تازه خبرونه
یوناما د افغانستان په اړه د م.م له پرېکړه لیک هرکلی څرګند کړ
په افغانستان کې د ملګرو ملتونو مرستندویه پلاوي (یوناما) له افغانستان سره د بشري مرستو په ترسره کولو کې د آسانتیاوو برابرولو په اړه د ملګرو ملتونو د امنیت شورا له پرېکړه لیک هرکلی کړی دی.
یوناما زیاته کړې: ملګري ملتونه پر اوسنیو چارواکو او نړیوالې ټولنې غږ کوي، چې د پراخ اقتصادي بحران د بدو اغېزو د مخنیوي لپاره دې د افغانانو اړتیاوو او حقونو ته ډېر پام راواړوي او په دې اړه دې بېړنۍ هڅې ترسره کړي.
د ملګرو ملتونو امنیت شورا پرون (چارشنبه د مرغومي لومړۍ) په متفقه توګه افغانستان ته د بشردوستانه مرستو د آسانتیاوو برابرولو لپاره د امریکا لخوا وړاندیز شوی پرېکړه لیک پر ډېرو رایو تصویب کړ.
په پرېکړه ليک کې راغلي، چې ملګري ملتونه افغانستان ته د بشري مرستو د رسولو له بهیر ملاتړ کوي؛ خو دغو مرستو ته د اسلامي امارت د لاسرسي مخیوی کوي.
په پرېکړه لیک کې راغلي: د پیسو تادیه، مالي شتمنیو یا اقتصادي سرچینو، د اړتیا وړ توکو، خدماتو چمتو کولو، ملاتړ او لیږدولو ته اجازه ورکول کیږي، چې دا د طالبانو ( اسلامي امارت) پر ادارې له لګول شويو بندیزونو سرغړونه نده.
د پریکړه لیک په تعقیب، په ملګرو ملتونو کې د چین استازي ویلي، چې افغانستان په یوه داسې پړاو کې دی، چې ورسره بشري مرستې باید سیاسي یا مشروطې نشي.
په ملګرو ملتونو کې د چین دایمي استازي جانګ جون ویلي؛ د افغانستان اوسنی وضعیت له یوه مهم پړاو سره مخ دی، چې بېلابېلې ننګونې لري. دمګړۍ اړتیا داده، چې افغانستان ته بېړنۍ بشري مرستې برابرې کړو او د دغه هېواد اقتصاد له سقوط وژغورو.
په ملګرو ملتونو کې د امریکا د دایمي استازي مرستیال افغانستان ته د بشري مرستو د رسولو پر جدي څارنې ټینګار کړی دی.
په ملګرو ملتونو کې د امریکا د دایمي استازي مرستیال جیفري ډیلارونټیس ویلي: دا د ملګرو ملتونو د بندیزونوملړدی، چې باید په هرو شپږ میاشتو کې د ملګرو ملتونو امنیت شورا ته راپور ورکړ شي.
دا معلومات ستونزمن دي، چې د مرستې رسولو بهیر وڅارل شي؛ ځکه باید پوه شو، چې مرستې اړو کسانو ته رسيږي.
همدارنګه د امریکا د خزانې وزارت درې عامه جوازونه صادر کړي، چې له مخې یې په افغانستان کې اړو خلکو ته بشري او نورې مرستې رسېدلی شي.
د دغه وزارت په خبرپاڼه کې د نوي افغان حکومت پر ضد بندیزونه اوس هم پر ځای دي.
د خزانې وزارت د څرګندونو له مخې؛ د طالبانو پر ضد له بندیزونو سره سره، د دې اجازې له مخې د امریکا حکومت، نړیوالو سازمانونه او نادولتي موسسې کولی شي، چې په افغانستان کې فعالیت وکړي او اړمنو خلکو ته بشري مرستې ورسوي.
د افغانستان اسلامي امارت د ملګرو ملتونو د امنیت شورا پرېکړه لیک له تصویب او د امریکا لخوا د بشردوستانه مرستو جواز له صادریدو څخه د هرکلي ترڅنګ غواړي، چې د اسلامي امارت پر مشرانو لګېدلي بندیزونه لرې او د افغانانو د کنګل شویو پیسو د آزادېدو لپاره کوټلي ګامونه پورته شي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه20 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه19 hours ago
ترکمنستان د ټاپي پروژې بشپړولو ته ژمن دی – امانوف
-
لوبی17 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل