سوداگري
په ترکمنستان کې د افغانستان سفارت سوداګریز استازی وټاکل شو
د ترکمنستان په پلازمېنه عشقآباد کې د افغانستان سفارت د جمعې پر ورځ څرګنده کړه، چې محمد هارون سیدي د دغه سفارت د نوي سوداګریز استازي په توګه ټاکل شوی دی.
د صنایعو اوسوداګرۍ او وزیر نورالدین عزیزي د نوي سوداګریز استازي د پېژندلو مراسمو ته په تیلیفوني خبرو کې، چې ترکمنستان میشتي سوداګر او پانګوال یې ګډونوال ول؛ د نوي استازي ټاکل د سیمه ییزو همکاریو د پراختیا په لار کې یو اړین ګام وباله او څرګندوي، چې په دې چوکاټ کې به خصوصي سکتور ته د لازمو خدمتونو پر وړاندې کولو سربېره په سيمه کې د صادراتو ودې او اقتصادي همکاريو ته زمينه هم برابره شي.
ورپسې په ترکمنستان کې د افغانستان اسلامي امارت د سفارت چارسمبالي فضل محمد صابر د افغانستان او ترکمنستان ترمنځ د اقتصادي او سوداګریزو اړیکو او همکاریو په پراختیا کې د ملي سوداګرو او پانګوالو پر رول ټینګار وکړ.
نوموړي د خپلو خبرو په یوه بله برخه کې له خصوصي سکتور څخه د ملاتړ په اړه د افغانستان اسلامي امارت د پروګرامونو یوه برخه یاده کړه او په دې برخه کې یې د دولتي شرکتونو د پانګونې د فرصتونو نوملړ هم اعلان کړ.
په عشقآباد کې میشتو افغان ملي سوداګرو هم خپله لیوالتيا وښوده او يادونه يې وکړه؛ دا لومړى ځل دى، چې په دولتي کچه له دوى سره د پانګونې لپاره دا ډول فرصتونه شريک شوي دي.
سوداگري
د هېواد یو اهل هنود پانګوال په کانونو کې پانګونې ته لیواله شو
د کانونو او پټرولیم وزارت چارسمبالي شهاب الدین دلاور له یوه اهل هنود پانګوال سره، چې د کانونو په برخه کې د پانګونې لپاره هېواد ته راستون شوی په خپل کاري دفتر کې وکتل.
د دې وزارت په خبرپاڼه راغلي؛ یاد پانګوال پرون ( د کب اووهویشتمه ) له شهاب الدین دلاور سره په کتنه کې د اسلامي امارت د هغې پرېکړې په اړه، چې د اهل هنود غصب شوي ملکیتونه راګرځوي خوښي څرګنده کړې او د افغانستان د سرب، جست، مرمر، ډبروسکرو کانونو په برخه کې یې پانګونې ته لیوالتیا څرګنده کړه.
د کانونو او پټرولیم وزارت چارسمبالي د هېواد دکاني زیرمو په برخه د پانګونې په اړه د هغه له لیوالتیا هر کلی وکړ او څرګندوي: افغانستان د ټولو افغانانو ګډ کور دی، ټول اهل هنود د نورو وګړو په څېر د هېواد په کاني زیرمو او نورو ټولو برخو کې شریک دي او اهل هنود پانګوال د نورو پانګوالو په څېر کولی شي د اصولو او مقرراتو مطابق د افغانستان د کانونو په برخه کې پانګونه وکړي. د کانونو او پټرولیم وزارت چمتو دی، چې په دې برخه کې همکاري وکړي.
ویل کیږي، چې دواړو لورو پر ملي یووالي د ټینګار ډاډ څرګند کړ او هېواد ته یې د ټولو افغان پانګوالو راستنېدا اړینه یاده کړه.
سوداگري
د سوداګرۍ او صنایعو وزارت د تېلو چاڼخونو ته ځمکه ځانګړې کوي
د صنایعو او سوداګرۍ وزارت چارسمبالي نورالدین عزیزي د نفتو د چانخونو له مسوولینو سره په کتنه کې ویلي؛ که د تېلو د چاڼخونو مسوولین پانګونې ته چمتو شي، نو د تېلو او ګازو د صنعتي پارک د رامنځته کېدا لپاره به ورته ځمکه ورکړ شي.
