تازه خبرونه
په افغانستان کې څه نا څه ۶۵۰۰ پاکستانیان جنګیږي- د م.م امنیت شورا
د ملګرو ملتونو امنیت شورا په روانه اوونۍ کې په ډاګه کړه، چې د اټکل له مخې په افغانستان کې له ۶۰۰۰ څخه تر ۶۵۰۰ پورې پاکستاني ترورستان په افغانستان کې شته، چې د دواړو حکومتونو لپاره ګواښ ګڼل کیږي.
د پنجشنبې پر ورځ د ۲۶ څارن ډلو د تحریم او تحلیلي ملاتړ او بندیزونو راپور خپور شو، چې ډېر یې د امیر نور ولي محسود په مشرۍ د تحریک طالبان پاکستان (TTP)غړي ښودل شوی دي.
د کرونا ویروس په اړه د څارنې ډلې ویلي، چې دغه پراخه ناروغي پر تروریزم اغېز لري؛ خو په یو څه توپیر.
په یو شمېر سیمو کې یو شمېر ډلو د کرونا ویروس په اړه له تبلیغاتو مرستې راټولولې او په یو شمېر نورو سیمو کې دې ډلو له دې هم ګټه پورته کړې، چې امنیتي ځواکونه نورو برخو ته پام اړولی دی.
په دې راپور کې راغلي؛ د کرونا ویروس له کبله پر پولو تګ راتګ له خنډ او ځنډ سره مخ شوی او موخې هم له پامه غورزیدلي او په یو شمېر سیمو کې بریدونه هم لږ تر سره شوي دي.
د ګزارش له مخې؛ القاعده په افغانستان کې له خپل تاریخي ځواک د ګړندي کولو هڅه کوی؛ خو که د سولې بهیر پرمختګ وکړي، نو له پوره ننګونې سره به مخ شي.
داعش او نورې ډلې په ننګرهار او کونړ کې حه نا څه بدلونونه زغملي؛ خو هیله من دي، چې د سولې له بهیره د ځان په ګټه کار واخلي.
له طالبانو سره له هوکړې وروسته داسې وړاندویېنې شوي، چې طالبان به د داعش او القاعده ګواښونه په افغانستان کې راکم کړي.
دغه راپور په ډاګه کړې، چې القاعده او داعش د ۲۰۲۰ په لومړیو کې خپل ځواک له لویدیځې آفریقا په ډاګه کړ او په سوریه او ادلب کې اوس هم له خوندي ځالو برخمن دي.
په افغانستان کې د داعش مشر اسلم فاروقي له یو شمېر کسانو سره افغان ځواکونو ونیوه او له ننګرهاره یې هڅې کونړ ته ورټولې شوې.
دغه راز په دې راپور کې دا هم راغلي، چې داعش ان په کابل کې په یولړ بریدونه تر سره کولی شي. ان دا هڅې هم کوي، چې له امریکا سره د هوکړې مخالف طالبان ځانته جذب کړي.
د ملګرو ملتونو د څارنې ډلې په افغانستان کې د داعش شمېر ۲۲۰۰ ښيي او څرګندوي، چې مشران یې په افغانستان کې مطیع الله کم احوال او ابو سعید محمد الخراساني د سوریې دی.
دغه راز په ډاګه کوي، چې د داعش دوه قومندانان ابو قتیبه او ابو هاجر العراقي له منځني ختیځ څخه افغانستان ته راغلي دي؛ خو د راتګ تاریخ یې روښانه ندی.
په دې راپور کې ویل شوي، چې یو شمېر وسلوالې ډلې د طالبانو او داعشیانو تر چتر لاندې هم هڅې کوي.
د عبدوخولیک له وژل کیدو وروسته په داعشیانو کې د ازبک جنګیالو ډله کمزورې او یو شمېر غړیو یې له جنګیدو تېر شول په خانګړې توګه د هغه د کورنۍ غړي.
دغه راز ویل کیږي، چې القاعده د افغانستان په ۱۲ ولایتونو کې هڅې لري، چې شمېر یې له ۴۰۰ څخه تر ۶۰۰ پورې دی.
القاعده د دغه راپور له مخې د حقاني شبکې سره اړیکې لري، چې په ۲۰۰۹ کې فعاله شوې او پاکستان د هغو ډلو خوندي ځاله ده، چې هند او افغانستان ګواښي.
تازه خبرونه
شهاب الدین دلاور او ورسره مل پلاوي د مس عینک کان له اړوند سیمو لیدنه وکړه
د کانونو او پټرولیم وزارت چارسمبالي او ور سره مل پلاوي د چارشنبې پر ورځ د غویی نولسمه د مس عینک کان له بېلابېلو سیمو او د عینک سیمې له لرغونو آثارو لیدنه وکړه.
لوګر ولایت ته په دې سفر کې د کانونو او پټرولیم وزارت له چارسمبالي شهاب الدین دلاور سره د اطلاعاتو او کلتور وزارت چارسمبالي ملا خیرالله خیرخواه، په کابل کې د چین هېواد سفیر ژاو شینک، د MCC شرکت چارواکو، والي ضیاءالرحمن مدنی او د انرژۍ او اوبو وزارت مرستیال ملتیا کوله.
د کانونو او پټرولیم وزارت د څرګندونو له مخې؛ په دې اړه یوه ناسته هم تر سره شوه، چې په کې د MCC شرکت چارواکو د مس عینک کان د سړک جوړولو، د لرغونو آثارو ساتنې د پلان د وروستي کېدو او د عملي کار د پیل په اړه هر اړخیز معلومات وړاندې کړل.
د یاد شرکت چارواکو ویلي، چې د مس عینک کان د پروژې له عملي پیل سره به په سیمه کې لرغونو آثارو ته زیان ونه رسیږي.
