تازه خبرونه
په کابل کې د بریتانیا سفیر د نړیوالو مرستو له ضایع کیدو اندېښمن شو
په کابل کې د بریتانیا سفیراندېښمن شوی، چې له افغانستان سره د نړیوالو مرستو یوه برخه د اداري فساد له کبله ضایع کیږي.
په کابل کې د بریتانیا سفیر دومنیک جرمي پر افغان چارواکو غږ وکړ، چې له اداري فساد سره د مبارزې لپاره جدي کار وکړي او په فساد کې ښکېل لوړ پوړي چارواکي عدالت ته وسپاري.
د نوموړي په وینا؛ له اداري فساد سره مبارزه ډېره مهمه ده؛ ځکه د فساد له کبله هغه څه ضایع کیږي، چې باید افغانانو ته ورسیږي.
نوموړي زیاته کړې؛ هیله مو دا ده، چې افغان دولت د نړۍ مرستې په ګټوره توګه ولګوي. که تاسې وغواړئ، چې لوی فساد ګر محاکمه کړئ؛ نو مونږ مو ملاتړ کوو.
په افغانستان کې د ناتو د غوڅ ملاتړ ماموریت قومنداني بیا فکر کوي، چې له وسلوالو طالبانو او حقاني شبکې وروسته، اداري فساد د افغانانو ستر غلیم دی.
د غوڅ ملاتړ ماموریت د قومندانۍ استازی رابرت کیسر وایي، مونږ تل د وسلوالو طالبانو او حقاني شبکې یادونه کوو؛ خو اداري فساد، چې د افغانانو دښمن دی، هیر شوی دی. اداري فساد حکومت له دننه ویجاړوي، سرتېري او پوځیان پوستې پریږدي او له ښمن سره مبارزه نه کوي.
د نوموړي د څرګندونو له مخې؛ اداري فساد د عوایدو کچه هم راټيټوي.
د کورنیو چارو وزارت هم تائیدوي، چې اداري فساد د جګړو له دوامداره کیدو سره مرسته کړې ده. د کورنیو چارو وزارت له جنايي جرمونو سره د مبارزې رییس عبدالغفار سید زاده وايي؛ په فساد کې ښکېل کسان له پریمانه دولتي سرچینو او فرصتونو برخمن دي، چې باید مخنیوی یې وشي.
د هغه په وینا؛ که وغواړو پر فساد خپروونکیو بریالي شو؛ نو د روان جنګ ګټونکي به هم وو.
اداري فساد د افغانستان ستره ستونزه ده، چې د دولتي بنسټونو، مدني ټولنو او نړیوالو همکارانو له مرستې پرته ناشونې ده، چې اداري فساد رالږ کړو.
ملګرو ملتونوهم د اداري فساد په وړاندې مبارزه ځنډنۍ ګڼلې؛ خو ویلي یې دي، چې له افغانستان څخه به ملاتړکوو.
که څه هم افغان حکومت له اداري فساد سره د مبارزې ځانګړي عدلي او قضايي مرکز جوړ کړی؛ خو بیا هم نړیواله ټولنه د نړیوالو مرستو د ضایع کیدو له کبله اندېښنه ښیي.
خبریال: فواد ناصري
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
-
لوبی5 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
تازه خبرونه5 days ago
د یوناما استازې د ایران له بهرنیو چارو وزیر سره وکتل
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه5 days ago
په روزګان کې د ماین پاکۍ موسسې یو کارکوونکی د ماین چاودنې له کبله ووژل شو
-
تازه خبرونه3 days ago
د تورخم لار لنډمهاله تړل کیږي