Connect with us

تازه خبرونه

په دوحه کې د خبرو اترو ډلو درې اوونیزه دمه اعلان کړه

خپور شوی

د

د حکومت او طالبانو د خبرو اترو دلو نن (شنبه د لیندۍ ۲۲ ) په ډاګه کړه، چې دواړو ډلو هوکړه کړې، چې د سولې خبرې نږدې درې اوونۍ وځنډوي.

په قطر کې د طالبانو سیاسي ویاند ډاکټر محمد نعیم وردګ څرګنده کړې، چې د اجنډا په خبرو کې دواړو لوریو خپل لیستونه تبادله کړل او لومړني بحثونه یې تر سره کړ.

نوموړي زیاته کړې؛ دا، چې د اجنډا موضوعات نورو مشورو ته اړتیا لري؛ نو دواړو لوریو هوکړه کړې، چې له ۲۰۲۰/۱۲/۱۴ نېټې به دمه پیل او د خبرو بل پړاو به د ۲۰۲۱ کال د جنورۍ پر ۵ مه پیل شي.

په قطر کې د حکومتي پلاوي غړي نادر نادري هم ویلي؛ د افغانستان د خبرو اترو دواړو اړخونو د اجنډا د توکو لومړني لیستونه شریک او لومړني بحثونه یې هم ترسره کړل.

نادر نادري زیاته کړې؛ دا، چې د اجنډا توکي نورو مشورو ته اړتیا لري؛ دواړه خواوې د ۲۰۲۱ کال د جنورۍ پر ۵ د بیا ځنډ او خبرو اترو دوه یم پړاو پیلولو هوکړه وکړه.

دغه راز دواړو لوریو د قطر له خلکو او دولت څخه د دوی د میلمه پالنې او خبرو اترو لپاره له آسانتیاوو برابرولو له کبله هم مننه کړې ده.

د افغانستان د ملي امنیت شورا سلاکار حمدالله محب په خپل ننني ټویټ کې څرګنده کړې، چې د حکومت او وسلوالو طالبانو ترمنځ د سولې راتلونکی پړاو باید په هېواد کې دننه ترسره شي.

حمدالله محب ویلي، چې دولت د ځای په اړه ځانګړې غوښتنه نلري او چمتو دی؛ د هېواد هره سیمه، چې طالبان وغواړي هلته به د تاسیساتو جوړولو په ګډون، بشپړ چمتووالی ونیول شي او خبرې پر مخ یوسي.

محب په هېواد کې دننه خبرې اړینې بولي او زیاتوي؛ په هېواد کې دننه د سولې خبرې ټولو افغانانو ته د مالکیت او څارنې وړتیا ورکوي او له نور ډېر لګښته هم مخنیوی کوي.

هغه دا هم ویلي، چې دا به خلک د سولې پر بهیر ښه پوه کړي.

نوموړي په ډاګه کړې؛ په هېواد کې دننه خبرې اترې د ټولنې له واقعیتونه اغېزمنې کیږي؛ خو سوله په بهر کې د بهرنیانو اغېز ډېروي، چې دغه سوله بیا د افغانستان په ګټه نده.

دا په داسې حال کې ده، چې د ولسمشر دوه یم مرستیال سروردانش اماراتي نظام د جګړې زېږنده بولي او وایي، چې طالبانو په تېرو درې میاشتو کې تاوتریخوالی ډېر کړی او تر هغې، چې اوربند ونه منل شي؛ خبرې به هم پر مخ ولاړې نشي.

تازه خبرونه

اسلامي امارت آلمان ته خپل څلور نوي ډیپلوماټان لېږي

د سرچینو د څرګندونو له مخې، هدایت‌الله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوس‌مهال د آلمان د ویزې ترلاسه کولو لپاره د قطر په پلازمېنه دوحه کې دي.

Published

on

 

د بهرنیو چارو وزارت باخبره سرچینې ويلي، دا وزارت غواړي د آلمان په برلین کې د افغانستان سفارت او د بن ښار قونسلګرۍ ته د فعالیت لپاره خپل څلور نوي ډیپلوماټان ولېږي.

د سرچینو د څرګندونو له مخې، هدایت‌الله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوس‌مهال د آلمان د ویزې ترلاسه کولو لپاره د قطر په پلازمېنه دوحه کې دي.

سرچینو زیاته کړې؛ بشیر احمد افغان په برلین کې د افغانستان د سفارت لومړي منشي او سعید اکبر رستاد دوه‌یم منشي ټاکل شوي دي. په داسې حال کې چې هدایت‌الله پکتین او محمدحکیم حکیمي به په بن کې د افغانستان د قونسلګرۍ د دوه‌یمو منشیانو دندې ترسره کړي.

سرچینې زیاته کړې، د آلمان حکومت دغو څلور استازو ته د ویزو له ورکړې سره موافقه کړې؛ خو د کابل او د آلمان د بهرنیو چارو وزارت چارواکو تر اوسه په دې اړه رسمي څه نه‌دي ویلي.

د راپور له مخې، دا پرمختګونه د برلین او کابل ترمنځ د قونسلي چارو د تنظیم او د هغو افغان پناه‌غوښتونکو د بېرته ستنولو د بهیر د آسانتیا لپاره د تخنیکي هوکړو په لړ کې رامنځته کېږي، چې د قانوني اوسېدنې حق نه‌لري.

د آلمان د حکومت د رسمي څرګندونو له مخې، شاوخوا ۴۵۰ زره افغان وګړي په دې هېواد کې مېشت دي او برلین د هویتي اسنادو د صادرولو او د کډوالۍ د دوسیو د سمبالولو لپاره د افغانستان د ډیپلوماټیکو او قونسلي استازولیو فعال پاتې کېدل اړین بولي.

آلمان نورو اروپايي هېوادونو ته ورته د ۲۰۲۱ز.کال له سیاسي بدلونونو وروسته اسلامي امارت پر رسمیت نه‌دی پېژندلی؛ خو د پناه‌غوښتونکو د ستونزې د مدیریت او د مجرمو کسانو د ایستلو پر موخه یې له کابل سره تخنیکي تعاملات پراخ کړي دي. د آلمان چارواکو ټینګار کړی، چې دا اداري او قونسلي همکاري د اسلامي امارت د رسمي سیاسي پېژندنې معنا نهلري.

Continue Reading

تازه خبرونه

افغانستان په ملګرو ملتونو کې د غړیتوب اتیایمه کلیزه نمانځي

په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځه‌ویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.

Published

on

 

په ملګرو ملتونو کې د افغانستان دایمي استازولۍ په دې ټولنه کې د دې هېواد د غړیتوب د اتیایمې کلیزې په مناسبت د یوې غونډې له جوړولو خبر ورکړی. په دې غونډه کې به له ملګرو ملتونو سره د افغانستان د اړیکو پر تاریخ، د دې هېواد د ډیپلوماټیک رول او د راتلونکو همکاریو پر امکاناتو خبرې وشي.

په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځه‌ویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.

د نوموړي د څرګندونو له مخې:« افغانستان او ملګري ملتونه؛ اته لسیزې تعامل، مشارکت او د راتلونکي لپاره زده‌کړې» تر سرلیک لاندې دغه غونډه د نومبر پر اته‌لسمه د انلاین او ژوندۍ بڼې له لارې ترسره کېږي.

فایق زیاته کړې؛ دغه غونډه به د افغانستان د خلکو د نظرونو او غوښتنو د څرګندولو او د سولې، انساني کرامت، برابرۍ او ښه راتلونکي لپاره د هغوی پر هیلو د ټینګار زمینه برابره کړي.

په ژنیو کې د افغانستان استازولۍ هم ویلي، چې په دې غونډه کې به په ملګرو ملتونو کې د افغانستان د حضور تاریخ، د هېواد ډیپلوماټیک رول او د راتلونکو همکاریو په اړه بحث وشي.

افغانستان د ۱۹۴۶ز.کال د نومبر پر نولسمه د ملګرو ملتونو غړیتوب ترلاسه کړ او سږ کال په دې نړیوالې ټولنې کې د خپل غړیتوب اتیایمه کلیزه نمانځي.

محمدکبیر لودین په ۱۹۵۲ز.کال کې د ملګرو ملتونو لپاره د افغانستان د لومړي دایمي استازي دنده پیل کړې.

دا په داسې حال کې ده، چې د ۲۰۲۱زږکال د اګست له سیاسي بدلونونو وروسته د ملګرو ملتونو د اعتبارلیکونو کمیټې تر اوسه د اسلامي امارت له‌خوا د معرفي شوي استازي د منلو په اړه وروستۍ پرېکړه نه‌ده کړې او د افغانستان استازولي اوس هم د پخواني نظام د ډیپلوماټانو له‌خوا اداره کېږي.

Continue Reading

تازه خبرونه

د اسلامي امارت استخباراتو پر شرعي چوکاټ ټینګار وکړ

عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر له‌خوا ورته ځانګړي قوانین وضع شول.

Published

on

Last Updated on: لړم ۲۶, ۱۴۰۵

 

د اسلامي امارت د استخباراتو عمومي رییس عبدالحق وثیق او د دې ریاست مرستیال تاجمیر جواد؛ د اسلامي امارت د رهبر د فرمانونو د اغېزو په اړه په یوه علمي او څېړنیز کنفرانس کې د دې ادارې د فعالیتونو او د شرعي نظام د ارزښتونو په اړه خبرې وکړې.

عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر له‌خوا ورته ځانګړي قوانین وضع شول.

نوموړي زیاته کړې، دا اداره د ټاکل شویو قوانینو له مخې او د شریعت په چوکاټ کې فعالیت کوي، له ظالمانه شکنجو مخنیوی کوي، له جرمونو سره مبارزه کوي او د انساني کرامت ساتنه هم د خپلو ژمنو یوه برخه بولي.

دغه راز تاجمیر جواد ویلي: کله، چې امت د شرعي نظام د امامت له نعمت څخه بې‌برخې شو؛ نو خپل معنوي ځواک یې په پراخه کچه له لاسه ورکړ او پردي افکار پرې اغېزمن شول.

هغه د اسلامي فکر او ارزښتونو د پیاوړتیا او د نظام د ثبات د ساتنې پر هڅو ټینګار وکړ او څرګندوي، چې شرعي امارت او امامت الهي امر او شرعي وجیبه ده او د اسلام او هېواد پرمختګ په همدې کې نغښتی دی.

Continue Reading
Advertisement

Trending

Copyright © 2026 Ariana News. All rights reserved!