سوداگري
پاکستان افغان چارواکو ته ۳۶۰۰ ټنه د غنمو تخم وسپاره
پاکستان د دوشنبې پر ورځ افغان چارواکو ته په تورخم کې ۳۶۰۰ مټریک ټنه د غنمو تخم وسپارله.
په افغانستان کې د پاکستان استازي منصور احمد خان د تورخم پر پوله د افغانستان د کرنې وزارت مرستیال مولانا فضل الباري فضلي ته ۲۸ لارۍ بار وړونکي توکي وسپارل.
منصور احمد خان له رسنیو سره په خبرو کې ویلي، چې د پاکستان حکومت له افغان حکومت او خلکو سره د بشري مرستو په برخه کې همکاري کوي.
هغه زیاته کړې، پاکستان له افغانستان سره د ورورګلوۍ اړيکې لري او له افغان حکومت سره د خوراکي توکو، درملو، تعليم او طبي مرستو په برخه کې بشپړه همکاري لري.
نوموړي څرګنده کړې؛ د دواړو حکومتونو ترمنځ خبرې روانې دي، چې افغان ناروغانو ته د پولې په اوږدو کې د درملنې بېړنۍ آسانتياوې برابرې کړي.
دغه راز د افغانستان په چارو کې د پاکستان ځانګړي استازي محمدصادق خان ټویټ کړی، چې هېواد یې پر طبي مرستوسربېره غواړي درې داسې لوی روغتونونه جوړ کړي، چې افغانان په خپل هېژواد کې دننه له غوره روغتیایي امکاناتو برخمن شي.
په افغانستان کې د پاکستان سفير منصور احمد خان ویلي، چې د دواړو هېوادونو ترمنځ د سوداګرۍ د چټکتيا او آسانتياوو لپاره هم ګامونه پورته شوي؛ خو په افغانستان کې د ځينو حالاتو له کبله د دواړو هېوادونو ترمنځ د سوداګرۍ کچه اغېزمنه شوې ده.
د سوداګرۍ د ودې او د سوداګرو د ستونزو د اوارولو لپاره اسلام آباد او کابل غواړي، چې شته لویې لارې بیا ورغوي او د سوداګرۍ لپاره جلا لارې جوړې کړي.
نوموړي زیاته کړې، چې پاکستان به له افغانستان سره د دوه اړخیزو اړیکو د پیاوړتیا لپاره خپلې همکارۍ روانې وساتي.
پاکستان په داسې حال کې له افغانستان سره له مرستې خبر ورکوي، چې تېره شنبه د هند د مرسته شویو ۵۰ زره تنه غنمو د رالېږدولو بهیر له مخې ننګرهار ته د یادو مرستو لومړۍ ټولګه راورسېده.
تازه خبرونه
افغانستان او ایران د ګمرکي همکاریو پر پراختیا هوکړه وکړه
دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدنيزاده ترمنځ په تهران کې د لیدنې پر مهال شوې دي.
د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.
دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدنيزاده ترمنځ په تهران کې د لیدنې پر مهال شوې دي.
د مالیې وزارت د څرګندونو له مخې، د اسلامکلا بندر ګمرکي فعالیتونه به د راتلونکې شنبې له ورځې ۲۴ ساعته شي.
دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاکپولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.
په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوهاړخیزو اقتصادي همکاریو د ګډ کمیسیون پر فعالیتونو هم خبرې شوې دي.
سوداگري
تاجکستان له افغانستان سره پر پوله د ګډ بازار جوړولو غوښتنه وکړه
د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوهاړخیزو همکاریو پر زیاتېدا او د سوداګرو او پانګهوالو لپاره د نویو فرصتونو پر برابرېدا خبرې کړې دي.
د تاجکستان سفیر سعدي شریفي په کابل کې د افغانستان د سوداګرۍ او پانګونې خونې له عمومي رییس سید کریم هاشمي سره په لیدنه کې ویلي؛ هېواد یې لېواله دی، چې د دواړو هېوادونو په پوله کې ګډ بازار جوړ کړي.
د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوهاړخیزو همکاریو پر زیاتېدا او د سوداګرو او پانګهوالو لپاره د نویو فرصتونو پر برابرېدا خبرې کړې دي.
د تاجکستان سفیر ویلي، د هېواد مشرتابه یې له افغانستان سره د اقتصادي همکاریو د پراختیا او د دواړو هېوادونو د سوداګرو ترمنځ د ګډو فعالیتونو لپاره د زمینې برابرولو غوښتونکی دی.
