تازه خبرونه
په کابل کې د امریکا سفارت پر نا اړینو خواړو ۸ میلیون دالر لګولي
د امریکا بهرنیو چارو وزارت موندنې ښيي، چې تېر کال په کابل کې د امریکا سفارت اته اعشاریه څلور میلیون دالر د نااړینو خواړو پر برابرولو لګولي دي.
د یاد وزارت د عمومي پلټنې دفتر په یوه ځانګړې څارنه کې وموندله، چې: د ۲۰۱۹ کال لپاره اټکل شوي خواړه له اړتیا ډېر ول، چې چمتو شوي ندي؛ خو ۸ اعشاریه ۴ میلیون دالر ورکړ شوي دي.
د دې ادارې د راپور له مخې؛ د امریکا د دین کارپ انترنشنل شرکت ناسمه څارنه، چې په کابل کې یې د امریکا سفارت ته د خوراکي توکو، امنیت او نورو خدماتو قراردادونه اخیستي، بهرنیو چارو وزارت یې له اړتیا پرته میلینونه دالر زیانمن کړی دی.
عمومي پلټونکي او مفتش زیاته کړې؛ د نیمګړي ثبت له کبله امریکا نشي کولی، چې د خواړو لپاره ورکړ شوي اته اعشاریه څلور میلیون ډار ومومي او دا ډاډ هم تر لاسه کیدی نشي، چې یاد شرکت د تړون شرایطو ته غاړه ایښې او که نه!
د بهرنیو چارو وزارت له ۲۰۱۵ کال راپدیخوا شاوخوا ۳۵۳ میلیون دالر یاد شرکت ته د خواړو، امنیت، طبي او نور خدمتونو د تر سره کولو لپاره ورکړي دي. شرکت د تړون له مخې په ورځ کې درې ځله خواړه، په اوونۍ کې اووه ورځې، د سفارت او قونسلګرۍ کارمندانو لپاره د ۲۱ دالرو پر بیه چمتو کوي.
دغه شرکت هر کال نږدې ۲.۹ میلیون دالر د خوراکي توکو د چمتو کولو لپاره ترلاسه کوي؛ خو په تېرو څو کلونو کې د سفارت کارمندانو له کمیدو سره د خواړو اړتیا هم را ټیټه شوې ده.
د دغه راپور د څرګندونو له مخې؛ تېر کال یو قراردادي افسر د ۲۰۱۶ کال د کارمندانو د شمېر پر بنسټ خواړه برابر کړي دي.
راپور په ډاګه کړې، چې بهرنیو چارو وزارت سفارت او یا د امریکا په نورو تاسیساتو کې د کارکوونکیو شمېر کمولو ته پام ندی کړی.
په پای کې د بهرنیو چارو وزارت په نوامبر میاشت کې خواړو ته اړتیا راټیټه کړه او د خواړو لګښتونه هم ۲۹ سلنه کم شول.
د راپور له مخې؛ که دا بدلون پخپل وخت تر سره شوړی وای، بهرنیو چارو وزارت به د ۸.۴ میلیون دالرو سپما کړې وه.
دغه پلټنه او څارنه دا هم ښیي، چې د بهرنیو چارو وزارت افسران او د قرارداد استازي نشي کولی پلټونکیو ته ووایي، چې څنګه دوی د خواړو معیارونه څاري. په داسې حال کې، چې دوی ویلي؛ د څارنې میاشتنی لړلیک د کمپیوټر د تازه کولو په جریان کې ورک او له منځه تلی دی.
DynCorpویل کیږي، چې د خواړو یاد شرکت هم بریالی شوی ندی، چې روغتیایي پلټنې، کیفیت څارنې او د توکو لاسته راوړلو لپاره اړین ثبوت لپاره ان د ۲۷ سلنه اسنادو په چمتو کولو کې پاتې راغلی.
تازه خبرونه
په روزګان کې د ماین پاکۍ موسسې یو کارکوونکی د ماین چاودنې له کبله ووژل شو
د روزګان پولیسو ويلي، په دې ولایت کې د ماین پاکۍ موسسې یو کارکوونکی د ماین چاودنې له کبله وژل شوی دی.
د دې ولايت امنيه قومندانۍ وياند حضرت بلال روزګاني زیاته کړې، چې دا پېښه د سې شنبې پر ورځ سهار شاوخوا لس بجې د دې ولايت د مرکز ترينکوټ ښار د خرما په اړوند سيمه کې رامنځته شوې ده.
د روزګاني د څرګندونو له مخې، دا پېښه د ماین پاکۍ د عملیاتو پر مهال رامنځته شوې ده.
ویل کیږي، چې په دې پېښه کې يو بل کس ټپي شوى دى.
تازه خبرونه
د یوناما استازې د ایران له بهرنیو چارو وزیر سره وکتل
د ایران بهرنیو چارو وزیر حسین امیرعبداللهیان د یوناما له مشرې سره په لیدنه کې د افغانستان ستونزې “پېچلې” وارزولې او د ” بېلابېلو او څو اړخیزو حل لارو” په اړه یې ټینګار څرګند کړ.
د ایران بهرنیو چارو وزارت په یوه خبرپاڼه کې، چې پرون (دوشنبه د غویی څلیریشتمه) خپره شوې؛ لیکلي، چې په افغانستان کې د ملګرو ملتونو د عمومي منشي استازې ميرمن روزا اوتنبایوا له ډاکټر امیر عبداللهیان سره کتلي او خبرې کړې دي.
