سیمه ییز خبرونه
په يو پرانستې ليك كې د سوداگرۍ وزارت ستونزو ته د جدي پاملرنې غوښتنه شوې
سوداگرۍ وزارت يو شمېر لوړ پوړيو چارواكو افغان ولسمشر حامد كرزي ته په يو ليك كې د سوداگرۍ وزارت د سون توكو په قراردادونو كې په پراخ فساد او په دغه وزارت كې د حكومتي اصولو خلاف د خپلو لسگونو خپلوانو په مقررولو تورن كړى دى.
د دغه ليك په يوه برخه كې، چې د سوداگرۍ وزارت د خصوصي برخې د ملاتړ معن متصل كومكي په مشرۍ د دغه وزارت پېنځلس لوړ پوړيو چارواكو لاسليك كړى او رسنيو ته رسيدلى دى؛ له ولسمشرڅخه غوښتل شوي، چې په دغه وزارت كې د استبداد او گډوډيو وارولو ته دې جدي پاملرنه وكړي.
په دغه ليك كې راغلي چې د سوداګرۍ وزير انوار الحق احدي له ايران سره د ۳۰۰ زره ټنو ، له قزاقستان سره د ۱۴۰ زره ټنو تېلو، له يو بل بد نام شركت سره د ۷ زره ټنو گازو او له روسيې سره د ۵ زره ټنو تېلو په قراردادونو كې ناوړه گټه پورته كړې او دا قراردادونه يې نه يوازې له بازار څخه په لوړه بيه لاسليك كړي، بلكې د وزير ځانگړيو خلكو ته وركړ شوي دي.
په دغه ليك كې ويل شوي:
له ايران څخه، چې كوم تېل افغانستان ته وارديږي د ايران د هسټوي بټيو پاتي شوني مواد دي، چې چاپېريال او انساني روغتيا ته ضرر رسوي.
په دغه ليك كې همدراز په ډاگه شوې، چې انوار الحق احدي په تېر يو كال كې شاوخوا يو سل و دېرش تنه خپلوان او د خپل گوند غړي په دغه وزارت كې غيرقانوني مقرر كړي، چې هر يو ته د مياشتې له لس زره افغانيو نيولې بيا تريو سل و پېنځه اويا زره افغانيو معاش وركول كيږي.
د سوداگرۍ وزارت معين متصل كومكي زياتوي، چې په دغه ليك كې راغلي:
كه څه هم يو شركت غوښتل په ټيټه بيه افغانستان ته تېل وارد كړي، خو د نامعلوم دليل له مخې يې وزيرغوښتنليك رد كړى د ى.
د دغو تورونو په اړه د سوداگرۍ د وزير انوار الحق احدي او وياند په گډون هيڅوك له آريانا رتديو –تلويزيون له خبريال سره خبرو ته چمتو نه شول.
هغه مكتوب، چې څه موده وړاندې سوداگرۍ وزارت ته د لويې څارنوالۍ له خوا ليږل شوى و؛ په ډاگه كوي، چې د وزير د دفتر رييس هم په جعلي اسنادو په دغه وزارت كې مقرر شوى دى.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه3 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
لوبی3 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه2 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
تازه خبرونه3 days ago
له پاکستان څخه دې د افغان کډوالو د جبري ایستلو چټکتیا راکمه شي
-
لوبی2 days ago
اټک انرژي او موج ساحل د دوشنبې د ورځې لوبې وګټلې