تازه خبرونه
په افغانستان کې د داعش په اړه د امریکا افشا شوي اسناد جعلي دي
د افغانستان اسلامي امارت د یکشنبې پر ورځ د امریکا د ناڅرګندو پوځي اسنادو د ارزونې هغه ادعا رد کړه، چې ګواکې داعش له افغانستان څخه د امریکا او د هغې د متحدینو پر وړاندې د تروریستي بریدونو پلان لري.
د امریکا ناڅرګند او پټ پوځي اسناد، چې په دې وروستیو کې افشا شوي؛ په افغانستان کې یې د داعش ګواښ مخ پر زیاتیدونکې امنیتي اندېښنه یاده کړې ده.
د دغه راپور له مخې؛ افغانستان د داعش پر مرکز بدل شوی، چې له هغه ځایه غواړي د امریکا او اروپا د ګټو پر ضد بریدونه ترسره کړي.
د اسلامي امارت ویاند ذبیح الله مجاهد د یکشنبې پر شپه په یو لړ تویتونو کې دغه پوځي ارزونه رد کړې او هغه یې “جعلي” بللې او څرګندوي، چې دا ارزونه د اسلامي امارت پر ضد د امریکا د “پرلپسې تبلیغاتي کمپاین” یوه برخه ده.
په یوه رسمي اعلامیه کې د مجاهد د څرګندونو له مخې ویل شوي، چې اسلامي امارت په افغانستان کې “بشپړ کنټرول” لري او هیچا ته اجازه نهورکوي، چې له خاورې یې د نورو هېوادونو پر ضد کار واخلي.
هغه وایي؛ داعش او نورې ترهګرې ډلې په هېواد کې سختې ځپل شوي او د له منځه تلو په حال کې دي.
مجاهد زیاته کړې؛ اسلامي امارت د ۲۰۲۱ کال د اګست پر ۱۵ په هېواد کې بیا هم واک شو او افغانستان یې له امنیت برخمن کړ. په ټول هېواد کې د درې ورځني کوچني اختر په سولهییز کې د یکشنبې پر ورځ پای ته ورسید.
نوموړي څرګنده کړې: د دغه ډول متعصبو راپورونو خپرېدا ښيي، چې په امريکا کې ځينو کسانو د افغانستان له خلکو سره خپله کرکه او دښمني نه ده هېره کړې.
واشنګتن پوست د افغانستان په تړاو د امریکا د استخباراتو د موندنو په اړه راپور ورکړی او وایي؛ دا د هغو اسنادو یوه برخه ده، چې د ټولنیزو رسنیو پلیت فارم Discord ته استول شوي او ورځپاڼې ترلاسه کړي دي.
ورځپاڼې د پنټاګون د پټې ارزونې له مخې راپور ورکړی، چې داعش د بهرنیو عملیاتو لپاره یو ارزانه مادل رامنځته کوي، چې له افغانستان څخه بهر سرچینو تکیه کوي.
دا مادل به احتمالا داعش ته وړتیا ورکړي، چې خنډونه له مینځه یوسي. لکه وړ امنیتي خدمات او د پلان ځینې مهال وېشونه او د ګډوډۍ فرصتونه راکم کړي.
واشنګتن پوست راپور ورکړی، چې د ارزونې په حواله د IS-K لپاره لنډیز کارول شوی.
د راپور له مخې؛ په افشا شوي سند کې د سفارتونو، کلیساګانو، سوداګریزو مرکزونو او د فیفا نړیوال جام فوتبال تورنمنت پر نښه کولو لپاره مشخصې هڅې په ګوته شوي، چې په تېر نومبر کې یې د قطر هغه له ۲ میلیون ډېر لیدونکي راجلب کړل.
د امریکا د پوځ ارزونې په افغانستان کې د داعش د همغږي شویو پلانونو شمېر له نهو څخه ۱۵ ته لوړ کړی دی.
مجاهد د امریکا د پوځي اسنادو افشا کول په خپله جوړ شوي غیر مسوولانه ادعاوې، د استخباراتي کړیو کار ګڼي، چې د ده په وینا د افغانانو لپاره ښه زیری نهلري.
مجاهد تویت کړی: هر څوک بايد پوه شي چې اوس د خلکو ذهن له داسې ناکامو هڅو څخه پلوي نه کوي او نه پرې غولیږي.
امریکايي چارواکو تر دې دمه د دغو افشا شویو پوځي اسنادو کره والی هم تائید کړی ندی.
اسلامي امارت ویلي، چې له داعش سره د امریکايي چارواکو لیوالتیا او خواخوږي؛ له دې ډلې سره همکاري او پر ګټه یې کمپاین دی، چې باید ودرول شي.
تازه خبرونه
د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.
هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.
تازه خبرونه
بایدن له افغانستان څخه د امریکايي ځواکونو د ایستلو له پرېکړې دفاع وکړه
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.
د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړهلیک لاسلیک کړی و.
تازه خبرونه
اروپايي هېوادونو روانډا ته د کډوالو پر لېږدولو هوکړه وکړه
تمه ده دغه هوکړه په ویانا کې اعلان شي.
ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.
تمه ده دغه هوکړه په ویانا کې اعلان شي.
دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.
د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.
د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حسابورکولو لپاره د روښانه میکانیزم د نشتوالي په اړه اندېښنه ښودلې ده.
روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.
دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.
-
تازه خبرونه4 days agoعراق له کردستان څخه افغانستان ته د تېلو د احتمالي قاچاق څېړنه کوي
-
سیمه ییز خبرونه4 days agoد سعودي عربستان په مکه کې د دوه توغندیو د شنډولو پاتې شوني لوېدلي
-
تازه خبرونه4 days agoافغانستان او ازبکستان د مالدارۍ په برخه کې د همکاریو پر پراختیا هوکړه وکړه
-
سوداگري4 days agoپه کابل کې د اسلامي پانګونې د پراختیا پر لارو چارو خبرې وشوې
-
تحول5 days agoتحول: کابل ته د روسیې د لوړپوړي پلاوي سفر
-
لوبی1 day agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه1 day agoترکیې یونان ته د اوښتو په هڅه کې ۳۵ افغان کډوال ونیول
-
تازه خبرونه4 days agoد ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
