په زابل کی به ډېر ژر هوایی ډگر جوړشی

چارواکی وایي:

د ماليې وزارت  په کلنۍ بودیجه کی د دې ولایت لپاره یو ميلیون امریکایی دالر ځانگړي شوي، چې په نوي کال کی به پرې هوایی ډگر ورغول شي.

په ولسي جرگه کې د دغه ولایت استازى وایي:

دغه بودیجه دهوایی ډگر لپاره کمه ده.

د زابل ولايت چارواکي په ډاگه كوي، چې:

له زیاتو ستونزو سره سره په دي وتوانیدو، چی د ماليې وزارت په کلنۍ بودیجه کی د دي ولایت د هوایی ډگر د جوړلو لپاره نژدې یو میليون امریکایی دالر ځانگړي شي.

د زابل مرستیال او سرپرست والي محمد جان رسولیار وایي:

که څه هم دغه بودیجه د دې میدان  د جوړولو لپاره بسنه نه کوي، خو د میدان سکیج او اندازه معلومه شوې او کار به يې په نوي راروان کال کی پیل شي.

په ولسی جرگه کی د دې ولایت د خلکو استازى حمیدالله توخی وایي، چې:

د دې میدان په جوړولو به د خلکو ډېرې ستونزې اوارې شی.

نوموړى زیاتوي، چې:

په  ولسی جرگه کې د دې میدان د جوړولو پر سر له زیاتو ناندریو سره مخ شوی يم، خو د دغه هوایی ډگر د منظورۍ  امر مې ترلاسه کړى دى.

د یادوني وړده، چی په زابل كې له دې وړاندی د الوتکو لپاره هوایی ډگر موجود نه و. د دې میدان په جوړولو به د خلکو هغه ستونزي لږ شي، چی تر دې دمه ورسره مخ دي.

زابل د هېواد یو سرحدي ولایت دی، چی دولتی کسان یی هم د لويې لار پر سر د امنیتي  ستونزو له كبله د تگ راتگ ستونزې لري.