Connect with us

تازه خبرونه

په ولایتونو کې د ښځینه قاضیانو نشتوالي اندېښنې راپورته کړي

خپور شوی

د

په ښکاره د امنیتي ستونزو له کبله په یو شمېر ولایتونو کې ښځینه قاضیانې بریالۍ شوې ندي، چې خپلې دندې تر سره کړي.

له تاوتریخوالي څخه د قرباني شویو ښځو لپاره د ښځینه قاضیانو شتون غنیمت دی.

د ښځو چارو وزارت غواړي، چې عدالت ته د ښځو د لاسرسي لپاره په ولایتونو کې ښځینه قاضیانو ته د هڅو زمینه برابره کړي.

د ښځو چارو وزارت سرپرسته حسینه ساپۍ څرګندوي: ټولې ښځې د عدالت خوندي کولو لپاره ښځینه قاضیانو ته اړتیا لري او باید، چې کاري زمینه ورته برابره شي.        

دا مهال ستره په ستره محکمه کې ۲۵۶ ښځې د قاضیانو، درې سوه په ادارې برخه کې او سل نورې د خدمتي قاضي په توګه کار کوي او ټینګار کیږي، چې باید ښځینه قاضیانو ته په ولایتونو کې هم د کار زمینه برابره شي.

امنیتي ستونزې او د ښځو د فعالیتونو په وړاندې خنډونه د دې سبب شوي، چې ښځې په ولایتونو کې کار ونکړای شي.

د سترې محکمې د دارالانشا مشر جاوید رشیدي ویلي؛ په ټولو ولایتونو کې ښځینه قاضیانې شته؛ خو ډېرې د ولایتونو په مرکز کې دي او په دې اړه باید د ښځینه قاضیانو قناعت تر لاسه شي، چې په ټولو ولایتونو کې قاضیانې ولرو.              

په ولایتونو کې ښځې د ځینو محدویتونو له کبله نشي کولی نرینه قاضیانو ته خپلې ټولې ستونزې په ډاګه کړي.

له همدې کبله لویه څارنوالي ټینګار کوي، چې په ټولو ولایتونو کې د ښځینه قاضیانو شتون اړین دی.

د لویې څارنوالۍ د ښځو په وړاندې د تاوتریخوالي د مبارزې د څانګې مرستیاله سینا شنا منصور وایي: ۸۱۵ ښځینه څارنوالې لرو، چې د قاضیانو په توګه کار کوي. ښځو ته د قاضیانو په توګه کاري زمینه برابرول اړین دي. ښځینه قاضیانې کولی شي ولایتونو ته د میړه یا ورور پر ملتیا ولاړې شي.      

که څه هم زیاتره ښځې په لریو پرتو سیمو کې له ډېرو حقوقي ستونزو سره مخ دي؛ خو ښځینه قاضیانې نشي کولی د امنیتي ننګونو له کبله په ولایتونو کې د زیانمنو شویو ښځو له حقونو د خوندي کولولپاره دندې تر سره کړي.

تازه خبرونه

اسلامي امارت آلمان ته خپل څلور نوي ډیپلوماټان لېږي

د سرچینو د څرګندونو له مخې، هدایت‌الله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوس‌مهال د آلمان د ویزې ترلاسه کولو لپاره د قطر په پلازمېنه دوحه کې دي.

Published

on

 

د بهرنیو چارو وزارت باخبره سرچینې ويلي، دا وزارت غواړي د آلمان په برلین کې د افغانستان سفارت او د بن ښار قونسلګرۍ ته د فعالیت لپاره خپل څلور نوي ډیپلوماټان ولېږي.

د سرچینو د څرګندونو له مخې، هدایت‌الله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوس‌مهال د آلمان د ویزې ترلاسه کولو لپاره د قطر په پلازمېنه دوحه کې دي.

سرچینو زیاته کړې؛ بشیر احمد افغان په برلین کې د افغانستان د سفارت لومړي منشي او سعید اکبر رستاد دوه‌یم منشي ټاکل شوي دي. په داسې حال کې چې هدایت‌الله پکتین او محمدحکیم حکیمي به په بن کې د افغانستان د قونسلګرۍ د دوه‌یمو منشیانو دندې ترسره کړي.

سرچینې زیاته کړې، د آلمان حکومت دغو څلور استازو ته د ویزو له ورکړې سره موافقه کړې؛ خو د کابل او د آلمان د بهرنیو چارو وزارت چارواکو تر اوسه په دې اړه رسمي څه نه‌دي ویلي.

د راپور له مخې، دا پرمختګونه د برلین او کابل ترمنځ د قونسلي چارو د تنظیم او د هغو افغان پناه‌غوښتونکو د بېرته ستنولو د بهیر د آسانتیا لپاره د تخنیکي هوکړو په لړ کې رامنځته کېږي، چې د قانوني اوسېدنې حق نه‌لري.

د آلمان د حکومت د رسمي څرګندونو له مخې، شاوخوا ۴۵۰ زره افغان وګړي په دې هېواد کې مېشت دي او برلین د هویتي اسنادو د صادرولو او د کډوالۍ د دوسیو د سمبالولو لپاره د افغانستان د ډیپلوماټیکو او قونسلي استازولیو فعال پاتې کېدل اړین بولي.

