سیمه ییز خبرونه
په زابل کې د ښځو په وړاندی د تاوتریخوالي كچه راټيټه شوې
په زابل کې چارواکي د ښځو په وړاندی د تاوتریخوالي د پېښو له کموالي خبرورکوي.
هغه غونډه، چی د ښځو په وړاندی د تاوتریخوالي د مخنيوي په موخه د زابل په مرکزكلات کی جوړه شوی وه په کې لسگونه میرمنو او دولتي چارواکو گډون کړى و.
د ښځو په وړاندی د تاوتریخوالي دا غونډه د سه شنبي په ورځ(د ليندۍ۱۴) په قلات کې د ښځو چارو په ریاست کی جوړه شوې وه، چی په کې د دې ولایت لسگونه میرمنو او دولتي چارواکو گډون کړى و.
په غونډه کی د ښځو چارو ريیسې ښاغلې صدیقې جلالي په خپلو خبرو کې د دې ولایت د ښځوعامه ذهنونه روښانه وبلل او زیاته یې کړه، چې:
اوس په زابل كې میرمنې او ځایي اوسیدونکي د عامه پوهاوي له لارې د ژوند پرارزښت پوهیدلي، چې له كبله یې د تاوتریخوالي پېښې لږ شوې دي.
صدیقې جلالي پردولتي ادارو او نړیوالو مرستندویه ادارو غږ وکړ، چې:
د میرمنو د پرمختگ لپاره دې ډاډمنې اسانتیاوې برابرې كړي، چې د فقرمخنیوى وشي.
د زابل مرستیال والي محمد جان رسولیار په تېرو درې کلنو کې د دې ولایت د ښځو په وړاندې د تاوتریخوالي د پېښو د لږوالي خبرورکړ.
نوموړي وویل، چې:
په تېرو څو کلونو کې دلته کومه داسې پېښه نده رامنځته شوې، چې یوه ښځه دې د کورني تاوتریخوالي ښكارشوې وي.
د زابل چارواکي پداسې حال کې د ښځو په وړاندې د تاوتریخوالي د پېښو له لږوالي خبر ورکوي، چې په دې ولایت کې څه موده وړاندی د ښځو چارو ریاست د څلوربېلابېلو پېښو، چې په کې د سوزونې، وژنې، زهرخوړلو پېښې شاملې وې، خبر ورکړى و.