Connect with us

تازه خبرونه

په هېواد کې د اوسپنې د ويلي کولو ۱۴مه فابريکه جوړه شوه

خپور شوی

د

(Last Updated On: لړم ۳, ۱۴۰۱)

 دغه فابریکه به په پنځلس جریبه ځمکه کې په راتلونکو شپږو میاشتو کې بشپړه او ګتې اخیستو ته وسپارل شي.

 په دې فابریکې د یوه پانګه وال له خوا یو سل او شل میلیون ډالر لګېږي. د اقتصاد وزیر وایي، په ټول ځواک سره هڅه کوي چې هېواد کې د پانګونې شرایط آسانه کړي.

په صنعتي پارکونو کې به دغه جوړېدونکې فابریکه تر راتلونکو شپږو میاشتو پورې په کار پیل وکړي. د فابریکې مسولین وایي، په فعالېدو سره به یې هېواد کې د سیخ ګول په برخه کې د شته اړتیاوو څلوېښت سلنه دوی پوره کړي. په دې فابریکه کې زرو کسانو ته په مستقیم ډول د کار زمینه برابرېږي.

د فابریکې بنسټ ایښودونکی خان محمد وردګ وايي:

((دا فابریکه به په ورځ کې څلور سوه ټنه اوسپنه ویلې کړي. مونږ باید په تولیدي برخه تمرکز زیات کړو. زموږ د اوسپنې د ويلي کولو فابريکه چې د خان سټیل په نام سره يادېږي د سیمې په کچه بې ساري ده، جوړه به یې مونږ کړو خو ملاتړ یې باید دولت وکړي.))

د اقتصاد وزارت بیا ژمنه کوي چې پانګه والو ته به د پانګونې شرایط اسانه کړي.

د اقتصاد وزير عبدالستار مراد وايي:

((مونږ له دې پانګونې هرکلی کوو د ملیي یووالي حکومت ژمن دی ترڅو د پانګه والو له پاره ټول امکانات برابر کړي چې پانګه وال پانګونې ته وهڅېږي.))

د ولسمشر اقتصادي سلاکار عمر زاخېلوال وايي:

((له تېر یوه کال راهیسې له هېواده  پیسې وځي خو د اوسپنې ويلي کولو په برخه کې دغه پانګونه هیلې زیاتوي او د بې کارۍ په له منځه وړلو کې مرسته کولای شي.))

د سوداګرۍ او صنایعو خونه له دولت او خلکو غواړي چې د کورنیو تولیداتو د ملاتړ له پاره خپل خپل مسولیتونه پر ځای کړي.

د سوداګرۍ او صنایعو خونې مرستیال خان جان الکوزی څرګندوي:

((دولت  ته ستر ګې په لار یو، هغه ژمني چې له خصوصي سکتور سره شوې ترسره يې کړي مونږ د دولت عملي ګام ته سترګې په لار یو.))

د صنعتکارانو د ټولنې رییس سخي احمد پیمان وايي:

((په نږدې راتلونکي کې به دې ته ورته څلور نورې فابریکی هم چې په نړیوالو معیارونو برابرې وي، خپل فعالبت پیل کړي او په دې سره به زرګونه کسانو ته په مستقیم ډول د کار زمینه برابره شي.))

دا مهال د هېواد په بېلابېلو ولایتونو کې د اوسپنې د ویلې کولو ۱۳ فابریکې فعالې دي چې هره ورځ شاوخوا شپږ سوه ټنه اوسپنه ویلې کوي. خو د صنعت کارانو ټولنه وایي، پنځه نورې جوړېدونکې فابریکې به په نړیوالو معیارونو برابرې وي او سلګونه میلیون ډالر پانګونه به پرې وشي.

خبريال: اسلم حجاب

Advertisement

تازه خبرونه

قطر د افغانستان له ګاونډ هېوادونو څخه راستانه شویو افغان کډوالو ته کورونه جوړوي

Published

on

(Last Updated On: غبرګولى ۶, ۱۴۰۳)

د کډوالو او راستنیدونکیو چارو وزارت چارسمبالي د قطر د سرې میاشتې خیریه موسسې او نړیوالې پراختیايي ادارې له رییس سره وکتل.

د کډوالو او راستنېدونکیو چارو وزارت ویاند عبدالمطلب حقاني ویلي؛ په دې کتنه کې د یاد بنسټ رييس ويلي، چې دوى د افغانستان له ګاونډ هېوادونو څخه د راستنېدونکیو افغان کډوالو لپاره کورونه جوړوي، خو د شمېر په اړه به یې د قطر له خيريه صندوق سره خبرې وکړي.

د کډوالو د حقونو هڅاندې اصفه ستانکزۍ ويلي، چې تهران او اسلام‌آباد تل له مهاجرینو سره د نړیوالو قوانینو خلاف چلند کوي.

له بلې خوا د تهران والي مرستیال مهدي باب الحوائجي ویلي، چې دوی د غیر قانوني مهاجرینو پر ضد جګړه کوي او هغه کسان، چې مهاجرینو ته کار او یا  کور ورکوي محاکمه او سزا به ورکړ شي.

