تازه خبرونه
په بلغاریا کې د ۱۸ افغان مهاجرو مړي له يوې لارۍ راوویستل شول
د بلغاریا پولیسو د جمعې پر ورځ ویلي، چې پلازمېنې صوفیا ته نږدې یې په یوه لارۍ کې د یوه ماشوم په ګډون د ۱۸ افغان مهاجرو جسدونه موندلي دي.
د دغه هېواد د کورنیو چارو وزارت څرګنده کړې؛ دغې لارۍ چارتراش لرګي او په پټو خونو کې افغان کډوال لېږدول، چې د دې هېواد لوکورسکو کلي ته څېرمه وموندل شوه.
د ملي تحقیقاتي خدماتو مشر بوریسلاو سارافوف خبریالانو ته ویلي، په لارۍ کې پر یو شمېر مهاجرو هوا بنده شوې او ساه یې ورکړې ده.
هغه خبریالانو ته ویلي؛ دغه کډوال له ګاونډ هېواد ترکیې څخه په ناقانونه توګه له پولې راتېر او دوه ورځې په ځنګله کې پټ ول، چې بیا د بلغاریا د سویل ختیځ یامبول ښار تر څېرمه په لارۍ کې ځای پر ځای شوي وه.
د روغتیا وزیر اسن مدژیدیف ویلي؛ د پېنځه ماشومانو په ګډون ۳۴ نور مهاجر د صوفیا روغتونونو ته لېږدول شوي، چې د ځینو روغتیایي حالت د اندېښنې وړ دی.
نوموړي خبریالانو ته ویلي: په دې لارۍ کې بند کسان د اکسیجن له کمښت سره مخ شوي؛ یخ وهلي، لانده ول او له څو ورځو راپدیخوا یې څه ندي خوړلي.
د پولیسو یوه لوپوړي چارواکي اتاناس ایلکوف څرګنده کړې، له څلورو نیول شویو کسانو څخه یو یې د انساني قاچاق پر تور مخکې هم محکوم شوی و.
بلغاریا پر هغه لار پروت هېواد دی، چې له منځني ختیځ او افغانستان څخه اروپایي ټولنې ته یې مهاجر د ننوتلو لپاره کاروي.
ډېری یې په دې هېواد کې نه پاتې کیږي او د لویدیځې اروپا بډایه هېوادونو ته د تګ په لټه کې د قاچاقبرانو لخوا لېږدول کیږي.
په ۲۰۱۵ ز. کال کې درې بلغاریايي لارۍ چلوونکي د ۷۱ مهاجرو د وژلو پر تور ونیول شول، چې مړي یې د اتریش د لویې لارې تر څنګ موندل شوي وه.
د یادونې ده، چې په دسمبر کې اتریش او هالند د امنیتي او قانوني اندېښنو له کبله اروپایي اتحادیې ته له پاسپورت پرته شینګین زون ته د ننوتلو مخه ونیوله.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