سیمه ییز خبرونه
په هرات كې خلكو په اعتراضي توگه د پخو سړكړنو كندې اخېړ كړې
د هرات اوسيدونكيو په اعتراضي بڼه د يو شمېر پخو سړكونو د ځينو خرابو برخو د اخېړولو ننداره واندې كړه.
دغو اعتراض كوونكيو د يكشنبه په ورځ(د سلواغې۲۹) د سړك په ورانو برخو كې نيالگي كينول او په ځينو برخو كې يې د سړكونو ډنډونو ته ماهيان ورخوشې كړل.
دا په داسې حال كې ده، چې د هرات ښار ۷۰ په سلو كې سړكونه د ورښت او بې تفاوتۍ پر لامل زيانمن او حراب شوي دي.
د هرات ښار اوسيدونكي وايي:
د مسوولينو د بې تفاوته پاتې كيدو پر لامل دغه ننداريز لاريون رامنځته شوى دى.
د دوى په باور:
د والي او ښاروال د اختلافاتو پر لامل دغه سركونه د بيا رغونې له كاره بې برخې پاتې شوي دي.
د هرات ښار يو شمېر اوسيدونكيو گواښ وكړ كه حكومتي چارواكي ژر تر ژره د سړكونو د خرابو برخو د پخولو كار پيل نه كړي؛ نو دوى به د خپلو اعتراضونو بهير نور هم پراخه كړي.
د هرات ولايت د ښاروالۍ مالي او اداري رييس عبدالاحد فقيريار وايي:
د هرات ښاروالۍ هڅوكوي، چې په نوي كال كې ټول سړكونه پاخه كړي.
له دې مخكې څو كاله وړاندې د باميانو اوسيدونكيو هم د سړكونو ځينې برخې اخيړ كړې وې.