تازه خبرونه
په نیمروز ګمرک کې د دوه ټنو ایراني پلاستیکي بوجیو د قاچاق مخه ونیول شوه
د افغانستان مالیې وزارت ويلي، چې د نیمروز د ګمرک ګرځند څارنې مسوولینو څه باندې دوه ټنه پلاستیکي بوجۍ، چې له ایران څخه دغه هېواد ته قاچاق کېدې؛ کشف او ضبط کړې دي.
د نیمروز ګمرک د ګرځنده څارني مسوولینو د دې ولایت د سر دشت په سيمه کي له یوه کوچني بار وړونکي موټر څخه (٨۰) کڅوړې ایرانۍ پلاستیکي بوجۍ، چي څه باندې ۲۰۰۰ کیلو ګرامه وزن لري؛ کشف او د قاچاق مخه یې ونیول شوه.
د دغه وزارت د څرګندونو له مخې، د افغانستان اسلامي امارت د هېوادنيو تولیدونکیو د ملاتړ او د چاپېریال د ککړتیا د کمولو لپاره د ټولو پلاستیکي بوجیو پر واردولو بندیز لګولی دی.
ویل کیږي، چې د ګمرک ګرځنده امنیتي ځواکونه به د هر ډول قاچاق مخه ونیسي او هیچا ته به د قاچاق اجازه ورنهکړي.