سیمه ییز خبرونه
په نورستان كې قحطۍ سلگونه كورنۍ گواښلي
په نورستان ولايت كې خوراكي توكي، سون توكي او درمل ډېركم دي.
د دغه ولايت لارې بندې دي او روغتيايي مركزونو ته د ناروغانو ليږدول هم ناممكن شوي.
بلخوا جگړو هم د كليوالي عادي ژوند بهير گډوډ كړى دى.
په مشرانو جرگه كې د نورستان استازى وايي:
د دغه ولايت ستونزې په كابل كې له اړوند وزارتونو سره څو څو ځله يادې شوي، خو تر اوسه يې د حل لپاره هيڅ كړنه تر سره شوې نه ده.
د نورستان د برگمټال او منډول ولسواليو خلك له ۷ څخه ۲۷ ساعتونو پلى مزل كوي، چې خوراكي توكي او دارو ومومي؛ خو د واورې ورښت هرڅه ناممكن كړي دي.
په برگمټال كې د اوړو د يوې پنځوس كيلويي بورۍ بيه۷۰۰۰ افغانيو ته رسيدلې؛ حال دا، چې يوه مياشت وړاندې دا بيه ۵۰۰۰ افغانۍ وه.
د روان كال جگړې هم د دې لامل شوي، چې ډېرځوانان بې كاره شي.
دا په داسې حال كې ده، چي له طبيعي پېښو سره د مبارزې اداره وايي، د ژمي لپاره د چمتووالي په لړ كې افغان حکومت او نړيوالو سازمانونو وار له مخه ۳۶ زره ټنه خوراکي توکي د افغانستان په بېلا بېلو سيمو كې ځاى په ځاى كړي، چې د زياتو واورو له ورښت، واورو ښوييد او لارو بندښت وروسته به په ځپل شويو سيمو كې پرخلكو ووېشل شي.
په مشرانو جرگه كې د نورستان استازى حضرت شاه نورستانى وايي:
د ستونزو د له منځه وړلو لپاره هيڅ ډول تدابيرنه دي نيول شوي. كه دولت د نورستان د خلكو ستونزو ته پاملرنه ونه كړي؛ نو په روان ژمي كي به د نورستان خلك له ناورين سره مخ شي.
په نورستان كې بله ستره ستونزه روغتيايي خدمتونو د خلكو نه لاسرسى دى. د ژمي له راتلو سره روغتيايي مركزونه ترډېره تړل شوي او كه كوم مركز پرانيستى وي، درمل نه لري.
خلك وايي:
په دې برخه كې له ډېرو ستونزو سره مخ دي. دوى له كورنيو چارو او ملي دفاع له وزارتونوهم شكايت كوي، چې د لارو د خلاصولو لپاره يې هيڅ راز اقدام نه دى كړى.
له طبيعي پېښو سره د مبارزې ادارې مرستيال محمد اسلم سياس وايي:
له څلورمياشتو را پديخوا د يو شمېر ولايتونو لپاره له ځينو وزارتونو سره په گډه چمتوالى نيول شوى دى.
د دې ادارې چارواكي په ډاگه كوي، چې د خوراكي توكو تر څنگ يې دوه ميليون افغانۍ هم ځانگړې كړي، چې په ژمي كې به د طبيعي پيښو پرځپل شويو خلكو ووېشل شي او ممكن له دولت څخه د نورو پيسو غوښتنه هم وشي.
سیمه ییز خبرونه
امریکا دې د بشري حقونو په اړه دوه ګوني سیاست ودروي – ترکیه
د رویټرز خبري آژانس د راپور له مخې؛ ترکیې د چارشنبې پر ورځ امریکا تورنه کړې، چې د بشري حقونو په اړه دوه ګونی سیاست پالي او وایي، چې واشنګټن د بشري حقونو کلنی راپور په غزه کې د اسرائیلو د بریدونو په غندلو کې پاتې راغلی دی.
د ترکیې د بهرنیو چارو وزارت په خبرپاڼه کې راغلي، چې د امریکا دې کلني راپور په غزه کې روان غیر انساني بریدونه په سمه توګه راځلولي ندي. دا راپور پر سیاسي انګیزو له بې طرفۍ او معقولیت څخه لرې چمتو شوی دی.
ترکیې له واشنګټن وغوښتل، چې د بشري حقونو په اړه دوه ګونی سیاست ودروي.
دغه راز په دې راپور کې د سوریې له کردي ملیشې سره د امریکا اړیکو ته هم ګوته نیول شوې، چې انقره یې یوه ترهګر ډله ګڼي.
په غزه کې د روغتیايي چارواکو د څرګندونو له مخې؛ اسرائیلي ځواکونو له ۳۴ زره ډېر فلسطینیان وژلي، چې ډېر یې ملکيان او ماشومان دي. دا سیمه پر کنډواله بدله شوې او د خوراکي توکو سخت کمښت د قحطۍ وېره راپارولې ده.
اسرائیلو د اکټوبر پر اوومه د حماس د وسلهوالې ډلې د هغه برید په ځواب کې خپل هوایي او ځمکني بریدونه پیل کړل، چې د اسرائیلي ځواکونو د څرګندونو له مخې په کې ۱۲۰۰ کسان ووژل شول.
ترکیې په غزه کې د جګړې له کبله اسرائیل غندلی او د اوربند غوښتنه یې کړې ده.
ترکیې پر لویديځو هېوادونو هم نيوکه کړې، چې له اسرائيلو يې بشپړ ملاتړ کړی دی.
سیمه ییز خبرونه
د غزې په شمال کې د قحطۍ خطر ډېر دی
د بشري چارو لپاره د امریکا ځانګړي استازي د سې شنبې پر ورځ ویلي، چې اسرائیلو په وروستیو اوونیو کې غزې ته د مرستو رسولو لپاره د پام وړ ګامونه پورته کړي؛ خو د پام وړ کار پاتې دی، ځکه په دې سیمه کې د قحطۍ خطر ډېر دی.
د بشري چارو لپاره د امریکا ځانګړي استازي ډېوېډ سټېټرفیلډ خبریالانو ته ویلي، اسرائیلو په دې وروستیو دوه نیمو اوونیو کې د پام وړ ګامونه پورته کړي دي.
ډېوېډ سټېټرفیلډ څرګنده کړې: اوس هم د پام وړ کار پاتې دی، چې باید ترسره شي؛ خو پرمختګ شوی دی.
هغه ویلي، چې په ټوله غزه کې په جګړي توګه شمالي سیمې د قحطۍ له ډېر خطر سره مخ دي.
نوموړي ویلي، چې د فلسطین په کوچنۍ ګڼ میشته سیمه کې له اړو خلکو سره مرستې ته اوس ډېره اړتیا ده.
ملګرو ملتونو له اوږده وخت راپدیخوا په غزه کې د مرستې رسولو او د هغې د وېشلو په لار کې له خنډونو څخه اندېښنه ښودلې او څرګنده شوې، چې له تېرو شپږ میاشتو راپدیخوا د اسرائیلو لخوا د غزې د واکمنې اسلامي وسلهوالې ډلې حماس پر ضد هوايي او ځمکني بریدونه ترسره تر سره کیږي.
د اسرائیلو پوځي کمپاین د اکتوبر له میاشتې راپدیخوا، چې حماس د اسرائیلو په سویل کې جګړه پیل کړه، چې له کبله یې د بشري ناورین ترڅنګ د ۲ اعشاریه ۳ میلیون خلکو کورونه له ځمکې سره اوار شوي دي.
د ملګرو ملتونو د فلسطیني کډوالو ادارې (UNRWA) مشر فیلیپ لازاریني د سې شنبې پر ورځ ویلي، چې د اپریل پرپرتله غزې ته د تلونکو لاریو منځنی شمېر د ورځې ۳۱۶ ته لوړ شوی دی.
ویل کیږي، چې اوس کثافاتو راټولولو ته پاملرنه ډېره شوې او هڅه کیږي، چې په سویلي غزه کې د ناروغیو د خپریدو مخه ونیول شي.
سیمه ییز خبرونه
د ایران ولسمشر پر درې ورځني سفر پاکستان ته ولاړ
د ایران ولسمشر ابراهیم رییسي نن سهار ( دوشنبه د غویی درېیمه) د یوه لوړ پوړي سیاسي او اقتصادي پلاوي پر مشرۍ د پاکستان پلازمېنې اسلامآباد ته ورسېد.
د ایران اړوند رسنیو خبر ورکړی، چې دغه درې ورځنی سفر به د پاکستان له لوړ پوړو چارواکو سره د اقتصادي او سوداګریزو اړیکو پر پراختیا او پیاوړتیا، د دوه اړخیزو خبرو اترو او سیمهییزو سلامشورو په پام کې نیولو سره ترسره شي.
ټاکل شوې، چې د ایران ولسمشر به په دې سفر کې د دغه هېواد له ولسمشر اصف علي زرداري سره هم وګوري.
دغه راز د ایراني رسنیو د څرګندونو له مخې؛ پاکستان ته د ایران د ولسمشر د سفر پر مهال د دواړو هېوادونو ترمنځ د دواړو هېوادونو د مشرانو په حضور کې د سوداګرۍ، روغتیا، اقتصاد، امنیت او عدالت په برخو کې د اړدوند وزیرانو لهخوا د همکاریو یو شمېر سندونه لاسلیک شي.
دا سفر د پاکستان په بلوچستان ایالت کې د ایران له برید او د ایران په سیستان او بلوچستان ایالت کې د پاکستان له ځوابي بریدونو یوازې درې میاشتې وروسته رامنځته شوی دی.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ21 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