تازه خبرونه
ولسمشر غني د ولایتي کمیشنرانو ۷۵ کسیز نوملړ منظور کړ
ولسمشر اشرف غني د ټاکنیزو شکایتونو د کمیسیون د ولایتي کمیشنرانو پېنځه اویا کسیز نوملړ منظور کړ، چې ټاکل شوې د دوشنبې پر ورځ کارپیل کړي.
د ټاکنیزو شکایتونو خپلواک کمیسیون د ۱۰۲ ولایتي کمیشنرانو نوملړ له څو میاشتو وروسته په بشپړ ډول د ولسمشر لخوا منظور شو.
د ټاکنیزو شکایتونو خپلواک کمیسیون څرګنده کړې، چې څو میاشتې مخکې ولسمشرۍ ماڼۍ ته د ۱۰۲ ولایتي کمینشرانو نوملړ د منظوري په موخه لیږل شوی و؛ خو ۲۷ کسان یې منظور شوي وه او دا دی ۷۵ نور یې تازه د ولسمشر لخوا تائید شول.
د ټاکنیزو شکایتونو خپلواک کمیسیون ویاند علیرضا روحاني وایي، چې: پاتې کمیشنران هم ارګ منظور کړل؛ سبا یې نوملړ مونږ ته رارسیږي او یاد کمیشنران به د یکشنې پر ورځ د لارښوونو له زدکړو وروسته د دوشنبې پر ورځ ولایتونو ته واستول شي.
د ټاکنو څارونکي بنسټونه وایي، په دې برخه کې ټکنی کار شوی او دا به ټاکنیز بهیر هم ټکنی کړي.
د افغانستان د آزادو او عادلانه ټاکنو بنسټ اجرائیه رییس یوسف رشید وايي: که څه هم باید، چې درې میاشتې مخکې یې کار او هڅې پیل کړی وای او په چارو کې یې ونډه درلوده. له رامنځته شوي ځنډه خوښ نه یم.
د دې تر څنګ د ولسوالیو شوراګانو د نوماندانو نوملړ هم اعلام شوی دی او اوس د ټاکنیزو شکایتونو ته د لاسرسي خپلواک کمیسیون وایي؛ ولایتي دفترونه په ټولو ولایتونو کې چمتو دي، چې شکایتونه وڅېړي.
خبریاله: دیانا صمدي
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
تازه خبرونه5 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ4 days ago
انټوني بلینکن اوکراین ته رسېدلی
-
سوداگري1 day ago
د صنایعو او سوداګرۍ وزارت چارسمبالي د تاتارستان له ولسمر سره وکتل