آلمان نورو اروپايي هېوادونو ته ورته د ۲۰۲۱ز.کال له سیاسي بدلونونو وروسته اسلامي امارت پر رسمیت نه‌دی پېژندلی؛ خو د پناه‌غوښتونکو د ستونزې د مدیریت او د مجرمو کسانو د ایستلو پر موخه یې له کابل سره تخنیکي تعاملات پراخ کړي دي. د آلمان چارواکو ټینګار کړی، چې دا اداري او قونسلي همکاري د اسلامي امارت د رسمي سیاسي پېژندنې معنا نهلري.

Continue Reading

تازه خبرونه

افغانستان په ملګرو ملتونو کې د غړیتوب اتیایمه کلیزه نمانځي

په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځه‌ویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.

Published

on

 

په ملګرو ملتونو کې د افغانستان دایمي استازولۍ په دې ټولنه کې د دې هېواد د غړیتوب د اتیایمې کلیزې په مناسبت د یوې غونډې له جوړولو خبر ورکړی. په دې غونډه کې به له ملګرو ملتونو سره د افغانستان د اړیکو پر تاریخ، د دې هېواد د ډیپلوماټیک رول او د راتلونکو همکاریو پر امکاناتو خبرې وشي.

په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځه‌ویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.

د نوموړي د څرګندونو له مخې:« افغانستان او ملګري ملتونه؛ اته لسیزې تعامل، مشارکت او د راتلونکي لپاره زده‌کړې» تر سرلیک لاندې دغه غونډه د نومبر پر اته‌لسمه د انلاین او ژوندۍ بڼې له لارې ترسره کېږي.

فایق زیاته کړې؛ دغه غونډه به د افغانستان د خلکو د نظرونو او غوښتنو د څرګندولو او د سولې، انساني کرامت، برابرۍ او ښه راتلونکي لپاره د هغوی پر هیلو د ټینګار زمینه برابره کړي.

په ژنیو کې د افغانستان استازولۍ هم ویلي، چې په دې غونډه کې به په ملګرو ملتونو کې د افغانستان د حضور تاریخ، د هېواد ډیپلوماټیک رول او د راتلونکو همکاریو په اړه بحث وشي.

افغانستان د ۱۹۴۶ز.کال د نومبر پر نولسمه د ملګرو ملتونو غړیتوب ترلاسه کړ او سږ کال په دې نړیوالې ټولنې کې د خپل غړیتوب اتیایمه کلیزه نمانځي.

محمدکبیر لودین په ۱۹۵۲ز.کال کې د ملګرو ملتونو لپاره د افغانستان د لومړي دایمي استازي دنده پیل کړې.

دا په داسې حال کې ده، چې د ۲۰۲۱زږکال د اګست له سیاسي بدلونونو وروسته د ملګرو ملتونو د اعتبارلیکونو کمیټې تر اوسه د اسلامي امارت له‌خوا د معرفي شوي استازي د منلو په اړه وروستۍ پرېکړه نه‌ده کړې او د افغانستان استازولي اوس هم د پخواني نظام د ډیپلوماټانو له‌خوا اداره کېږي.

Continue Reading

تازه خبرونه

د اسلامي امارت استخباراتو پر شرعي چوکاټ ټینګار وکړ

عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر له‌خوا ورته ځانګړي قوانین وضع شول.

Published

on

Last Updated on: لړم ۲۶, ۱۴۰۵

 

د اسلامي امارت د استخباراتو عمومي رییس عبدالحق وثیق او د دې ریاست مرستیال تاجمیر جواد؛ د اسلامي امارت د رهبر د فرمانونو د اغېزو په اړه په یوه علمي او څېړنیز کنفرانس کې د دې ادارې د فعالیتونو او د شرعي نظام د ارزښتونو په اړه خبرې وکړې.

عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر له‌خوا ورته ځانګړي قوانین وضع شول.

نوموړي زیاته کړې، دا اداره د ټاکل شویو قوانینو له مخې او د شریعت په چوکاټ کې فعالیت کوي، له ظالمانه شکنجو مخنیوی کوي، له جرمونو سره مبارزه کوي او د انساني کرامت ساتنه هم د خپلو ژمنو یوه برخه بولي.

دغه راز تاجمیر جواد ویلي: کله، چې امت د شرعي نظام د امامت له نعمت څخه بې‌برخې شو؛ نو خپل معنوي ځواک یې په پراخه کچه له لاسه ورکړ او پردي افکار پرې اغېزمن شول.

هغه د اسلامي فکر او ارزښتونو د پیاوړتیا او د نظام د ثبات د ساتنې پر هڅو ټینګار وکړ او څرګندوي، چې شرعي امارت او امامت الهي امر او شرعي وجیبه ده او د اسلام او هېواد پرمختګ په همدې کې نغښتی دی.

Continue Reading
Advertisement

Trending

Copyright © 2026 Ariana News. All rights reserved!