سوداگري
پاکستان له ایران او افغانستان سره د سوداګرۍ قانوني میکانیزم رامنځته کړ
د پاکستان د اقتصادي همغږۍ کمېټۍ له ایران او افغانستان سره د سوداګرۍ لپاره قانوني میکانیزم منظور کړی دی.
افغانستان او پاکستان دوه ګاونډ هېوادونه دي، چې له یو بل سره مهمې سوداګریزې او اقتصادي اړیکې لري؛ خو د دواړو هېوادونو ترمنځ د سیاسي ستونزو له کبله وخت نا وخت دا اړیکې ترینګلې شوې هم دي.
د پاکستانيو رسنیو د راپورونو له مخې؛ د دغه میکانیزم له تصویب سره به د افغانستان، ایران او پاکستان ترمنځ سوداګري زیاته شي.
د پاکستان ډان ورځپانې د راپور له مخې؛ د پاکستان د اقتصادي همغږۍ کمېټې، چې د مالیې، خوراکي توکو د خوندیتوب او اقتصادي چارو له وزارتونو څخه جوړه شوې، په دې وروستیو کې له افغانستان او ایران سره د سوداګرۍ د قانوني کولو لپاره یو میکانیزم تصویب کړ.
د پاکستان د مالیې وزیر شوکت ترین څرګنده کړې؛ د صادراتو د پالیسۍ د سمون او تنظیم چارې وروستۍ شوې او د اساسي توکو لپاره همدا میکانیزم د عملي کیدو وړدی. دا، چې افغانستان د پاکستان پر بازارونو تکیه دی؛ نو دا میکانیزم به په کابل کې پلی شي.
په هېواد کې له وروستیو سیاسي تحولاتو وروسته د افغانستان او پاکستان ترمنځ د صادراتو کچه د پام وړ کمه شوې ده.
د هېواد د سوداګرۍ او پانګونې خونه د پاکستان له دې هڅو هرکلی کوي او د پاکستانيو چارواکو لخوا افغان سوداګرو ته د سوداګرۍ لپاره د نورو آسانتیاوو غوښتنه هم کوي.
د سوداګرۍ او پانګونې خونې مرستیال محمد یونس مومند وايي، چې د دغه میکانیزم تصویب به د دواړو هېوادونو ترمنځ د سوداګریزو توکو د قاچاق په مخنیوي کې هم اغېز ولري.
د پوهنتون استاد سید مسعود پدې باور دي، چې د افغانستان او پاکستان ترمنځ د سوداګریزو او اقتصادي اړیکو ښه کول د دواړو هېوادونو د تولیدي توکو د بازار موندنې لپاره یوه اړتیا ده او دواړه لوري باید د دې لپاره کار وکړي، چې سیاسي ستونزې پر سوداګریزو اړیکو منفي اغېزې ونکړي.
په هېواد کې له وروستیو بدلونونو وروسته د ډیورنډ فرضي کرښې په اوږدو کې د اسلامي امارت د سرحدي ځواکونو او پاکستانيو پوځیانو تر منځ څو ځلې نښتې شوي او په وروستۍ پېښه کې تېره اوونۍ د سپین بولدک په سیمه کې د تلفاتو تر څنګ د دواړو هېوادونو ترمنځ دروازه هم وتړل شوه.
تازه خبرونه
افغانستان او ایران د ګمرکي همکاریو پر پراختیا هوکړه وکړه
دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدنيزاده ترمنځ په تهران کې د لیدنې پر مهال شوې دي.
د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.
دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدنيزاده ترمنځ په تهران کې د لیدنې پر مهال شوې دي.
د مالیې وزارت د څرګندونو له مخې، د اسلامکلا بندر ګمرکي فعالیتونه به د راتلونکې شنبې له ورځې ۲۴ ساعته شي.
دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاکپولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.
په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوهاړخیزو اقتصادي همکاریو د ګډ کمیسیون پر فعالیتونو هم خبرې شوې دي.
سوداگري
تاجکستان له افغانستان سره پر پوله د ګډ بازار جوړولو غوښتنه وکړه
د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوهاړخیزو همکاریو پر زیاتېدا او د سوداګرو او پانګهوالو لپاره د نویو فرصتونو پر برابرېدا خبرې کړې دي.
د تاجکستان سفیر سعدي شریفي په کابل کې د افغانستان د سوداګرۍ او پانګونې خونې له عمومي رییس سید کریم هاشمي سره په لیدنه کې ویلي؛ هېواد یې لېواله دی، چې د دواړو هېوادونو په پوله کې ګډ بازار جوړ کړي.
د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوهاړخیزو همکاریو پر زیاتېدا او د سوداګرو او پانګهوالو لپاره د نویو فرصتونو پر برابرېدا خبرې کړې دي.
