Connect with us

سوداگري

په روسیه کې د آریانا افغان الوتکې درولو مالي زیانونه اړولي

خپور شوی

د

آریانا افغان هوایي شرکت څرګنده کړې، چې د روسیې د ګمرک مسوولینو د آریانا افغان هوایي شرکت یوه الوتکه درولې، چې له کبله یې ورته یو اعشاریه دوه میلیون ډالر تاوان رسېدلی دی.

د آریانا افغان هوایي شرکت مسوولین وایي، چې یوه الوتکه یې روسیې د ګمرکي ستونزو له کبله درولې ده.

د سرچینې د څرګندونو له مخې؛ د آریانا افغان هوایي شرکت دغه بوینګ ۷۳۷ ډوله الوتکه ۲۴ ورځې مخکې د روسیې ګمرک له دې کبله درولې، چې له اجازې پرته یې د دې هېواد له هوایي ډګره الوت کاوه.

دوي د روسیې دا اقدام د ټولو هوایي قوانینو خلاف بولي.

آریانا هوایي شرکت ویلي؛ د روسیې د ماليې وزارت ورته ویلي، چې الوتکې خپل ګمرکي حساب په وخت ندی پاک کړی؛ نو له دې کبله درول شوې.

آریانا افغان هوايي شرکت وايي، چې د اسنادو د تصفېې په برخه کې د روسیې له یوه خصوصي شرکت سره تړون لري. د الوتکې له درېدو سره سم  دغه شرکت مسوولینو ماليې وزارت، هوايي چلند اداره او بهرنیو چاروزارت خبر کړي؛  خو ټولو ډیپلوماټیکو هڅو پایله نده ورکړې.

دې شرکت اوس  یو وکیل نیولی او غواړي، چې محکمي ته چمتووالی ونیسي.

د آریانا افغان هوایي شرکت مسوولین ویلي روسیې ورته ویلي، چې په روانه زېږدیزه میاشت کې به د الوتکې د ناقانوني کړني د محکمي بهیر پیل شي.

د آریانا افغان هوايي شرکت استازی رویین قیومي وایي: له مونږ څخه دوی  د یو اشاریه شپږ میلیون ډالرو جریمي د ورکړې غو ښتنه کړې او ترڅنګ يې دوسیه هم محکمې ته استول شوې. مونږ هم وکیل نیولی؛ خو ستونزه په آریانا افغان هوايي شرکت کې نده.

د افغانستان د هوايي  چلند ادارې  مشر ويلي،  چې د درېیم  ځل لپاره یې هم روسیې ته د الوتکې  د آزادولو وړاندیز کړي، چې ښايي له محکمې وروسته الوتکه آزاده شي.

د هوايي چلند د ادارې لوی مشر محمد قاسم وفايي زاده وایي: مونږه له روسیې سره د الوتکې د پرېښودو لپاره اړیکه نیولې؛ خو فکر کوم موضوع سیمه ییزې محکمي ته وړاندې شوې ده.

د افغانستان د هوايي  چلند ملاتړ ټولنې مسوولینو هم د روسېې  لخوا د آریانا افغان هوايي شرکت د الوتکي  درول له هوايي قوانینوسره په ټکر کې بولي.

د افغانستان د هوايي چلند ملاتړ ټولنې مشر محمود شاه حبیبي ویلي:  هغه تېروتنه، چې آریانا يي یادوي؛ د الو تکې درول په کې سم کار ندی او که خبره همداسې وي آریانا باید بېرته د خپلو مالي زیانونو د جبران لپاره د روسې پر ګمرک عارضه شي.

د هوايي چلند د ملاتړ ټولنې د مسوولینو په وینا؛ آریانا افغان هوايي شرکت څلور الوتکې درلودې، چې یوه يي باختر شرکت اخیستې یوه يې په روسیه کې درول شوې او اوس له یوې الوتکې سره هڅې لري.

سوداگري

افغانستان او هند د سوداګریزو او اقتصادي اړیکو پر پراختیا خبرې وکړې

په دې ناسته کې د اسلامي امارت د صنعت او سوداګرۍ وزارت مرستیال احمدالله زاهد، په هند کې د افغانستان سفیر نوراحمد نور، د دغه وزارت د صادراتو رییس شهاب لېوال او د سوداګریزو ټولنو یو شمېر استازو او افغان سوداګرو ګډون کړی و.

