Connect with us

تازه خبرونه

ولسمشر غني به د استانبول ناستې ته خپله د سولې درې اړخیزه طرحه وړاندې کړي

خپور شوی

د

Last Updated on: وری ۱۶, ۱۴۰۰

رویټرز په ډاګه کړې: د افغانستان ولسمشر اشرف غني به د استانبول په ناسته کې برخوالو ته د سولې درې اړخیزه تګلاره وړاندې کړي، چې په کې له طالبانو سره هوکړه، د اوربند اعلام او له وخت مخکې ټاکنې رانغښتل شوې دي.

رویټرز د اسنادو پر بنسټ په ډاګه کړې، چې د سولې د لارې د دې نقشې لومړۍ برخه د ملګرو ملتونو تر ملاتړ لاندې د سیاسي حل او اوربند پر هوکړې ټینګار کوي.

د لارې دوه یم پړاو پر ولسمشریزو ټاکنو او د سولې دولت د تینګېدو او بیا د نوي سیاسي سیسټم لپاره اجرائیوي چمتووالی په ګوته شوی.

د سولې طرحې په درېیم پړاو کې پر اساسي قانون او د مهاجرینو پر راستنېدو او ادغام خبرې او بحثونه دي.

سربېره پردې افغان چارواکي وايي، ولسمشر غني به بیا په ټاکنو کې برخه وانخلي.

د افغانستان د حکومت یوه جګپوړي چارواکي رویټرز ته دا هم ویلي، چې اشرف غني د سولې دغه تګلا له یو شمېر بهرنیو هېوادونو سره هم شریکه کړې ده.

یو شمېر سرچینو آریانا نیوز ته څرګنده کړې، چې د استانبول ناسته به د روانې لمریزې هجرې میاشتې پر ۲۷ ترسره شي.

د غونډې پر اجنډا د افغان حکومت، طالبانو او امریکایي چارواکو تر منځ مشورې روانې دي.

له دې مخکې طالبانو خبرداری ورکړی و، چې که ټول بهرني ځواکونه د می تر لومړۍ نېټې له افغانستان څخه ونه وځي؛ دوی به پر بهرنیو ځواکونو بریدونه بیا پیل کړي.

د افغانستان د حکومت یوه لوړپوړي چارواکي رویټرز ته ویلي؛ طالبان چمتو دي د می لومړۍ نېټه وغځوي؛ خو په بدل کې یې د زرهاوو بندیانو خوشې کول غواړي.

په قطر کې د طالبانو د سیاسي دفتر ویاند محمد نعیم ویلي، چې د طالبانو لخوا داسې کوم وړاندیز ندی شوی.

دغه راز د امریکا ولسمشر جوبایډن ویلي وه، چې د می پر لومړۍ د ټولو بهرنیو ځواکونو وتل له تخنیکي پلوه سخت او ستونزمن دي.

د افغانستان د ولسمشر دوه یم مرستیال سرور دانش د لویې څارنوالۍ د نوي سرپرست د پېژندنې په مرسمو کې څرګنده کړې، چې د سولې لپاره ښايي د افغانستان اساسي ‌قانون تعدیل شي.

هغه ویلي؛ سوله د دې ارزښت لري، چې د ټینګېدو لپاره یې د افغانستان په اساسي قانون کې تعدیل ومنو، خو تعدیل د هغه میکانیزم پر بنسټ، چې خپله په اساسي قانون کې مطرح شوی دی.

دا په داسې حال کې ده، چې ولسمشر غني‌ ټېنګار کړې، چې له ټاکنو پرته له وخت مخکې د واک لېږد ته چمتو ندی.

تازه خبرونه

د ۲۰۲۶ کال د بشري مرستو کمېدا میلیونونه کسان له بحران سره مخ کړي

د دې ادارې د څرګندونو له مخې، د ۲۰۲۶ کال له پیل څخه شپږ میاشتې وروسته یوازې ۳۰ سلنه هغه بودجه ترلاسه شوې، چې د نړۍ د ۲۵۲ میلیون اړمنو کسانو له ډلې د ۱۴۳ میلیون کسانو د ملاتړ لپاره اړتیا ده.

Published

on

 

د ناروې د کډوالو شورا (NRC) خبرداری ورکړی، چې په ۲۰۲۶ز.کال کې د نړۍ د بشري اړتیاوو له زیاتوالي سره سره د ژغورونکو مرستو د برابرولو کچه تر هر وخت ډېره ټیټه شوې ده او میلیونونه کسان په «هېر شویو ناورینونو » کې له سخت خطر سره مخ دي.

د دې ادارې د څرګندونو له مخې، د ۲۰۲۶ کال له پیل څخه شپږ میاشتې وروسته یوازې ۳۰ سلنه هغه بودجه ترلاسه شوې، چې د نړۍ د ۲۵۲ میلیون اړمنو کسانو له ډلې د ۱۴۳ میلیون کسانو د ملاتړ لپاره اړتیا ده.