د اسلامي امارت ویاند ذبیح الله مجاهد څرګنده کړې، چې ایران باید له افغان مهاجرینو سره د نړیوالو قوانینو په رڼا کې چلند وکړي او د هغوی له جبري ایستلو دې ډډه وکړي.

ویل کیږي، چې په دې وروستیو کې ایران او پاکستان د افغان کډوالو جبري ایستنه ګړندۍ کړې او هره ورځ له دغو هېوادونو څخه سلګونه کسان هېواد ته را شړل کیږي.

Continue Reading

تازه خبرونه

د خواف – هرات د اوسپنې‌پټلۍ د وروستۍ برخې د جوړولو کار پیل شو

Published

on

(Last Updated On: غبرګولى ۶, ۱۴۰۳)

د خواف- هرات د اوسپنې‌پټلۍ د څلورمې برخې د دوه‌یم فاز د جوړولو کار، چې افغانستان له ایران سره نښلوي؛ پرانیستل شو.

دغه برخه، چې شاوخوا ۴۷ کیلومټره اوږدوالی لري؛ ټولیز لګښت یې ۵۳ میلیون ډالر دی او ټاکل شوې، چې دا پروژه په څه کم ۲ کلونو کې بشپړه او ګټې اخیستنې ته وسپارل شي.

د ګاما سهامي شرکت او د ترکیې او روسیې دوه شرکتونه په ګډه پدې پروژه کار کوي.

د کشدر اوسپنې‌پټلۍ چارواکي وايي، دا د خواف- هرات د اوسپنې‌پټلۍ وروستۍ برخه ده، چې د هرات د زنده جان ولسوالۍ له رباط پريان سيمې پيلېږي او د خواجه عبدالله انصاري نړيوال هوايي ډګر او د هرات تر صنعتي ښارګوټي پورې رسېږي.

د دې پړاو له بشپړېدو سره به د ایران له اوسپنې‌پټلۍ او بندرونو سره د هرات د سیمه‌ییز پیوستون پروژه بشپړه شي، چې د منځنۍ او جنوبي آسیا ترمنځ به د سوداګریزو مالونو د لیږد د کچې د لوړولو زمینه برابره کړي.

له ایران څخه د هرات تر روزنک سیمې پورې د هرات – خواف اوسپنې‌پټلۍ د جوړولو چارې بشپړې شوې دي.

Continue Reading

تازه خبرونه

په افغانستان کې باید د ټولو قومونو د استازو په ګډون یو حکومت جوړ شي – حسن کاظمي قُمي

Published

on

(Last Updated On: غبرګولى ۶, ۱۴۰۳)

د افغانستان لپاره د ایران ځانګړي استازي ویلي، افغانستان د ټولو افغانانو دی او په دغه هېواد کې باید د ټولو قومونو د استازو په ګډون یو حکومت جوړ شي.

د ایسنا خبری آژانس د راپور له مخې؛ حسن کاظمی قُمی په قُم کې د افغان مهاجرینو غونډې ته د وینا پر مهال ویلي؛ “په افغانستان کې یوه داسې رښتیا رامنځته شوې، چې ټوله رښتیا نده. “

نوموړي خبرداری ورکړي: ” مونږ په ښکاره ویلي، چې افغانستان د ټولو افغانانو لپاره دی او که غواړو، چې د بن له شرایطو سره بیا مخ نشو؛ باید دې مسلې ته پام وکړو.”

قُمي ټینګار کړی، چې ایران له اسلامي امارت سره د اړیکو په وخت کې د افغانستان نویو واکمنو ته هم خپلې مشورې وړاندې کوي.

هغه زیاته کړې: ” د ټولو قومونو له صالحو خلکو څخه جوړ حکومت کولی شي په افغانستان کې د سیاسي ثبات او د جوړولو د پیل بنسټ وي، چې اسلامي جمهوري دولت هم ورته پالیسي لري. “

د افغانستان لپاره د ایران ځانګړي استازي او چارسمبالي سفیر داعش ته په نغوته کې امریکا پر لاسوهنو او بې ثباته کوونکیو سیاستونو تورنه کړې او څرګندوي: نن امریکایان په افغانستان کې د پرون په پرتله ډېرې بدې هڅې کوي.

قُمي ویلي، چې په سیمه کې د امریکا د بدو اوناوړو کړنو بیه ” د افغانستان خلک پرې کوي.”

اسلامي امارت په وار وار ټینګار کړی، چې اوسنی حکومت ملي او ټولګډونه دی او د ټولو قومونو استازي په کې پراخ شتون لري.

د ۲۰۰۱ کال په ډسمبر کې د افغانستان په اړه د بن نړیوال کنفرانس جوړ شو، چې هدف یې پر افغانستان د امریکا له یرغل وروسته د یوه نوي حکومت جوړېدا وه.

Continue Reading

Trending

Copyright © 2022 Ariana News. All rights reserved!