دغه راز د اطلاعاتو او کلتور وزارت چارسمبالي هم د دغې سيمې د لرغونو آثارو او د هغو د ساتنې په اړه خبرې وکړې او د پروژې د کار د ګړندي کولو لپاره يې د همکارۍ ژمنه وکړه.
د انرژۍ او اوبو وزارت مرستیال هم د مس عینک کان د برښنا او اوبو رسولو په برخه کې د دې وزارت له همکاریو ډاډ څرګند کړ.
ویل کیږي، چې د لوګر مس عینک کان تړون له یوې چینايي کمپنۍ سره ۱۶ کاله پخوا لاسلیګ شوی دی؛ خو د دغه کان استخراج اوس هم ندی پیل شوی.
تازه خبرونه
سعودي عربستان ته د افغان حاجیانو د لېږد بهیر پیل شو
د ارشاد، حج او اوقافو وزارت چارسمبالي نور محمد ثاقب ويلي، چې له افغانستان څخه سعودي عربستان ته د حاجیانو د لېږد بهیر پیل شوی دی.
د نورمحمد ثاقب د څرګندونو له مخې؛ تېره شپه (چارشنبه د غویي نولسمه) شاوخوا ۲۳۰ حاجیان په لومړۍ الوتنه کې مدینې منورې ته ولېږدول شول.
نوموړي د افغان حاجيانو د لومړي کاروان د لېږد په مراسمو کې ويلي، چې سږ کال يې حج کوونکیو ته د غوره خدمتونو د وړاندې کولو لپاره د نورو کلونو په پرتله د کاري کمیټې کارکوونکي سعودي عربستان ته مخکې لېږلي دي.
دغه راز د ریاست الوزراء اداري مرستیال عبدالسلام حنفي په دې مراسمو کې حاجیانو ته په خطاب کې ویلي: ګرانو حاجیانو! تاسې په سعودي عربستان کې د افغانانو استازي یاست؛ نو دغه استازیتوب په ښه توګه ترسره کړئ.
عبدالسلام حنفي زیاته کړې؛ د ارشاد، حج او اوقافو وزارت په هلو ځلو تېرو کلونو ته ورته سږ کال هم د حج ټول فعالیتونه په منظم ډول ترسره شوي دي.
له دې مخکې د حج او اوقافو وزارت اعلان کړی و، چې سږ کال سعودي عربستان افغان حاجیانو ته ۳۰ زره سهمیه ورکړې ده.
ویل کیږي، چې آریانا افغان او کام ایر شرکتونو ته سږکال هم د افغان حاجیانو د لېږد او راستنولو مسوولیت سپارل شوی دی.
تازه خبرونه
تېر کال پر زړه د سوريو ۷۰۰ ماشومانو درملنه وشو – سره میاشت
د افغانستان په سویل لویديځ کې سره میاشت ادارې ويلي؛ تېر کال يې پر زړه سوريو ٧٠٠ ماشومانو درملنه کړې او په پام کې ده، چې سږ کال د ١٥ زره اړوند ماشومانو درملنه وکړي.
سره صلیب او سرې میاشتې ټولنې نړیواله ورځ د بشریت ژوندي ساتلو تر سرلیک لاندې ولمانځل شوه. په دې مراسمو کې د رییس الوزار سیاسي مرستیال له نړیوالې ټولنې وغوښتل، چې افغانستان هېر نه کړي، ځکه دا هېواد له اقتصادي ستونزو، زلزلو، طبیعي پېښو او کډوالو جبري شړلو سره مخ دی او اسلامي امارت نشي کولی دا ستونزې په یوازې سر حل کړي.
د رییس الوزرا سیاسي مرستیال مولوي عبدالکبیر ويلي؛ نړیواله ټولنه باید افغانستان له بشري اړخه هېر نکړي؛ ځکه، چې بشري همکارۍ ته اړتیا لري.
هغه وایي؛ بانکي بنديزونو او د مرستو کمېدو د افغانستان اقتصادي وضعيت پېچلى کړى او د اسلامي امارت فعاليتونه يې محدود کړي دي، نو باید د افغانستان شتمنۍ ازادې شي.
د مولوي عبدالکبیر د څرګندونو له مخې؛ د مرستو کمښت او د بانکي بندیزونو دوام د اسلامي امارت پر فعالیتونو منفي اغېز کړی دی.
د اسلامي امارت دغه چارواکي زیاته کړې، چې اسلامي امارت له نړۍ سره د متقابل احترام له مخې دوه اړخیزې اړیکې غواړي.
په افغانستان کې د سره صليب کمیټه هم د افغانستان له خلکو سره د دې بنسټ د فعاليتونو او همکاريو پر دوام ټينګار کوي.
په افغانستان کې د سره صلیب نړیوالې کمیټې رییسه کترینا ریتز ویلي: د سره صليب نړيواله کمیټه او افغاني سرې مياشتې ټولنه په ګډه کار کوي او غواړي، چې له زيانمنو شويو ټولنو سره مرستې وکړي، د دوی اساسي اړتياوې پوره او هغوی ته بنسټیز خدمتونه وړاندې کړي.
افغانني سرې میاشتې ټولنې ویلي، چې د مرستندویه بنسټونو پر وړاندې کومه ستونزه نشته او دوی کولی شي مرستې د هېواد لرې پرتو سیمو ته ورسوي.
-
تازه خبرونه4 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
نړۍ1 day ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه1 day ago
د پاکستان خاوره د افغانستان پر ضد کارول کیږي
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه1 day ago
د سې شنبې پر ورځ خراسان او سرخ پوشان لوبډلو لوبه وګټله
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