په دې خبرپاڼه کې د ایران بهرنیو چارو د وزیر د څرګندونو له مخې لیکل شوي، چې: د افغانستان په کورنیو چارو کې د امریکا د هدفي لاسوهنو غځېدا به د دغه هېواد حالات نور هم پېچلي کړي.
نوموړي ویلي: د افغانستان ستونزې پېچلې دي؛ نو اړينه ده، چې پر څو اړخيزو حل لارو غور وشي.
دا غونډه د دوحې د درېیمې ناستې په څنډه کې جوړه شوې، چې د دوحې له لومړۍ او دوهیمې ناستې وروسته به د افغانستان پر وضعیت د ملګرو ملتونو پر کوربتوب جوړه شي.
د ایران بهرنیو چارو وزارت په خبرپاڼه کې راغلي، چې په دې کتنه کې رورا اتونبایوا د امیر حسین عبداللهیان سره د دوحې د درېیمې غونډې په اړه سلامشورې او د نظر تبادله وکړه.
میېرمن اتونبایوا د ایران د حکومت او خلکو له میلمه پالنې او د هغوی د وضعیت د ښه کېدو لپاره له ترسره شویو هڅو د مننې ترڅنګ په افغانستان کې د بشري ناورین په اړه د نړیوالې ټولنې پر بېتفاوتۍ نیوکه وکړه.
په افغانستان کې د ملګرو ملتو استازې په افغانستان کې د حالاتو پېچلتیا او د پرمختګونو بهیر تائید کړ او د دغه هېواد د پرمختګ او ثبات لپاره د سیمهییزو فعالانو د بېلابېلو دریځونو پر همغږي کولو یې ټینګار وکړ.
اتونبایوا د ایران د سیمهییزو نوښتونو د اهمیت پر ارزولو د ګاونډیانو د غونډې په چوکاټ کې د ایران د سیاسی هڅو هرکلی وکړ.
دغه راز د افغانستان په چارو کې د ایران سفیر او د ولسمشر ځانګړي استازي حسن کاظمي قُمي له میرمن اوتنبایوا سره په جلا کتنه کې د افغانستان او سیمې واقعیتونو ته د ملګرو ملتونو د ځانګړې استازې د پاملرنې غوښتنه کړې ده.
د دوحې د درېیمې غونډې د نېټې او د هغې د اجنډا په اړه څه ول شوي ندي؛ خو د ملګرو ملتونو لهخوا د افغانستان لپاره د ځانګړي استازي ټاکل، چې د افغانستان د ستونزې د حل لپاره د دې ټولنې پرېکړه ده، اړینه برخه وي. په داسې حال کې، چې د اسلامي امارت بهرنیو چارو وزارت چارسمبالی امیرخان متقي د افغانستان لپاره د یوناما تر څنګ د بل استازي ټاکل د وخت اړتیا نه بولي.
تازه خبرونه
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
ملګرو ملتونو د دې ټولنې په عمومي ناسته کې د افغانستان او پېنځه نورو هېوادونو د رايې ورکولو حق لنډمهالی ځنډولی دی.
دې ټولنې په اوبپاڼه کې لیکلي، چې افغانستان دې ټولنې ته د کلني غړیتوب حقالعضویت له پامه غورځولی دی.
دا خبر په ملګرو ملتونو کې د افغانستان دایمي استازولۍ هم تائید کړی دی.
دې ټولنې دا هم ویلي، چې د دې ټولنې د منشور د ۱۹ مادې له مخې: هر هغه غړي هېواد، چې د دوه کلونو یا له دې د ډېر وخت لپاره د غړیتوب حقالعضویت سپارلی نهوي؛ د دې ټولنې په عمومي ناسته کې د رایې ورکولو له حق څخه بې برخې پاتې کیږي.
د ملګرو ملتونو د څرګندونو له مخې؛ افغانستان د ۲۰۲۲ او ۲۰۲۳ کلونو لپاره د غړیتوب حقالعویت ندی ورکړې له همدې کبله د دې ټولنې پوروړی دی.
د ملګرو ملتونو د غړیتوب کلنی حق العضویت دوه میلیون ډالره دی.
د راپورونو له مخې؛ له دې مخکې په ملګرو ملتونو کې د غړیتوب کلنی حقالعضویت د افغانستان بهرنیو چارو وزارت پرې کاوه.
د ملګرو ملتونو په اوبپاڼه کې د ورکړ شویو معلوماتو له مخې؛ افغانستان، اکواډور، کومورس، وینزویلا، سومالیا او ساو تومه هغه هېوادونه دي، چې له دوه کلونو پر تېرېدو یې هم د غړیتوب حقالعضویت ندی ورکړی.
دا په داسې حال کې ده، چې ملګرو ملتونو ټولنې په تېرو دوه کلونو کې د افغانستان د دایمي استازي په توګه د افغانستان د لنډمهالي حکومت یا اسلامي امارت د نومول شوي استازي سهیل شاهین له منلو ډډه کړې ده.
-
تازه خبرونه3 days ago
الله ګل مجاهد د قتل پر تور ونیول شو
-
تازه خبرونه2 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري3 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه17 hours ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
د حج او اوقافو وزارت چارسمبالي د ترکیې له ولسمشر سره وکتل
-
لوبی14 hours ago
د کابل کرکټ غوره لیګ لوبغاړو د داوطلبۍ مراسم ترسره شول