تازه خبرونه
په پام كې ده چې په بلخ كې په څلورو پړاوونو كې بيات بنياد پرهغو كسانو ځانګړې آلې وويشي چې په اوريدو كې ستونزې لري
بيات بنياد له كابل او هرات وروسته په بلخ كې دا چاره پيل كړې ده، په بلخ كې د سويډن كميټه او د كڼو ټولنه د بيات بنياد داكار ستايي .
د كڼو له پاره د اورېدو د ځانګړې آلې د ويش لړى له كابله پيل شوه، بيات بنياد په كابل كې په شپږ سوو كسانو دا آلې وويشلې .
د بيات بنياد روغتيايي ډله بلخ ته تللې او په پام كې ده چې په دغه ولايت كې د ۳۰۰ كسانو درملنه وكړي، او تر معاينې وروسته ورته د اوريدو ځانګړې آلې وويشي.
نجيب الله يزدان پنا په شمال كې د سويډن كميټې د معلولينو د توانمندۍ مسول وایی ( ډير د خوښى احساس كوو چې زموږ غږ تر بيات صاحب پورې ورسيد ، موږ د بيات بنياد د رييس ښاغلي احسان الله بيات ددې اقدام ستاينه كوو، د كڼو له پاره د دغه آلو ويش په كابل كې پيل شو ، په دې خوشهاله يو چې دغه پروګرام په بلخ كې هم كار پيل كړ.)
په همدې وخت كې ډاكټران وايي دا پروګرام په څلورو پړاوونو كې عملي كيږي، چې په وروستي پړاو كې به د اورېدو ځانګړې آلې ورته ولګول شي .
تازه خبرونه
د افغانستان په اړه د دوحې د درېیمې غونډې نېټه وټاکل شوه
ملګرو ملتونو په ډاګه کړی، چې د افغانستان په اړه به د دوحې درېیمه غونډه ( د چنګاښ میاشتې پر لسمه او یوولسمه / د جون پر دېرشمه او د جولای پر لومړۍ ) جوړه شي.
دغه نړیوال بنسټ د سې شنبې پر ورځ (د غبرګولي لومړۍ ) د اسلامي امارت له چارواکو او یو شمېر افغان څېرو سره د ملګرو ملتونو د عمومي منشي د وروستۍ ناستې په اړه د معلوماتو د وړاندې کولو ترڅنګ په یوه خبرپاڼه کې لیکلي، چې د دوحې په راتلونکې غونډه کې به د مدني ټولنې فعالان هم شتون ولري.
په دې اعلامیه کې د افغان څېرو د څرګندونو له مخې راغلي، چې له اسلامي امارت سره د نړیوال تعامل په هره تګلاره کې باید بشري، پرمختیایي او اقتصادي ننګونې په پام کې ونیول شي.
د دې خبرپاڼې له مخې؛ ځینو افغان څېرو د دې ټولنې د عمومي منشي انټونیو ګوترش له مرستیالې روزمري ډیکارلو سره په لیدنه کې نشهیي توکو او «ترهګرو ډلو» له امله د رامنځته شویو خطرونو او ګواښونو یادونه کړې ده.
ملګرو ملتونو ویلي، چې د دوحې د درېیمې ناستې هدف له اسلامي امارت سره په ” بنسټیز او منظم” ډول د نړیوالو اړیکو زیاتول دي.
د ملګرو ملتونو د عمومي منشي مرستیال د ثور له ۲۹ مې د غبرګولي تر لومړۍ پورې له افغان څېرو سره په کتنه کې له اسلامي امارت وغوښتل، چې د افغانستان په اړه د دوحې په درېیمه ناسته کې ګډون وکړي.
دوه ورځې وړاندې ديکارلو د ریاست الوزراء له سياسي مرستيال مولوي عبدالکبير سره په لیدنه کې ويلي، چې د دوحې په غونډه کې د ګډون لپاره د اسلامي امارت شرايط ستونزمن ندي.
مولوي عبدالکبیر له نوموړې سره په ناسته کې د ګډون شرط د اسلامي امارت د دریځ منل یادکړي دي.
دا په داسې حال کې ده، چې د اسلامي امارت استازو د ملګرو ملتونو په دوهیمه ناسته کې، چې د سلواغې پر نههویشتمه او دېرشمه تر سره شوې؛ د غوښتنو د نه منلو له کبله ګډون ونکړ؛ ځکه، چې د ملګرو ملتونو له عمومي منشي سره ناسته د مدني ټولنې د استازو له ګډون پرته د اسلامي امارت یوه مهمه غوښتنه وه.
تازه خبرونه
آریانا او آریانا نیوز ټلویزیوني شبکې د آسیاویژن میاشتنۍ جایزه وګټله
د آریانا او آریانا نیوز ټلویزیوني شبکې کارمندانو د دوشنبې پر ورځ (د غویی دېرشمه) د زلزلې خبرونو د بېړني پوښښ له کبله د آسیا او اوقیانوسیه هېوادونو خپرونو ټولنې د ۲۰۲۳ کال د اکتوبر میاشتنۍ غوره جایزه ترلاسه کړه.