په دې کتنه کې د تېلو د چاڼخونو مسوولینو د تېلو د چاڼ لپاره د ځمکې او له قشقري څخه د تېلو د استخراج په اړه خپلې ستونزې وړاندې کړې او وړاندیز یې وکړ؛ هغه ځمکې، چې په کې پانګونه شوې دوی ته په واک کې ورکړ شي او د قشقري له حوزې څخه دې استخراج شوي تېل له اوبو، سلفر او مالګې پاک شي.
نورالدین عزیزي د هېواد له خصوصي سکتور سره د اسلامي امارت او په ځانګړي توګه د صنایعو او سوداګرۍ وزارت د همکارۍ او ملاتړ د اعلانولو پرمهال وویل: د چاڼخونو د ځمکې لپاره باید ګډه طرحه جوړه او دغه وزارت ته وسپارل شي او همدارنګه که د تېلو د چاڼخونو مسوولان د حیراتان په دوه لاري کې پانګونې ته چمتو شي؛ د تېلو او ګازو یو صنعتي پارک به جوړ او ځمکه به یې تر واک لاندې راولي.
همدارنګه د صنایعو او سوداګرۍ وزارت چارسمبالي د شته چاڼخونو د وړتیاوو پر لوړولو او د تېلو د کیفیت لوړولو تر څنګ د لویې چاڼخونې د جوړولو پر اړه د اقتصادي عالي کمیسیون پرېکړه ورسره شریکه کړه او څرګندوي، چې اسلامي امارت د خصوصي سکټور د زیانمېدو غوښتونکی ندی او دا د ملت او دولت پر زیان بولي.
سوداگري
د پاکستان سوداګرۍ وزارت مرستیال کابل ته راوبلل شو
د سوداګرۍ او صنایعو وزارت چارسمبالي نورالدین عزیزي د پاکستان سوداګرۍ له مرستیال وزیر محمد خرم سره په انلاین خبرو کې هغه ته د کابل د سفر بلنه ورکړه.
د سوداګرۍ او صنایعو وزارت په خبرپاڼه کې، چې نن (دوشنبه د کب یوویشتمه) خپره شوې؛ راغلي، چې په دې کتنه کې دواړو لورو په تېرو دوه نیمو کلونو کې پر شویو پرمختګونو، د دواړو هېوادونو ترمنځ د سوداګرۍ د کچې زیاتوالي، د سوداګریزو ستونزو حل، د ټرانزیټي خنډونو لرې کولو، د لا زیاتو اسانتیاوو برابرولو، د اړیکو پر رامنځته کولو، د دواړو هېوادونو د دولتي او خصوصي سکټورونو ترمنځ د اړیکو او د سیمه ییزو همکاریو زیاتوالي خبرې وکړې.
-
نړۍ5 days ago
د غزې پر یوه مرستندویه مرکز د اسرائیلو په هوايي برید کې ۲۷ کسانو ته مرګ و ژوبله اوښتې
-
لوبی4 days ago
راشدخان د ایرلینډ پروړاندې د ۲۰ آوریزو نړیوالو سیالیو لوبډلمشر شو
-
تازه خبرونه2 days ago
د هند د یوه پوهنتون په لیلیه کې پر لمونځ کوونکیو برید شوی
-
تازه خبرونه5 days ago
یوناما په افغانستان کې د مسایلو ارزونه له منفي اړخه کوي – ذبیح الله مجاهد
-
تازه خبرونه19 hours ago
په نوي تعلیمي کال کې دې د نجونو ښوونځي او پوهنتونونه پرانیستل شي – حامد کرزی
-
سوداگري5 days ago
د سوداګرۍ او صنایعو وزارت د تېلو چاڼخونو ته ځمکه ځانګړې کوي
-
تازه خبرونه5 days ago
د افغانستان امانت صندوق تر اوسه ۲۷۰ میلیون ډالر ګټه کړې – انوارحق احدي
-
نړۍ2 days ago
د آیسلینډ اورشېندنې یو ځل بیا سرراپورته کړ