تازه خبرونه
کرن یادف په کابل کې د هند سفارت سفیر وټاکل شو
نوموړی له ۲۰۱۴ کال راپدېخوا د هند په بهرنیو چارو وزارت کې د ډیپلوماټ په توګه دنده ترسره کوي او د کابل د سرپرست سفیر په توګه له ټاکل کېدو مخکې یې په مالډیف او سریلانکا کې سفارتي دندې ترسره کړې دي.
هندي رسنیو راپور ورکړی، چې کرن یادف په کابل کې د دغه هېواد د سفارت د شارژډافیر( چارسمبالي ) په توګه ټاکل شوی دی.
نوموړی له ۲۰۱۴ کال راپدېخوا د هند په بهرنیو چارو وزارت کې د ډیپلوماټ په توګه دنده ترسره کوي او د کابل د سرپرست سفیر په توګه له ټاکل کېدو مخکې یې په مالډیف او سریلانکا کې سفارتي دندې ترسره کړې دي.
د څارونکو د څرګندونو له مخې؛ د هغه ټاکل د نوي ډیلي او کابل د سیاسي او اقتصادي اړیکو د پیاوړتیا لېوالتیا ښیي، چې د اسلامي امارت له واک ته رسېدو وروسته دا د هند او افغانستان په اړیکو کې د نوي پړاو ښکارندویي کوي.
د یادونې ده، چې هند تېره ورځ په کابل کې خپل تخنیکي ماموریت د سفارت کچې ته لوړ کړ.