روغتيا
په پنجشیر کې د انتراکس ناروغۍ خپرېدا خلک زیانمن کړل
د پنجشیر د رخه ولسوالۍ سیمه ییزو چارواکو په دې وروستیو کې د دې ولسوالۍ په مالدارانو کې د انتراکس ناروغۍ له خپرېدو خبر ورکړی دی.
د پنجشېر د راغستان ولسوال مولوي سيد سميع الله صاحبزاده وايي، چې په دې وروستيو کې د دې ولسوالۍ په شاسات کلي کې د انتراکس يا انتراکس ناروغي خپره شوې ده.
هغه زياته کړې، د دې ناروغۍ د مخنيوي او څارنې لپاره د پنجشېر د کرنې، اوبولګولو او مالدارۍ رياست يو پلاوى نن د دې ناروغۍ د څېړنې ته راغلى او پهدې ناروغۍ اخته څاروي يې له نږدې وڅېړل.
د رخه ولسوال وايي، دغه ډله، چې په کې داکتران هم شته؛ لومړی يې پهدې ناروغۍ اخته څاروي قرنطين کړل او هغه څاروي يې واکسين شول، چې دغه ناروغي نهلري.
د يادونې ده، چې انتراکس د انسانانو لپاره يوه له نادرو خو خطرناکو ناروغيو څخه ده، چې پهدې ناروغۍ په ټولهییزه توګه څاروي او وحشي حيوانات اخته کېږي.
روغتيا
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ
د قطر د سرې میاشتې ټولنې له افغاني سرې میاشتې ټولنې سره پر زړه د سوریو ۱۶۹ ماشومانو د درملنې یو هوکړهلیک لاسلیک کړ.
دغه هوکړهلیک د شنبې پر ورځ ( د غویی نههویشتمه ) د قطر د سرې میاشتې ټولنې د نړیوالې پراختیا او مرستو څانګې مشر محمد صالح ابراهیمي او د افغاني سرې میاشتې ټولنې مشر مطیع الحق خالص ترمنځ لاسلیک شو.
د دې هوکړهلیک د لاسلیک په مراسمو کې مطیع الحق خالص د قطر د سرې میاشتې ټولنې له پرلهپسې مرستو هرکلي او مننه وکړه.
د افغاني سرې مياشتې ټولنې په تېرو دوه کلونو کې درې زره او ٩٤ ماشومان، چې د زړه پر سوري ناروغۍ اخته ول د درملنې لپاره کورنیو روغتونونو ته ورپېژندلي دي.
ویل کیږي، چې پدې ناروغۍ اخته زرګونه نور ماشومان درملنې ته پر تمه دي.
روغتيا
د عامې روغتیا وزارت نن په ټول هېواد کې د ګوزڼ واکسین کمپاین پیل کړ
عامې روغتیا وزارت له خلکو غوښتي، چې د ګوزڼ پر وړاندې خپل ماشومان واکسین کړی او په دې توګه له ګوزڼ څخه د خوندي افغانستان په جوړولو کې مرسته وکړي.
دا کمپاین به د غویی تر دیارلسمې / د می تر دوهیمې نېټې روان وي.
عامي روغتیا وزارت په پام کې لري، چې په دې پړاو کې له ۱۰ اعشاریه ۷ میلیون ډېرو ماشومانو ته، چې عمرونه یې له ۵ کلونو لږ وي؛ لاسرسي ومومي.
پولیو يا ګوزڼ يوه سارې نااعلاج ناروغي ده، چې په ماشومان کې د دايمي فلج سبب ګرځي؛ خو د روغتیا د برخې پوهان وايي، چې د دغې ناروغي مخنیوی یوازې پر واکسین کولو شونی دی.
د یادونې ده، چې تېر کال په ننګرهار کې د ۶ مثبتو پېښو په اړه راپور ورکړ شوی و.
روغتيا
قلندرعباد له آذربایجان څخه د کارکوونکیو د وړتیا لوړولو په اړه د مرستې غوښتنه وکړه
د عامې روغتیا وزارت چارسمبالي د هېواد د روغتیايي سکتور د کارکوونکیو د وړتیا لوړولو په برخه کې له آذربایجان څخه د مرستې غوښتنه وکړه.
قلندر عباد دغه غوښتنه په کابل کې د آذربایجان له سفیر الهام محمدوف سره په کتنه کې وکړه.
په دې کتنه کې دواړو لوریو د روغتیا په برخه کې د همکارۍ، د افغان روغتیايي کارکوونکیو د وړتیا لوړولو او نورو اړوند مسایلو په اړه خبرې وکړې.
دغه راز د آذربایجان سفیر په دې کتنه کې ویلي، چې هېواد یې هڅه کوي له افغانستان سره د روغتیا په برخه کې خپله مرسته او همکاري روانه وساتي.
د يو بل خبر له مخې؛ د اندراګاندي د ماشومانو په روغتون کې د اکسيجن د توليد د څانګې د ودانۍ د بنسټ ډبره کېښودل شوه.
د عامې روغتیا وزارت چارواکي وايي، دغه څانګه به د روغتیا نړیوالې ټولنې پر مالي او تخنیکي همکارۍ جوړه شي او په یوه ورځ کې د ۲۰۰ اکسیجن بالونونو د ډکولو پر وړتیا سربېره به دغه روغتون ته د اکسيجن د رسولو تر څنګ د روغتیا وزارت نورو روغتونونو ته هم اړین اکسیجن چمتو کړي.
-
سوداگري4 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
تازه خبرونه4 days ago
د تورخم لار لنډمهاله تړل کیږي
-
تازه خبرونه4 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
لوبی2 days ago
راشد خان د افغان بیسیم مخابراتي شرکت رسمي سوداګریز سفیر شو
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تحول5 days ago
تحول: له سیاسي مرستیال سره د جاپان سفارت د چارسمالي لیدنه
-
لوبی4 days ago
سرخ پوشان خوافي او سرسبز یاشلر لوبډلې د پرونیو سیالیو ګټونکې شوې
-
تازه خبرونه5 days ago
د سولې په چارو کې د ملګرو ملتونو د عمومي منشي مرستیال کابل ته راغلی