د تاجکستان سفیر ویلي، د هېواد مشرتابه یې له افغانستان سره د اقتصادي همکاریو د پراختیا او د دواړو هېوادونو د سوداګرو ترمنځ د ګډو فعالیتونو لپاره د زمینې برابرولو غوښتونکی دی.
د نوموړي د څرګندونو له مخې؛ په ګډه پوله کې ګډ بازار کولی شي د دواړو هېوادونو د وګړو او سوداګرو لپاره د راکړې ورکړې او اقتصادي تعاملاتو ډېر فرصتونه برابر کړي.
دغه راز د افغانستان سوداګرۍ او پانګونې خونې عمومي رییس وړاندیز کړی؛ په لومړي ګام کې تاجکستان ته د لږ تر لږه ۱۰ افغان سوداګرو د یوه پلاوي د سفر زمینه برابره شي، چې په دې هېواد کې له سوداګریزو او پانګیزو فرصتونو سره بلد شي.
سوداگري
افغانستان او هند د سوداګریزو او اقتصادي اړیکو پر پراختیا خبرې وکړې
په دې ناسته کې د اسلامي امارت د صنعت او سوداګرۍ وزارت مرستیال احمدالله زاهد، په هند کې د افغانستان سفیر نوراحمد نور، د دغه وزارت د صادراتو رییس شهاب لېوال او د سوداګریزو ټولنو یو شمېر استازو او افغان سوداګرو ګډون کړی و.
د افغانستان رسمي او سوداګریز پلاوي د هند نړیوالې سوداګرۍ د پنځهڅلوېښتم نندارتون په څنډه کې د هند د سوداګرۍ او صنایعو د خونو فډراسیون له چارواکو سره په یوه ناسته کې د اقتصادي اړیکو پر پراختیا، د سوداګرۍ پر آسانتیا او د دواړو هېوادونو ترمنځ د پانګونې د نویو فرصتونو پر رامنځته کولو خبرې وکړې.
په دې ناسته کې د اسلامي امارت د صنعت او سوداګرۍ وزارت مرستیال احمدالله زاهد، په هند کې د افغانستان سفیر نوراحمد نور، د دغه وزارت د صادراتو رییس شهاب لېوال او د سوداګریزو ټولنو یو شمېر استازو او افغان سوداګرو ګډون کړی و.
دواړو لوریو د سوداګریزو او ټرانزیټي همکاریو پر پراختیا، د توکو د لېږد د آسانتیا، د افغانستان د صادراتو او وارداتو لپاره د هند د بندرونو له ظرفیت څخه د ګټې اخیستنې، د بدیلو ټرانزیټي لارو د رامنځته کولو او د لېږد رالېږد د لګښتونو د کمولو په اړه خبرې وکړې.
هند ته د افغانستان د صادراتو پراختیا، پر ځانګړې بڼه د وچې مېوې، زعفرانو او نورو کرنیزو محصولاتو په برخه کې د خصوصي شرکتونو ترمنځ د همکاریو پیاوړتیا او د ګډو پانګونو لپاره د زمینې برابرول هم د دې ناستې له نورو مهمو موضوعاتو څخه ول.
دغه راز افغانستان ته د هند د درملو او درملیزو محصولاتو پر صادراتو، د باکیفیته درملو د واردولو پر آسانتیا، د روغتیايي معیارونو پر مراعتولو او د دواړو هېوادونو د درمل جوړولو شرکتونو ترمنځ د مستقیمو تړونونو پر رامنځته کولو خبرې وشوې.
په مالي برخه کې هم دواړو لوریو د پیسو د لېږد ستونزې، بانکي آسانتیاوې، افغان سوداګرو ته د سوداګریزو ویزو د ورکړې چټکتیا او د ګمرکي همکاریو په اړه خپل نظرونه سره شریک کړل.
په دې ناسته کې د هند د سوداګرۍ او صنایعو د خونو فډراسیون، د افغانستان د سوداګرۍ او پانګونې خونې او مسلکي اتحادیو ترمنځ د بنسټیزو همکاریو پر پیاوړتیا ټینګار وشو.
دا خبرې په داسې وخت کې کېږي، چې له هند سره د اقتصادي او سوداګریزو اړیکو پراختیا کولی شي د افغانستان محصولاتو ته سیمهییزو بازارونو ته د ښه لاسرسي او د پانګونې د نویو فرصتونو د پراختیا زمینه برابره کړي.
-
لوبی4 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه4 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی2 days agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی4 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
لوبی3 days agoارمان افسي استقلال کابل ته پنځه پر صفر ماتې ورکړه
-
تازه خبرونه4 days agoپه تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي
-
تازه خبرونه4 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
-
تازه خبرونه2 days agoد اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه
