او واکونو پر سر یوه خوله نه دي.
اجرائيه ریاست وايي، چې د عبدالله عبدالله زیاتره غوښتنې او وړاندیزونه د ولسمشر پر میز پراته دي او غور پرې نه دی شوی.
د سیاسي هوکړه لیک پر تطبیق د څار کمیسیون دريیس محمد ناطقي په وینا؛ سیاسي هوکړه لیک، چې له مخې یې د ملي وحدت حکومت رامنځته شو؛ یوازې همدا ماده یې عملي شوې، چې ګډ حکومت را منځته شو، خو د ټاکنیز نظام اصلاح، د لویې جرګې رابلل، د نظام د بڼې اړول، د رسمي اپوزیسیون جوړیدل، د برښنايي تذکرو وېش او داسې نور هغه مواد دی، چې اوس هم دوړې ورباندې پرتې دي او پلي شوي نه دي.
هغه وایي، سیاسي اختلافونه په ځانګړي توګه په ګومارنو او نورو مسلو کې اختلاف او جګړې لامل شوي، چې د هوکړې سند پلی نشي.
د دغو اختلافونو پایله څه راوځي؟ خلک وېره لري، چې د دغه حالت دوام به افغانستان د نابودۍ کندې ته ور ټیل وهي.
د سیاسي چارو شنونکی هارون میر وایي، د مدیریت له بحران سره مخ شوي یو. که په راتلونکیو درې کلونو کې دا مدیریت وي او له فرصتونو ګټه پورته نه کړو؛ نو دا به د افغانستان له خلکو سره ستره جفا وي.
ارګ په دې برخه کې خبرو ته حاضر شوی نه دی؛ خو اجرائيه ریاست وايي، چې له ارګ سره د اختلافونو د حل لپاره ناندرۍ دوام لري.
سربېره پر دې له ولسمشر سره د هغه د لومړي مرستیال او په اصلاحاتو او غوره حکومتدارۍ کې د هغه د ځانګړي استازي اختلافونه پخپل ځای پاتې دي.
تازه خبرونه
کابل ته د ترکیې د هوايي شرکت الوتنه ترسره شوه
د ټرانسپورت او هوایي چلند وزارت د څرګندونو له مخې؛ له څه باندې درې کلن ځنډ وروسته نن سهار سې شنبه د غبرګولي دوهیمه د ترکیش هوايي شرکت الوتکه کابل ته راورسېده.
په هغو مراسمو کې، چې د ټرانسپورټ او هوايي چلند وزارت مالي او ادراي مرستیال حافظ صدیقالله عابد، د هوايي ډګرونو لوی رییس الحاج عبدالستار غروال، د ترکیې سفیر جنک اونال او د وزارت یو شمېر نورو مسوولینو ګډون درلود ویل شوي، چې د کابل او استانبول ترمنځ به هره اوونۍ څلور الوتنې ترسره کیږي.
د خصوصي سکتور ځیني غړي افغانستان ته د لویو هوايي شرکتونو پر راتلو خوښي ښیي او څرګندوي؛ د ترکیې، عربي اماراتو، دبۍ او هندوستان په ګډون هېوادونه دې افغانانو ته د ویزې د ورکړي په برخو کې اسانیتاوې برابرې کړي، چې د خلکو ستونزې اوارې شي.
د سوداګرۍ او پانګونې خونې غړي خان جان الکوزی ویلي: مونږ خوښ یوو، چې په هېواد کې مو د نړۍ معتبرهوايي شرکتونه پروازونه کوي؛ خو هغه هېوادونه، چې افغانستان ته الوتنې کوي افغانانو ته باید ویزې ورکړي، چې د خلکو ستونزې اوارې شي.
دوی وایي؛ که د نړیوالو هوايي شرکتونو لهخوا افغان صادارتو لپاره د کارګو خدمتونه پراخ شي؛ د هېواد وچه او تازه میوه به د نړۍ مارکیټونو ته په منظم ډول او پرټاکلې وخت ورسیږي.
ویل کیږي، چې د یاد هوايي شرکت د الوتنو له پیلېدا سره به ترکیې هېواد ته د افغان مسافرو لپاره د سفر پر اسانتياوو سربېره د دواړو هېوادونو ترمنځ هوايي ټرانسپورټ او سوداګریزې اړیکې هم پراختیا ومومي.
تازه خبرونه
په کابل ښار کې د کمانډو ځواکونو مرکز پرانیستل شو
د کابل په ګارنیزون کې د لومړي ځل لپاره تېره ورځ د ملي اسلامي اردو د ځانګړیو ځواکونو (کمانډو) د لومړي کنډک قومندانۍ مرکز پرانیستل شو.
دفاع وزارت په ایکس پاڼه کې زیاته کړې، چې د دې وزارت اړوند چارواکو د ډاډمن امنیت د خوندي کولو لپاره په نورو ولايتونو کې هم د ورته مرکز له پرانستلو خبر ورکړی دی.
ویل کیږي، چې ځانګړي ځواکونه پر عصري او پرمختللیو وسلو سمبال او مسلکي روزنه یې لیدلې، چې په هر ډول شرایطو کې به خپله دنده ترسره کوي.
تازه خبرونه
اروپايي ټولنې په افغانستان کې سېلاب ځپلیو ته ۴۰۰ زره یورو ځانګړې کړې
اروپايي ټولنې څرګنده کړې، چې په بغلان، بدخشان او تخار ولایتونو کې له سېلاب ځپلیو سره یې د بشري مرستو د رسولو لپاره ۴۰۰ زره یورو ( څه باندې ۳۰ میلیون افغانۍ) ځانګړې کړي دي.
د دې بنسټ د نننۍ (سې شنبه د غبرګولي لومړۍ ) خبرپاڼې له مخې؛ يادې مرستې به د اکتيډ او ډاکار موسسو لهخوا وړاندې شي، چې په کې نغدو پيسو، پاکو اوبو او پاکوونکیو توکو ته لاسرسي شته دی.
اروپايي ټولنې دا يادونه هم کړې، چې له ۱۹۹۴ ز. کال راپدیخوا يې په افغانستان کې د بشري مرستو په برخه کې مالي مرستې کړي او تر اوسه يې نږدې یو اعشاریه اته ميليارډ يورو مرسته کړې ده.
دغه راز دې ټولنې یوازې تېر کال د بشري مرستو په برخه کې ۱۵۹ میلیون یورو مرسته کړې. سربېره پر دې اروپايي ټولنې له ۲۰۲۱ ز. کال راپدیخوا د ۳۵ الوتنو له لارې افغانستان ته ۱۶۰۰ ټنه مرسته رالېږلې ده.
-
لوبی3 days ago
راشد خان د افغان بیسیم مخابراتي شرکت رسمي سوداګریز سفیر شو
-
تازه خبرونه5 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
تازه خبرونه2 days ago
په افغانستان کې د وروستیو سیلابونو له کبله ۵۴۰ کسان مړه شوي – م.م
-
نړۍ2 days ago
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
-
تحول5 days ago
تحول: د چین له سفیر سره د ریاست الوزراء د سیاسي مرستیال لیدنه
-
څار5 days ago
څار: د افغانستان په اړه سیمهییزه اجماع
-
روغتيا2 days ago
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ
-
سیمه ییز خبرونه1 day ago
د ایران ولسمشر ابراهیم رییسي د چورلکې د راغورځېدو په پېښه کې مړ شو