د NRC سرمنشي یان ایګلنډ ویلي، چې ۲۰۲۶ کال د وینزویلا او سوډان په ګډون د میلیونونو کسانو لپاره «برخه‌لیک ټاکونکی کال» دی او خبرداری یې ورکړی، چې د مرستو پرله‌پسې کمښت کولی شي د «سترو انساني تلفاتو» لامل شي.

هغه زیاته کړې؛ هېوادونه باید بشري مرستې د اړتیا پر بنسټ، نه د سیاسي ملاحظاتو پر اساس ووېشي او له هغو هېوادونو یې، چې مالي سرچینې لري د بشري ناورینونو پر وړاندې له مسوولیت څخه د ډکو کړنو د تر سره کولو ِوښتنه کړې ده.

په راپور کې راغلي، چې افغانستان هم د لومړي ځل لپاره د NRC د «هېر شویو ناورینونو» په نوملړ کې شامل شوی او د بشري پروګرامونو تمویل یې شاوخوا ۱۱ سلنې ته راټیټ شوی دی.

NRC خبرداری ورکړی، چې د مرستو کمېدا په داسې حال کې ده، چې له ۲۱.۹ میلیون زیات افغانان مرستو ته اړتیا لري او میلیونونه نور هم له ګاونډ هېوادونو څخه هېواد ته راستانه شوي دي.

دې ادارې ټینګار کړی، چې د عاجلو بشري مرستو له زیاتوالي پرته به میلیونونه کورنۍ په افغانستان او نورو ناورین ځپلیو هېوادونو کې له لوږې، بې‌کورۍ او زیاتې ناامیدۍ سره مخ شي.

Continue Reading

تازه خبرونه

«مونږ له بمبارۍ او فشار نه وېرېږو او نه ماتې خورو!» -د اطلاعاتو او کلتور وزیر

هغه زیاتوي؛ مونږ هغه کسان مات کړل، چې له تاسې څخه پر پرمختللیو تجهیزاتو او عصري وسلو سمبال ول.»

Published

on

 

د اطلاعاتو او کلتور وزیر شېر احمد حقاني په کاپیسا ولایت کې د « خبریالانو د فکري، عقیدوي او مسلکي وړتیاوو لوړولو» سمینار ته د وینا پر مهال ویلي، چې هیڅ راز فشار او برید نه‌شي کولی د افغانانو اراده کمزورې کړي.

نوموړی وایي:« هغو کسانو ته باید وویل شي، چې زمونږ ماشومان یې د شپې پر خوب ویده ظالمانه بمبار او  «شهیدان» کړي دي؛ مونږ له بمبارۍ او سختیو نه وېرېږو.»

هغه زیاتوي؛ مونږ هغه کسان مات کړل، چې له تاسې څخه پر پرمختللیو تجهیزاتو او عصري وسلو سمبال ول.»

Continue Reading

تازه خبرونه

ازبکستان او قطر د افغانستان د تلپاتي پرمختګ پر ملاتړ ټینګار وکړ

د ازبکستان بهرنیو چارو وزارت څرګنده کړې، چې د افغانستان په چارو کې د دغه هېواد ځانګړي استازي، عصمت‌الله ارګاشوف، په تاشکند کې د قطر له سفیر حسن حمزه هاشم سره د سوداګرۍ، پانګونې، ټرانسپورټ، لوژسټیک کلتوري او بشري نوښتونو په برخو کې د همکاریو په اړه خبرې کړې دي.

Published

on

 

ازبکستان او قطر په ګډه غونډه کې د دوه‌اړخیزو همکاریو د پراختیا او د افغانستان د تلپاتي پرمختګ د ملاتړ پر لارو چارو خبرې کړې دي.

د ازبکستان بهرنیو چارو وزارت څرګنده کړې، چې د افغانستان په چارو کې د دغه هېواد ځانګړي استازي، عصمت‌الله ارګاشوف، په تاشکند کې د قطر له سفیر حسن حمزه هاشم سره د سوداګرۍ، پانګونې، ټرانسپورټ، لوژسټیک کلتوري او بشري نوښتونو په برخو کې د همکاریو په اړه خبرې کړې دي.

په دې لیدنه کې دواړو لوریو د سیمې پر وروستیو تحولاتو، د افغانستان اړوند موضوعاتو او ډېرې همغږۍ اندونه وړاندې کړي دي.

د ازبکستان بهرنیو چارو وزارت د خبرپاڼې له مخې، قطر د افغانستان د بیارغونې او اقتصادي رغونې د ملاتړ لپاره د تاشکند له پرله‌پسې هڅو ستاینه کړې او د سیمه‌ییز ثبات، سیمه‌ییز اتصال او اقتصادي پراختیا په پیاوړتیا کې یې د ازبکستان رول اړین بللی دی.

دواړو لوریو د غونډې په پای کې د خبرو د دوام، د عملي همکاریو د پراختیا او د هغو نوښتونو پر ملاتړ ټینګار هم وکړ، چې له افغانستان سره په تړاو د سولې، اقتصادي پراختیا او د سیمه‌ییز اتصال له پیاوړتیا سره مرسته کوي.

Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117