تازه خبرونه
چین له افغانستان سره دوه میلیارده ینه وړیا مرسته کوي
چین تر څلورو راتلونکو کلونو پورې له افغانستان سره دوه میلیارده ینه وړیا مرسته کوي.
افغان ولسمشر ډاکتر اشرف غني احمدزی چې د چین په سفر بوخت دی، د دغه هیواد په شینهوا پوهنتون کې د وینا پر مهال يې وویل چې د ورېښمنو تاریخي لارې په بیا فعالیدو به د سیمې له ثبات سره مرسته وکړي.
هغه چې د یو شمېر افغان او چیني محصلینو پوښتنو ته ځوابونه ویل، زیاته يې کړه چې د سترې محکمې په عالي شورا کې به یوه میرمن هم په دنده وګوماري.
چين ته د سفر په دویمه ورځ افغان ولسمشر ډاکتر اشرف غني احمدزي د دغه هیواد په شینهوا پوهنتون کې وینا وکړه.
هغه د خپلو خبرو په ترڅ کې ټینګار وکړ چې چین، هند او پاکستان د سیمې په ثبات کې مهم رول لري او ویې ویل چې دغه هیوادونه باید له یو بل سره غښتلې دیپلوماتیکې اړیکې ولري.
نومړي په خپلو خبرو کې زیاته کړه؛ زمونږ متعد هیواد چین تر راتلونکو څلورو کلونو پورې له افغانستان سره دوه میلیارده ینه مرسته کوي؛ مونږ هم د ورېښمو د لارې د بیا جوړولو لپاره د چين وړاندیز ته د هو سر خوځولی دی.
احمدزي وویل چې د حکومت لومړۍ شپږ میاشتې به د اساسي قانون عملي کولو ته بېلې کړي او ښځو ته به اجازه ورکړي چې په عدلي لوړو پوستونو کې کار وکړي.
په چین کې یو شمېر افغان محصلینو له دغه هیواد څخه وغوښتل چې د افغانستان په سوله او ثبات کې همکاري وکړي.
ټاکل شوې چې د پنجشنبې په ورځ به افغان ولسمشر ډاکتر اشرف غني احمدزی د چین تین جین ښار ته سفر وکړي او هلته به په بیلا برخو کې د شویو پانګونو څخه لیدنه وکړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ
-
سیمه ییز خبرونه3 days ago
د غزې په شمال کې د قحطۍ خطر ډېر دی