تازه خبرونه
په متقابلو بریدونو کې یو شمېر پاکستاني پوځیانو ته مرګ او ژوبله اوښتې – د افغانستان دفاع وزارت
د یاد وزارت د څرګندونو، د دغو بریدونو په غبرګون کې افغان دفاعي او امنیتي ځواکونو د سیمې په شاوخوا کې د پاکستاني پوځ پر اډو او پوستو بریدونه کړي؛ یو شمېر پاکستانيو سرتېرو ته مرګ او ژوبله اوښتې او تاسیساتو ته یې درانده زیانونه اوښتي دي.
د افغانستان اسلامي امارت دفاع وزارت ويلي، پاکستاني ځواکونو پرون له غرمې وروسته شاوخوا یوه بجه د بېپیلوټه الوتکو پر وسیله د پکتیکا د انګور اډې ولسوالۍ پر بازار او نږدې امنیتي تاسیساتو څلور بریدونه کړي دي.
د یاد وزارت د څرګندونو، د دغو بریدونو په غبرګون کې افغان دفاعي او امنیتي ځواکونو د سیمې په شاوخوا کې د پاکستاني پوځ پر اډو او پوستو بریدونه کړي؛ یو شمېر پاکستانيو سرتېرو ته مرګ او ژوبله اوښتې او تاسیساتو ته یې درانده زیانونه اوښتي دي.
دفاع وزارت زیاته کړې، چې په دې پېښه کې افغان ځواکونو ته زیان نهدی اوښتی.
دغه وزارت پاکستاني ځواکونه د بریدونو پیلوونکي بللي او د افغان ځواکونو اقدام یې له ځان، خاورې او ارزښتونو څخه دفاع ګڼلې ده.