تازه خبرونه
څه باندې شپږ سوه پنځوس کڼو ته د اورېدو دستګاوې وویشل شوې
بیات بنیاد د ستارکي بنیاد په همکاري سره د لومړي ځل لپاره په افغانستان کې څه باندې شپږ سوه پنځوس کڼو ته د اورېدو دستګاوې وویشلې.
د بیات بنیاد رئیس انجینراحسان الله بیات وایي، دا دستګاوې د هغو کسانو د اورېدو حس ژوندی کوي چې کلونه کلونه ترې بې برخې وو. ښاغلی بیات ټینګار کوي چې د افغانستان د پرمختیا او د نمیګړتیاو د لرې کولو لپاره به هوډمن پاتې شي.
ښاغلی بیات زیاتوي؛ بنیاد بیات خوښ دی چې د ستارکي له بیناد سره په دې لومړني اقدام کې ملګری دی. دا بنیاد به د هېواد په بیلابیلو برخو کې د نیمګړتیاو د لرې کولو او ظرفیت جوړولو لپاره خپلو مرستو ته دوام ورکړي.
انجینر احسان الله بیات همدا راز ټینګار کوي چې له دې کڼو به هغه افراد سر اوچت کړي چې د هېواد او نړۍ برخلیک به وټاکي.
استارکي امریکایي بنسټ دی چې تر اوسه یې په څه باندې سلو هېوادونو کې له کڼو سره مرستې کړي دي. کوم بنسټ چې مسوولین یې ټینګار کوي چې د انسانانو د اورېدو د احساس را ژوندي کول، د دوي اصلي مقصد دی.
بیل آستین د استارکي د بنیاد لوی رئیس , وايي؛ د اورېدو قوه د زدکړو او ښونې لپاره بنسټیز ارزښت لري، او په وینا یې دوی هڅه کوي هغه انسانان چې له دې نعمت بې برخې دي، لکه نور کسان وکړای شي واوري او له دې نعمت څخه په ګټې اخیستو په خپل ژوند کې روښنایي راولي.
بلخوا د کار او ټولنیزو چارو وزارت سرپرسته آمنه افضلي د کار او ټولنیزو چارو وزارت د ټولنیز خوندیتوب په برخه کې په دولت له دې امله نیوکه کوي چې لږه بودجه یې ځانګړې کړې ده. دوي په دې برخه کې د بیات بنیاد مرستې او همکاري ستایي.
نجیب یو له دې کڼو څخه دی؛ هغه په اشارې سره وایي، د اورېدو د دستګاو له لګولو وروسته یې ځینې هغه کلمات اوریدلي چې په ماشومتوب کې یې اوریدلي وو. هغه لکه نورو سلګونو کڼو کولای شي د طبیعت له غږ خوند واخلي او د خپل مور او نورو خپلوانو غږ واوري.
ډاکټر محمد مستور د غوږ یو تن متخصص داکټر وایي، دا دستګاه کولای شي د کڼو د خبرو کولو وړتیا په تمرین کولو سره پیدا کړي.
بیات بنیاد په وروستیو کلونو کې په بیلابیلو برخو کې مرستې کړي دي.
تازه خبرونه
کابل ته د ترکیې د هوايي شرکت الوتنې بیا پیل شوې
د ټرانسپورت او هوایي چلند وزارت د څرګندونو له مخې؛ له څه باندې درې کلن ځنډ وروسته نن سهار سې شنبه د غبرګولي لومړۍ د ترکیش هوايي شرکت الوتکه کابل ته راورسېده.
په هغو مراسمو کې، چې د ټرانسپورټ او هوايي چلند وزارت مالي او ادراي مرستیال حافظ صدیقالله عابد، د هوايي ډګرونو لوی رییس الحاج عبدالستار غروال، د ترکیې سفیر جنک اونال او د وزارت یو شمېر نورو مسوولینو ګډون درلود ویل شوي، چې د کابل او استانبول ترمنځ به هره اوونۍ څلور الوتنې ترسره کیږي.
د خصوصي سکتور ځیني غړي افغانستان ته د لویو هوايي شرکتونو پر راتلو خوښي ښیي او څرګندوي؛ د ترکیې، عربي اماراتو، دبۍ او هندوستان په ګډون هېوادونه دې افغانانو ته د ویزې د ورکړي په برخو کې اسانیتاوې برابرې کړي، چې د خلکو ستونزې اوارې شي.
د سوداګرۍ او پانګونې خونې غړي خان جان الکوزی ویلي: مونږ خوښ یوو، چې په هېواد کې مو د نړۍ معتبرهوايي شرکتونه پروازونه کوي؛ خو هغه هېوادونه، چې افغانستان ته الوتنې کوي افغانانو ته باید ویزې ورکړي، چې د خلکو ستونزې اوارې شي.
دوی وایي؛ که د نړیوالو هوايي شرکتونو لهخوا افغان صادارتو لپاره د کارګو خدمتونه پراخ شي؛ د هېواد وچه او تازه میوه به د نړۍ مارکیټونو ته په منظم ډول او پرټاکلې وخت ورسیږي.
ویل کیږي، چې د یاد هوايي شرکت د الوتنو له پیلېدا سره به ترکیې هېواد ته د افغان مسافرو لپاره د سفر پر اسانتياوو سربېره د دواړو هېوادونو ترمنځ هوايي ټرانسپورټ او سوداګریزې اړیکې هم پراختیا ومومي.
تازه خبرونه
په کابل ښار کې د کمانډو ځواکونو مرکز پرانیستل شو
د کابل په ګارنیزون کې د لومړي ځل لپاره تېره ورځ د ملي اسلامي اردو د ځانګړیو ځواکونو (کمانډو) د لومړي کنډک قومندانۍ مرکز پرانیستل شو.
دفاع وزارت په ایکس پاڼه کې زیاته کړې، چې د دې وزارت اړوند چارواکو د ډاډمن امنیت د خوندي کولو لپاره په نورو ولايتونو کې هم د ورته مرکز له پرانستلو خبر ورکړی دی.
ویل کیږي، چې ځانګړي ځواکونه پر عصري او پرمختللیو وسلو سمبال او مسلکي روزنه یې لیدلې، چې په هر ډول شرایطو کې به خپله دنده ترسره کوي.
تازه خبرونه
اروپايي ټولنې په افغانستان کې سېلاب ځپلیو ته ۴۰۰ زره یورو ځانګړې کړې
اروپايي ټولنې څرګنده کړې، چې په بغلان، بدخشان او تخار ولایتونو کې له سېلاب ځپلیو سره یې د بشري مرستو د رسولو لپاره ۴۰۰ زره یورو ( څه باندې ۳۰ میلیون افغانۍ) ځانګړې کړي دي.
د دې بنسټ د نننۍ (سې شنبه د غبرګولي لومړۍ ) خبرپاڼې له مخې؛ يادې مرستې به د اکتيډ او ډاکار موسسو لهخوا وړاندې شي، چې په کې نغدو پيسو، پاکو اوبو او پاکوونکیو توکو ته لاسرسي شته دی.
اروپايي ټولنې دا يادونه هم کړې، چې له ۱۹۹۴ ز. کال راپدیخوا يې په افغانستان کې د بشري مرستو په برخه کې مالي مرستې کړي او تر اوسه يې نږدې یو اعشاریه اته ميليارډ يورو مرسته کړې ده.
دغه راز دې ټولنې یوازې تېر کال د بشري مرستو په برخه کې ۱۵۹ میلیون یورو مرسته کړې. سربېره پر دې اروپايي ټولنې له ۲۰۲۱ ز. کال راپدیخوا د ۳۵ الوتنو له لارې افغانستان ته ۱۶۰۰ ټنه مرسته رالېږلې ده.
-
لوبی3 days ago
راشد خان د افغان بیسیم مخابراتي شرکت رسمي سوداګریز سفیر شو
-
تازه خبرونه5 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
نړۍ2 days ago
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
-
تازه خبرونه2 days ago
په افغانستان کې د وروستیو سیلابونو له کبله ۵۴۰ کسان مړه شوي – م.م
-
تحول5 days ago
تحول: د چین له سفیر سره د ریاست الوزراء د سیاسي مرستیال لیدنه
-
څار5 days ago
څار: د افغانستان په اړه سیمهییزه اجماع
-
سیمه ییز خبرونه1 day ago
د ایران ولسمشر ابراهیم رییسي د چورلکې د راغورځېدو په پېښه کې مړ شو
-
روغتيا2 days ago
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