تازه خبرونه
پاکستان به د لارو پر تړل کیدو سوداګر زیانمن کړي
د کرنې او مالدرۍ خونې غړیو ویلي؛ د پاکستان لخوا د واګې او تورخم لارو تړل کیدل به افغان او پاکستاني سوداګر زیانمن کړي.
د کرنې او مالدارۍ خونې مسوولین وايي، پاکستان پرته له دې، چې افغان لوري ته خبر ورکړي؛ د تورخم دروازه تړلې او د افغان سوداګرو سلګونه موتر ترکاري او نور کرنیز صادریدونکي توکي په لار کې بند پاتي دي.
د کرنې او مالدارۍ خونې مرستیال میرویس حاجي زاده ویلي؛ تېره پنجشنبه د پاکستان لخوا لومړی د واګې بندر د افغانانو پر مخ وتړل شو او اوس تورخم تړل شوی، چ دا کار د دواړو حکومتونو سوداګر بیامنوي.
نوموړي ویلي، چې افغان حکومت باید دغه ستونزه حل کړي.
د کرني او مالدارۍ وزارت مسوولینو ویلي، په روان کال کې ۲۳۱ زره متریک ټنه پیاز تولید شوي دي.
د کرنې او مالدارۍ وزارت ویاند اکبر رستمي ویلي؛ د هېواد په کچه مو د پیازو محصول زیات شوی او غواړو، چې صادرات يې هم متحده عربي اماراتو او هندوستان ته تر سره کړو.
د تورخم بندر د سې شنبې پرشپه د ناڅرګندو دلایلو له کبله د افغان صادراتو پر مخ وتړل شو.
د صنعت او سوداګرۍ وزارت په دې اړه له څه ویلو ډډه کړې ده.
تازه خبرونه
مونږ له نړۍ سره د سیاسي، اقتصادي او فرهنګي اړیکو پر بنسټ تعامل غواړو
د اسلامي امارت د ریاست الوزراء سیاسي مرستیال ویلي؛ د لوړ پوړیو چارواکو سفرونه د دې څرګندويي کوي ، چې اسلامي امارت د ګاونډ او سیمې هېوادونو په ګډون له نړۍ سره د سیاسي، اقتصادي او فرهنګي اړیکو پر بنسټ تعامل غواړي.
د ارګ په خبرپاڼه کې راغلي: د شنبې پر ورځ د غبرګولي پېنځمه د ریاست الوزراء سیاسي مرستیال مولوي عبدالکبیر په سپیدار ماڼۍ کې د صنعت او سوداګرۍ له سرپرست وزیر نورالدین عزیزي سره وکتل.
د ارګ د خبرپاڼې له مخې؛ په دې کتنه کې، چې تېره ورځ په ارګ کې ترسره شوې؛ نورالدین عزیزي د روسیې او اسلامي نړۍ په پېنځلسمه نړیواله اقتصادي غونډه کې د ګډون لپاره تاتارستان ته د خپل سفر راپور د ریاست الوزراء سیاسي مرستیال ته وړاندې کړ.
د صنعت او سوداګرۍ سرپرست وزیر یاد سفر د افغانستان د صادراتو او سوداګرۍ په برخه کې له ډېرو لاسته راوړنو ډک وباله او څرګندوي، چې روسي شرکتونو او بنسټونو په افغانستان کې د پانګونې لېوالتیا وښوده.
نوموړي زیاته کړې، په یاد سفر کې یې د اسلامي امارت ښه استازولي کړې او د غونډې ګډونوالو ته یې ډاډ ورکړ، چې افغانستان کې د پانګونې لپاره ښه زمینه برابره شوې ده.
ویل کیږي، چې د ریاست الوزراء سیاسي مرستیال مولوي عبدالکبیر له نورالدین عزیزي څخه مننه وکړه او د نوموړي دغه سفر یې مثبت وباله.
د روسيې او اسلامي نړۍ پېنځلسمه نړيواله اقتصادي غونډه د ۸۰ هېوادونو د استازو په ګډون په تاتارستان کې تر سره شوې ده.
تازه خبرونه
د کابل- کندهار پر لويه لار د يوې ترافيکي پېښې له کبله ۳۹ کسانو ته مرګ او ژوبله اوښتې
د زابل عامې روغتیا ریاست چارواکو ويلي؛ د کابل – کندهار پر لویه لار د یوه بس د چپه کېدو له کبله د یوې میرمنې په ګډون دوه کسان مړه شوي او ۳۷ نور ټپیان دي.
د زابل ولايت د عامي روغتيا ریيس ميرويس افغان وايي، چې دا پېښه تېره شپه (د غبرګولي پېنځمه) د دې ولايت د شهر صفا ولسوالۍ د کاريزګي په اړوند سيمه کې رامنځته سوې ده.
په ټپيانو کې ٢٦ نرينه او ١١ ښځې دي، چې د درملنې لپاره د شهر صفا ولسوالۍ روغتون ته وړل شوي دي.
تازه خبرونه
له ناقانونه مهاجرینو سره به جګړې ته ورته چلند وشي- د تهران والي مرستیال
د تهران مرستیال والي مهدي باب الحوئجي ګواښ کړی، چې له غیر قانوني مهاجرینو سره به جګړې ته ورته مبارزه وشي.
باب الحوئجي د تهران د ري ښار چارواکو ته په وینا کې ویلي: ” نن په ري ښار کې له ناقانونه وګړو سره مبارزه جنګ ته ورته ده. داسې ده لکه: کله، چې زمونږ اولادونو وسله پورته کړه او لاړل او شهیدان شول.”
نوموړي زیاته کړې: ” زمونږ د کورنيو شاوخوا ماینونه کرل شوي؛ اخلاقي، ټولنيز او اقتصادي ماینونه کرل شوي دي.”
باب الحوئجي ویلي، چې په ري ښار کې ناقانونه وګړي شته او د هغوی شتون یو ګواښ دی.
هغه ويلي؛ يوازې جریمه کافي نده او چارواکي باید له خپلو نورو واکونو کار واخلي.
دې چارواکي د املاکو مشاورینو او د معاملاتو رهنماوو ته هم ګواښ وکړ، چې “غیر مجاز وګړو” ته د کورونو چمتو کولو په صورت کې به محاکمه شي.
دا په داسې حال کې ده، چې د ایران حکومت هره ورځ سلګونه افغانان له قانوني اسنادو پرته خپل هېواد ته جبري راستنوي.
-
لوبی3 days ago
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
-
تازه خبرونه3 days ago
فلسطیني دولت باید د خبرو له لارې راجوړ شي – امریکا
-
تازه خبرونه5 days ago
د شانګهای همکاریو ټولنې د بهرنیو چارو وزیرانو په افغانستان کې د ثبات پر ټینګښت خبرې وکړې
-
تازه خبرونه5 days ago
د تېرو لس ورځو په سېلابونو کې ۵۶۰ کسانو ته مرګ او ژوبله اوښتې
-
تازه خبرونه3 days ago
په بامیان ولایت کې د سمڅو اوسېدونکیو ته د استوګنې کورونه جوړیږي
-
تازه خبرونه4 days ago
آریانا او آریانا نیوز ټلویزیوني شبکې د آسیاویژن میاشتنۍ جایزه وګټله
-
تازه خبرونه4 days ago
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
-
لوبی4 days ago
اټک انرژي د افغانستان فوټبال اتلانو لیګ د درېیم پړاو اتلولي خپله کړه