د آسیا او اوقیانوسیه هېوادونو خپرونو ټولنې د څرګندونو له مخې؛ آریانا او آریانا نیوز ټلویزیوني شبکې دا میاشتنۍ غوره جایزه پخپل وخت د زلزلې د خبري پوښښ له کبله وګټله، چې د هرات ولایت ۱۳ کلي یې اغېزمن کړل.
دې ټولنې ویلي: آریانا او آریانا نیوز شبکې د دې ټولنې غړیو ته د پېښې د جزئیاتو په اړه کره او سم انځور چمتو کړی دی.
دغه میاشتنۍ جایزه د میاشتې غوره خبرونو ته ورکول کیږي، چې موخه ترې په ۳۹ هېوادونو کې د ۵۲ غړو بنسټونو ترمنځ د غوره خبریالۍ دودول، د رسنیو ګډون او نړیوالې همکارۍ ته وده ورکول دي.
د آریانا او آریانا نیوز ټلویزیوني شبکې لپاره دا جایزه خلکو ته د رسنیو د زیار ګالنې او سرښندنې درناوي دی.
د آریانا نیوز او آریانا ټلویزیوني شبکي رهبرۍ ويلي، چې دوی په سختو شرایطو کې دغه جایزه وګټله او اوس هم کره، بې پرې او پر وخت معلوماتو وړاندې کولو ته ژمن دي.
د آریانا نیوز یو شمېر کارکوونکي هم د دې غوره جایزې له ګټلو خوښ دي او څرګندوي؛ خبر رسول مو دنده ده او ویاړو، چې دا جایزه یې په افغانستان کې د رامنځته شویو پېښو د پوښښ له کبله ګټلې ده.
ویل کیږي، چې د آسیا او اوقیانوسیه خپرونو ټولنې دا غوره جایزه هر کال د دې ټولنې ۵۲ غړیو هېوادونو رسنیو ته د دوی د رسنیز کار او وړتیاوو له کبله ورکول کیږي.
تازه خبرونه
د تېرو لس ورځو په سېلابونو کې ۵۶۰ کسانو ته مرګ او ژوبله اوښتې
د طبیعي پېښو پر وړاندې د مبارزې وزارت څرګنده کړې، چې د تېرو ۱۰ ورځو په سېلابونو کې ۲۹۴ کسان مړه او ۲۶۶ نور ټپیان شوي دي.
په تېرو ۱۰ ورځو کې د هېواد ۱۴ ولایتونه د مرګونو او ویجاړوونکیو سېلابونو شاهدان ول. دغو سېلابونو په ځانګړي توګه بغلان، تخار، غور، بادغیس، بدخشان، سیمنګان او فاریاب ولایتونه له ځاني او مالي زیانونو سره مخ کړل.
پېښو ته د رسیدو په چارو کې د دولت وزارت ویاند ويلي، چې د دغو سېلابونو د اغېز له کبله ۲۹۴ کسان مړه او ۲۶۶ نور ټپیان شوي دي. دغه راز ۱۴ زره ۹۲۳ کورونه بشپړ او یا څه نا څه ویجاړ شوي او ۶۰۰۰ څاروي له منځه تللي دي.
پېښو ته د رسیدو په چارو کې د دولت وزارت ویاند جانان سایق ویلي؛ سېلابونو د هېواد په ۱۴ ولایتونو کې سخت مالي زیانونه اړولي دي. همدارنګه له ۱۷ زره ډېرو کورنیو سره مرسته شوې او پاتې کورنیو ته د مرستو رسولو لړۍ روانه ده.
ویل کیږي، چې د دغې ادارې لهخوا په ورکړ شویو مرستو کې خوراکي توکي، جامې او خیمې شته، چې له سېلاب ځپلیو سره به له مرستو وروسته د سرپناه په برخه کې هم مرسته وشي.
-
لوبی4 days ago
راشد خان د افغان بیسیم مخابراتي شرکت رسمي سوداګریز سفیر شو
-
تازه خبرونه3 days ago
په افغانستان کې د وروستیو سیلابونو له کبله ۵۴۰ کسان مړه شوي – م.م
-
نړۍ3 days ago
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
-
سیمه ییز خبرونه2 days ago
د ایران ولسمشر ابراهیم رییسي د چورلکې د راغورځېدو په پېښه کې مړ شو
-
روغتيا3 days ago
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ
-
تازه خبرونه2 days ago
سر له سبا د ترکيي هوايي شرکت افغانستان ته رسمي الوتنې پیلوي
-
تازه خبرونه3 days ago
له سوالګرۍ څخه د مخنیوي قانون په رسمي جریده کې خپور شو
-
سیمه ییز خبرونه2 days ago
د ایران د ولسمشر ابراهیم رییسي راغورځېدلې چورلکه وموندل شوه – د ایران سره صلیب اداره