انځوريز خبرونه
په كابل كې د ټينگو امنيتي تدابېرو لاندې مشورتي لويه جرگه پرانيستل شوه
په كابل كې څلور ورځنۍ مشورتي لويه جرگه د افغان ولسمشر حامد كرزي په وينا پرانستل شوه.
ولسمشر حامد كرزي په دې جرگه كې اوږدې خبرې وكړې او ويي ويل:
كه د كابل او واشنگتن تر منځ امنيتي هوكړه ليك لاسليك شو، له ۲۰۱۴م كال وروسته به په افغانستان كې له ۱۰زره څخه تر ۱۵ زرو بهرني سرتېري پاتې شي.
ده وويل، د دوه اړخيز امنيتي هوكړه ليك په متن كې د پاتې كيدونكيو بهرنيو سرتېرو پر قضايي صلاحيت تر اوسه هوكړه نه ده شوې.
ولسمشر د جرگې برخوالو ته د خپل امريكايي سيال بارك اوباما له خوا ده ته ور رسيدلى ليك هم ولوست، چې په خبره يې نن سهار(د لړم۳۰) ور سپارل شوى دى.
د اوباما پر لاسليك په دې ليك كې د دواړو لوريو تر منځ امنيتي هوكړه ليك مهم وبلل شو. د اوباما په ليك كې ويل شوي، امريكايي پوځيان له استثنايي حالاتو پرته د افغانانو كورونو ته نه شي دننه كيدلى.
ولسمشر كرزي وويل، امريكا غواړي په نهو سيمو كې اډې ولري.
ده وويل، دا سند كولى شي افغانستان ثبات ته ورسوي.
نوموړي وويل، دا امنيتي سند د لس كلونو لپاره دى.
نوموړي د دې سند په وړاندې د افغان حكومت عمده شرط په افغانستان كې د سولې ټينگښت وباله.
ولسمشر زياته كړه، د دې سند په اړه د سيمې له هېوادونو سره سلا مشورې شوې دي.
د يادونې وړ ده، چې دغه جرگه به د ۲۵۰۰ استازيو په گډون ۱۷ كتگورئ او ۵۰ كميتې ولري او له امريكا سره پر امنيتي همكاريو خبرې كوي، چې څلور ورځې به روانه وي.
انځوريز خبرونه
د افغانستان سیاسي او اقتصادي بحران ته یوه لنډه کتنه
انځوريز خبرونه
آریانا نیوز: دري خبرونه د سلواغې ۱۱ کال ۱۳۹۹
انځوريز خبرونه
روبینا جلالي د اتلتیک د فدراسیون د رئیسئ په توګه وګمارل شوه
آغلې روبینا جلالي د افغانستان د ملي اتلتیک فدراسیون په ټول ټاکنو کې د ډیرئ رائیو په ګټلو سره، د دغه فدراسیون ریاست ته د څلور کالو لپاره وټاکل شوه.
نن پنج شنبه د مرغومې ۱۹، د افغانستان د ملی اتلتیک د فدراسیون د ریاست ګټلو په موخې ټول ټاکنې ترسره شوې چی په پایله کې یی میرمن جلالي تولو دیرشو رائیو په ګټلو سره بریالې شوه.
آغلې جلالي د طالبانو د دولت له سقوط څخه وروسته د المپیک لوبو لومړنې ښځینه ګډونکونکې ګڼل کیږي.
هغې د اتلتیک او د المپیک لوبو تجربه په ۲۰۰۴ او ۲۰۰۸ میلادي کلونو کې ترلاسه کړې ده.
نوموړې د اتلتیک فدراسیون د ریاست د دندو د پرمخوړلو ترځنګ د المپیک د ملي کمیټې د ښځو د بخش مرستیاله او په پارلمان کې د کابل ښاریانو استازې هم ده.
-
سیمه ییز خبرونه3 days ago
په هر حال پر رفح برید شونی دی – نتانیاهو
-
سیمه ییز خبرونه5 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه3 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی3 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه4 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی4 days ago
اټک انرژي او موج ساحل د دوشنبې د ورځې لوبې وګټلې
-
نړۍ5 days ago
د امریکا بهرنیو چارو وزیر د غزې او اسرائیلو د اړیکو عادي کولو لپاره سعودي عربستان ته رسېدلی
-
تازه خبرونه5 days ago
د تېرو ۴ ورځو بارانونو له کبله ۸ کسان مړه شوي