سیمه ییز خبرونه
په قطركې د طالبانو لپاره د دفتر د جوړيدو پرڅرنگوالي ټولپوښتنه پيل شوه
د افغانستان د ملي امنيت شورا او د سولى عالى شورا په قطر كې د طالبانو لپاره د دفتر د جوړيدو پرڅرنگوالي ټولپوښتنه پيل كړې ده.
د افغانستان امنيت شورا د ولسمشر حامد كرزي تر مشرتابه لاندې يوه طرحه جوړه كړې، چې له مخې به يې په قطر كې طالبان له افغان حكومت سره د سولې خبرې پيل كړي.
د افغانستان د ولسمشرۍ مطبوعاتي دفتر وايي، چې:
د دوشنبې په ورځ( د ليندۍ۲۷) د حامد كرزي په مشرۍ د امنيتي شورا يوه غونډه جوړه شوه. په دې غونډه كې د سولې عالي شورا رييس صلاح الدين رباني امريكا ته د خپل سفر د پايلو په اړه معلومات وركړل او وروسته په قطر كې د طالبانو لپاره د سولې بهير د پرمخ بيولو په موخه د يوې څانگې د جوړولو ميكانيزم، چوكاټ او شرايطو په اړه بحث وشو او پرېكړه وشوه، چې:
جوړه شوې طرحه دې د بهرنيو چارو وزارت له خوا قطر ته واستول شي، چې طآلب استازي يې له مخې د سولې هڅې تر سره كړي.
سرچينه وايي، چې په دې غونډه كې له امريكا سره د امنيتي تړون په اړه هم خبرې وشوې او په امريكا كې د افغانستان سفيراكليل حكيمي ته دنده وسپارل شوه، چې د افغانستان د ملي گټو او حاكميت په پام كې نيولو سره له امريكا سره د هغو مواردو په اړه خبرې وكړي، چې بحث ته پرې اړتيا ليدل كيږي.
دغه راز د سولې عالى شورا رييس صلاح الدين ربانى په ډاگه كړه، چې:
امريكا غواړي د سولې په بهير كې له طالبانو سره مرسته وكړي.
د يوولس كلنې جگړې د پاى ته رسولو په موخه ملي او نړيوالې هڅې په دې وروستيو كې گړندۍ شوې دي.
دغه هڅې په داسې حال تر سره كيږي، چې په افغانستان كې د ناتو ځواكونو د وتلو او د امنيتي مسووليتونو ليږد ته هر اړخيزې تيارۍ نيول كيږي.
افغان حكومت هيله من دى، چې طالب مشران ورسره خبرو ته كيني. دا هغه غوښتنه ده، چې تر اوسه د طالبانو له خوا بې ځوابه پاتې ده.
د ولسي جرگې پخوانى استازى سرور جوادي وايي:
دغه طرحه ، چې تر اوسه يې جزئيات ښكاره شوي نه دي، كيدى شي قطر ته وليږل شي.
افغان دولت تل ټينگار كړى، چې:
له طالبانو سره د خبرو د پيل په صورت كې بايد د خبرو د پر مخ بيولو صلاحيت له افغانانو سره وي.
د افغانستان د حق و عدالت گوند غړى حميدالله فاروقي وايي:
حكومت بايد له طالبانو سره د خبرو لپاره ښكاره ميكانيزم ولري، چې له مخې يې په هېواد كې د سولې يو بشپړ بهير پيل شي.
ويل كيږي، چې په قطر كې طالبانو ته د دفتر له پرانستې سره به د سولې د خبرو يو تاند پړاو پيل شي
او طالب مشران به هم له يوولس كلن ټينگار او شاتگ وروسته نوى سياسي ژوند د خپلو موخو د تر سره كولو لپاره پيل كړي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه4 days ago
د بغلان ولایت د غوري سمنټو تولید زیات شوی
-
تازه خبرونه5 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه4 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه5 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه2 days ago
په هر حال پر رفح برید شونی دی – نتانیاهو
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
لوبی2 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه3 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي