Connect with us

تازه خبرونه

که طالبان تاوتریخوالی کم نکړي، سولې ته رسیدل ناشوني دي – ولسمشرۍ ماڼۍ

خپور شوی

د

(Last Updated On: غویی ۱۶, ۱۳۹۹)

د ولسمشر ویاند له طالبانو غواړي چې اوربند ته غاړه کیږدي او پریږدي چې د خلکو د ستونزو پر حل کار وشي.

د ملي امنیت شورا وایي، تېرو دوو ورځو کې نږدې دوه سوه طالب بندیان د هېواد له زندانونو خوشې شوي دي. په دې سره د ټولو خلاصو شویو بندیانو شمېر اووه سوه اته څلویښتو ته ورسېد.

جاوېد فیصل، د ملي امنیت شورا د دفتر ویاند، وایي چې حکومت سولې ته د رسیدلو په موخه ګامونه پورته کړي دي خو طالبان په صلح باور نلري او تاوتریخوالې یې زیات کړې دې.

صدیق  صدیقي، د ولسمشر ویاند، وایي چې که چیرې د طالبانو لخوا تاوتریخوالې بند نشي، نو په خواشینۍ سره نشو توانیدلې چې د سولې ته ورسیږو.

د یادونې وړ ده چې تېرو څلور ویشتو ساعتونو کې د هلمند په ولایت کې د طالبانو په موټر بم برید کې ۱۵ امنیتي سرتېرو او منسوبینو ته مرګ ژوبله اوښتې ده.

همداراز په پکتیکا کې د عشاء د لمانځه لپاره د انتظار کوونکو پر لور لاسي بم غورځول شوی چې شلو ملکي وګړو ته یې مرګ ژوبله اړولې ده.

پاکستان چې له طالبانو سره نږدې اړیکې لري، هم د دې بریدونو زیاتوالی د افغانستان سولې بهیر لپاره ګواښ بولي.

خلیل صافی، د افغانستان د سولې مرکز رئیس، وایي چې له توافق څخه هر راز تخطی به  د امریکې او طالبانو د څارنیزې ډلې لخوا تر شننې لاندې ونیول شي.

اګر که طالبانو هم حکومت اړوند ۱۱۲ بندیان خوشې کړي او ویلي یې دي چې که د ۵ زرو طالب بندیانو د خلاصولو بهیر ګړندی شي، د افغانانو خپلمنځي خبرې به پیل شي – دا هغه خبرې دي چې د اختلافونو له کبله یې لا تر اوسه اجنډا نه ده بشپړ شوې.

تازه خبرونه

د ازبکستان بشري مرستې بلخ ته راورسېدې

Published

on

(Last Updated On: غویی ۶, ۱۴۰۳)

نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.

د سیمه‌ییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخان‌دریا د والي له‌خوا د بلخ  چارسمبالي والي ته سپارل شوې ده.

د سرخان‌دریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.

په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.

کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.

Continue Reading

تازه خبرونه

په سیمه او هېواد کې امنیتي پېښې وارداتي دي – امیر خان متقي

Published

on

(Last Updated On: غویی ۶, ۱۴۰۳)

نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان‌-قزاق نندارتون د پرانیستې په مراسمو کې  د افغانستان او سیمې امنیتي پېښې وارداتي یادې کړې دي.

نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.

بل هېواد د هغې لارې پر سر پروت دی، چې امن خرابوونکي افراد ترې راتېریږي.

او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.

ویل کیږي، چې بد امني پر ګډه همکارۍ او همغږۍ له منځه وړل کیږي.

Continue Reading

تازه خبرونه

له اسلامي امارت سره  نړیوالې اړیکې ورځ تر بلې پراخیږي – ذبیح الله مجاهد

Published

on

(Last Updated On: غویی ۶, ۱۴۰۳)

د اسلامي امارت ویاند ذبیح الله مجاهد افغانستان ته د ګڼ‌شمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.

ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.

د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.

د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.

Continue Reading

Trending

Copyright © 2022 Ariana News. All rights reserved!