لوبی
په کابل کې د افغانستان باولینګ ملي لوبډلې ته د غوراوي سیالۍ پیل شوې
د افغانستان د المپیک ملي کمیټې په ملاتړ نن په کابل کې باولینګ ملي لوبډلې ته د غوراوي سیالۍ پیل شوې
د المپیک ملي کمیټې نن (دوشنبه) ویلي، چې د المپیک ملي کمیټې په ملاتړ د هېواد د مرکزي، شمالي او لویدیځ زونونو د ۱۲ ښځو او ۱۲ نرینه وو لوبغاړیو په ګډون د باولینګ ملي لوبډلې د غوراوي لپاره درې ورځنۍ سیالۍ تر سره شوې.
د باولینګ فډراسیون په ۱۳۹۷ لمریز کال کې د ملي المپیک کمیټې په چوکاټ کې رامنځته شو او یوه میاشت وروسته یې د نړیوال او آسیایي فدراسیون غړیتوب ترلاسه کړ.
د باولینګ فدراسیون له رامنځته کېدو راپدیخوا په ټول هېواد کې يې ګڼشمیر سیالۍ ترسره کړي دي.
د باولینګ فدراسیون چارواکو څرګنده کړې؛ ځوانان دې لوبې ته ډېر لیواله دي او دوی په پام کې لري، چې په هېواد کې دې لوبې ته وده ورکړي.
دا مهال له ۱۰۰ ډېر لوبغاړي د هېواد په بېلابېلو سیمو کې مسلکي باولینګ کوي او هرکال د ملي لوبډلې د لوبغاړیو غوره کولو لپاره سیالي ترسره کیږي.