د نوموړي د څرګندونو له مخې؛ په ګډه پوله کې ګډ بازار کولی شي د دواړو هېوادونو د وګړو او سوداګرو لپاره د راکړې ورکړې او اقتصادي تعاملاتو ډېر فرصتونه برابر کړي.
دغه راز د افغانستان سوداګرۍ او پانګونې خونې عمومي رییس وړاندیز کړی؛ په لومړي ګام کې تاجکستان ته د لږ تر لږه ۱۰ افغان سوداګرو د یوه پلاوي د سفر زمینه برابره شي، چې په دې هېواد کې له سوداګریزو او پانګیزو فرصتونو سره بلد شي.
سوداگري
افغانستان او هند د سوداګریزو او اقتصادي اړیکو پر پراختیا خبرې وکړې
په دې ناسته کې د اسلامي امارت د صنعت او سوداګرۍ وزارت مرستیال احمدالله زاهد، په هند کې د افغانستان سفیر نوراحمد نور، د دغه وزارت د صادراتو رییس شهاب لېوال او د سوداګریزو ټولنو یو شمېر استازو او افغان سوداګرو ګډون کړی و.
د افغانستان رسمي او سوداګریز پلاوي د هند نړیوالې سوداګرۍ د پنځهڅلوېښتم نندارتون په څنډه کې د هند د سوداګرۍ او صنایعو د خونو فډراسیون له چارواکو سره په یوه ناسته کې د اقتصادي اړیکو پر پراختیا، د سوداګرۍ پر آسانتیا او د دواړو هېوادونو ترمنځ د پانګونې د نویو فرصتونو پر رامنځته کولو خبرې وکړې.
په دې ناسته کې د اسلامي امارت د صنعت او سوداګرۍ وزارت مرستیال احمدالله زاهد، په هند کې د افغانستان سفیر نوراحمد نور، د دغه وزارت د صادراتو رییس شهاب لېوال او د سوداګریزو ټولنو یو شمېر استازو او افغان سوداګرو ګډون کړی و.
دواړو لوریو د سوداګریزو او ټرانزیټي همکاریو پر پراختیا، د توکو د لېږد د آسانتیا، د افغانستان د صادراتو او وارداتو لپاره د هند د بندرونو له ظرفیت څخه د ګټې اخیستنې، د بدیلو ټرانزیټي لارو د رامنځته کولو او د لېږد رالېږد د لګښتونو د کمولو په اړه خبرې وکړې.
هند ته د افغانستان د صادراتو پراختیا، پر ځانګړې بڼه د وچې مېوې، زعفرانو او نورو کرنیزو محصولاتو په برخه کې د خصوصي شرکتونو ترمنځ د همکاریو پیاوړتیا او د ګډو پانګونو لپاره د زمینې برابرول هم د دې ناستې له نورو مهمو موضوعاتو څخه ول.
دغه راز افغانستان ته د هند د درملو او درملیزو محصولاتو پر صادراتو، د باکیفیته درملو د واردولو پر آسانتیا، د روغتیايي معیارونو پر مراعتولو او د دواړو هېوادونو د درمل جوړولو شرکتونو ترمنځ د مستقیمو تړونونو پر رامنځته کولو خبرې وشوې.
په مالي برخه کې هم دواړو لوریو د پیسو د لېږد ستونزې، بانکي آسانتیاوې، افغان سوداګرو ته د سوداګریزو ویزو د ورکړې چټکتیا او د ګمرکي همکاریو په اړه خپل نظرونه سره شریک کړل.
په دې ناسته کې د هند د سوداګرۍ او صنایعو د خونو فډراسیون، د افغانستان د سوداګرۍ او پانګونې خونې او مسلکي اتحادیو ترمنځ د بنسټیزو همکاریو پر پیاوړتیا ټینګار وشو.
دا خبرې په داسې وخت کې کېږي، چې له هند سره د اقتصادي او سوداګریزو اړیکو پراختیا کولی شي د افغانستان محصولاتو ته سیمهییزو بازارونو ته د ښه لاسرسي او د پانګونې د نویو فرصتونو د پراختیا زمینه برابره کړي.
-
لوبی4 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه4 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی2 days agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی4 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
لوبی3 days agoارمان افسي استقلال کابل ته پنځه پر صفر ماتې ورکړه
-
تازه خبرونه4 days agoپه تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي
-
تازه خبرونه4 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
-
تازه خبرونه2 days agoد اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه
