تازه خبرونه
په کابل ښار کې د برښنا ظرفیت لوړيږي- برښنا شرکت
برښنا شرکت وايي، په روان ژمي کې به د برښنا د پرچاوۍ او دایمي کمښت د مخنیوي لپاره د برښنا ظرفیت لوړ کړي.
د کابل یو شمېر اوسېدونکيو ويلي، د برښنا پرچاوي له ژمي مخکې پیل شوې او د وېش سیستم یې هم منظم ندی.
دوی اندېښنه لري، چې که په ژمي کې د کابل برښنا همداسې ستونزې ولري؛ دوی به له جدي ستونزو سره مخ شي.
د کابل اوسیدونکی علی وایي: مونږ د لرګیو اخیستلو لپاره راغلي یوو؛ ځکه، چې ژمی راروان دی او د برښنا د نشتوالي له کبله اړ یوو، چې لرګي وکاروو.
ډېری کابل میشتي پدې تمه دي، چې له برښنا پرته ژمی په رارسېدو دی او دوی سر له اوسه د خپلو کوټو د تودولو لپاره د لرګیو او سکارو په اخیستلو کې د بیو د لوړېدو له رامنځته شویو ستونزو سره شوي دي.
یو بل کابل ښاري شعیب نومی وایي: له یوې خوا د آسانتیاوو نشتوالی او د نرخونو اقتصادي ستونزې له بلې خوا له څو کلونو راپدیخوا د لرګیو بیې لوړې شوې دي.
د پلازمېنې اوسېدونکي وايي، سره له دې، چې د کابل برښنا ډېرې پرچاوۍ لري؛ خو د برښنا بېلونه بیا ډېر لوړ وي او دوی نشي کولی لګښت یې پرې کړي.
د کابل اوسیدونکی صفی الله ویلي: زمونږ د برښنا بېل د تېرې میاشتې په پرتله شل فیصده زیات شوی دی او خرڅلاو په هغه کچه ندی، چې زه باید دا پیسې ورکړم.
د کابل اوسیدونکی حسیب الله وایي: زمونږ ټول کارونه له برښنا سره تړلي دي او که دا نه وي؛ زمونږ هیڅ کار به مخ ته نه ځي او د برښنا بل هم ډېر راځي.
په ورته وخت کې د برښنا شرکت په راتلونکي ژمي کې د برښنا د پرچاوۍ د مخنیوي لپاره چمتووالی نیولی دی.
د دې ادارې مسوولین وايي، چې د کابل د برښنا ظرفیت به لوړ شي.
د برښنا شرکت مسوولین له خلکو غواړي، چې د برښنا لګښت ته جدي پاملرنه او د سپما لپاره یې هڅې وکړي.
د افغانستان برښنا شرکت ویاند حکمت الله میوندي وایي: د دې لپاره، چې د برښنا د دایمي بندیدو مخه ونیول شي؛ هېوادوال باید لږ برښنا مصرف کړي او مونږ به په پلازمېنه کې د برېښنا ظرفیت لوړ کړو.
د برښنا پرچاوۍ له هغو اندیښنو څخه یوه ده، چې د هېواد وګړي یې تل یادوي او افغانستان هم له هغو هېوادونو څخه شمېرل کېږي، چې ۸۰ سلنه برښنا یې وارداتي ده. په وروستیو کې دولتي چارواکو هم ویلي وه، چې د برښنا د پور لویه برخه یې تاجکستان او ازبکستان ته ورکړې ده.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