Published

on

 

د افغانستان رسمي او سوداګریز پلاوي د هند نړیوالې سوداګرۍ د پنځه‌څلوېښتم نندارتون په څنډه کې د هند د سوداګرۍ او صنایعو د خونو فډراسیون له چارواکو سره په یوه ناسته کې د اقتصادي اړیکو پر پراختیا، د سوداګرۍ پر آسانتیا او د دواړو هېوادونو ترمنځ د پانګونې د نویو فرصتونو پر رامنځته کولو خبرې وکړې.

په دې ناسته کې د اسلامي امارت د صنعت او سوداګرۍ وزارت مرستیال احمدالله زاهد، په هند کې د افغانستان سفیر نوراحمد نور، د دغه وزارت د صادراتو رییس شهاب لېوال او د سوداګریزو ټولنو یو شمېر استازو او افغان سوداګرو ګډون کړی و.

دواړو لوریو د سوداګریزو او ټرانزیټي همکاریو پر پراختیا، د توکو د لېږد د آسانتیا، د افغانستان د صادراتو او وارداتو لپاره د هند د بندرونو له ظرفیت څخه د ګټې اخیستنې، د بدیلو ټرانزیټي لارو د رامنځته کولو او د لېږد رالېږد د لګښتونو د کمولو په اړه خبرې وکړې.

هند ته د افغانستان د صادراتو پراختیا، پر ځانګړې بڼه د وچې مېوې، زعفرانو او نورو کرنیزو محصولاتو په برخه کې د خصوصي شرکتونو ترمنځ د همکاریو پیاوړتیا او د ګډو پانګونو لپاره د زمینې برابرول هم د دې ناستې له نورو مهمو موضوعاتو څخه ول.

دغه راز افغانستان ته د هند د درملو او درملیزو محصولاتو پر صادراتو، د باکیفیته درملو د واردولو پر آسانتیا، د روغتیايي معیارونو پر مراعتولو او د دواړو هېوادونو د درمل جوړولو شرکتونو ترمنځ د مستقیمو تړونونو پر رامنځته کولو خبرې وشوې.

په مالي برخه کې هم دواړو لوریو د پیسو د لېږد ستونزې، بانکي آسانتیاوې، افغان سوداګرو ته د سوداګریزو ویزو د ورکړې چټکتیا او د ګمرکي همکاریو په اړه خپل نظرونه سره شریک کړل.

په دې ناسته کې د هند د سوداګرۍ او صنایعو د خونو فډراسیون، د افغانستان د سوداګرۍ او پانګونې خونې او مسلکي اتحادیو ترمنځ د بنسټیزو همکاریو پر پیاوړتیا ټینګار وشو.

دا خبرې په داسې وخت کې کېږي، چې له هند سره د اقتصادي او سوداګریزو اړیکو پراختیا کولی شي د افغانستان محصولاتو ته سیمه‌ییزو بازارونو ته د ښه لاسرسي او د پانګونې د نویو فرصتونو د پراختیا زمینه برابره کړي.

Continue Reading

سوداگري

په پاکستان کې د انارو بیې دوه برابره لوړې شوې

د بلوچستان ایالت په مرکز کویټه ښار کې د لوړ کیفیت لرونکو انارو بیه په هر کیلوګرام کې شاوخوا ۹۰۰ پاکستانۍ روپیو( ۳ ډالرو) ته رسېدلې ده. په داسې حال کې، چې تېر کال په همدې وخت کې یې بیه ۴۰۰ روپۍ( ۱.۴۴ ډالره) وه.

Published

on

 

عرب‌نیوز ورځپاڼې راپور ورکړی، چې له افغانستان سره د سوداګرۍ د بندېدا له کبله په پاکستان کې د انارو بیې له دوه برابرو ډېرې لوړې شوې دي.

د بلوچستان ایالت په مرکز کویټه ښار کې د لوړ کیفیت لرونکو انارو بیه په هر کیلوګرام کې شاوخوا ۹۰۰ پاکستانۍ روپیو( ۳ ډالرو) ته رسېدلې ده. په داسې حال کې، چې تېر کال په همدې وخت کې یې بیه ۴۰۰ روپۍ( ۱.۴۴ ډالره) وه.

د سوداګرو د څرګندونو له مخې: د لس کیلوګرامه غټو انارو بیه، چې په ۲۰۲۵ز.کال کې شاوخوا څلور زره روپۍ(۱۴ ډالره) وه؛ اوس لس زره روپیو (۳۶ ډالرو) ته لوړه شوې ده.

پاکستان له دې مخکې د افغانستان د انارو له سترو واردوونکو هېوادونو څخه و؛ خو د دواړو هېوادونو ترمنځ د دوه‌اړخیزې سوداګرۍ له بندېدا او د کړکېچ له زیاتېدا سره د پاکستان په بازارونو کې د انارو عرضه کمه شوې ده.

د پاکستان د احصائې ادارې د څرګندونو له مخې، دې هېواد په ۲۰۲۴ز.کال کې له افغانستان څخه د څه باندې ۱۸ میلیون ډالرو پر ارزښت انار وارد کړي وه.

د چمن سوداګرۍ خونې پخواني رییس او د افغان انارو واردوونکي حاجي جلال‌خان اڅکزي ويلي؛ د سوداګرۍ بندېدا نه یوازې پېرودونکو ته، بلکې واردوونکو، ټرانسپورټي شرکتونو او د ګمرک استازو ته هم زیان اړولی دی.

هغه ویلي، له دې مخکې د انارو د حاصلاتو د راټولولو په موسم کې هره ورځ شاوخوا ۲۵۰ باروړونکي موټر د چمن له لارې پاکستان ته د افغانستان انار لېږدول.

اڅکزي زیاته کړې؛ د بلوچستان کورنی تولید د پاکستان د ټولو بازارونو اړتیاوې نه‌شي پوره کولی او له کابل او اسلام‌آباد څخه یې وغوښتل، چې خپل اختلافات حل او دوه‌اړخیزه سوداګري بېرته پیل کړي.

خو هغه خبرداری ورکړ، چې د سوداګرۍ ګډوډۍ د دواړو هېوادونو ترمنځ پر پراخو راکړو ورکړو هم ناوړه اغېز کړی دی؛ ځکه له دې مخکې د پاکستان کرنیز محصولات افغانستان ته صادرېدل او له هغه ځایه د منځنۍ آسیا بازارونو ته لېږدول کېدل.

د پاکستان د سوداګرۍ وزارت په دې وروستیو کې ویلي، چې په ۲۰۲۵ز.کال کې د سوداګرۍ له بندېدا راپدېخوا افغانستان ته د دغه هېواد صادرات شاوخوا یو میلیارډ ډالر کم شوي دي.

د پاکستان اړوند وزارت اټکل کړی، چې د سیمه‌ییزو شخړو، د سوداګرۍ د ګډوډۍ او د توکو د لېږد د لګښتونو د لوړېدا له کبله د روان کال له جولای څخه تر اوکټوبر پورې د پاکستان سوداګریز زیانونه شاوخوا ۳۸۷ میلیون ډالرو ته رسېدلي دي.

Continue Reading

تازه خبرونه

په جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو

د ریاست‌الوزراء اقتصادي مرستیال د ګازي برښنا د تولید په برخه کې د بیات پاور شرکت پانګونه وستایله او له نورو پانګوالو یې هم وغوښتل، چې پر برښنا او نورو برخو پانګونه وکړي.

Published

on

Last Updated on: لړم ۲۴, ۱۴۰۵

 

د ریاست‌الوزراء اقتصادي مرستیال ملا عبدالغني برادر د شنبې پر ورځ په جوزجان ولایت کې د بیات پاور شرکت د ۴۰ میګاواټه ګازي برښنا تولیدي توربین د بیا فعالولو مراسم پرانیستل.

د ریاست‌الوزراء اقتصادي مرستیال د ګازي برښنا د تولید په برخه کې د بیات پاور شرکت پانګونه وستایله او له نورو پانګوالو یې هم وغوښتل، چې پر برښنا او نورو برخو پانګونه وکړي.

ملا عبدالغني برادر ویلي، د افغانستان اسلامي امارت د هېواد د اقتصادي ودې او صنعتي کېدو لپاره مهم ګامونه پورته کړي او پانګوالو ته یې د پانګونې مناسب فرصتونه برابر کړي دي.

نوموړي له پانګوالو او صنعت‌کارانو وغوښتل، چې د هېواد په آبادۍ او خلکو ته د کاري فرصتونو په رامنځته کولو کې ونډه واخلي.

Continue Reading
Advertisement

Trending

Copyright © 2026 Ariana News. All rights reserved!