تازه خبرونه
یونیسف افغانستان ته د ۱۰۰ ټنو درملو له رسېدو خبر ورکړ
یونیسف د سېشنبې پر ورځ (د غبرګولي شپږمه) ناوخته په ایکس پاڼه کې ولیکل، چې دا درمل د چارټر الوتنو له لارې افغانستان ته لېږدول شوي دي.
د ملګرو ملتونو د ماشومانو وجهي صندوق (یونیسف) ويلي، چې په روانه اوونۍ کې له ۱۰۰ ټنو څخه ډېر ژوند ژغورونکي درمل افغانستان ته رسېدلي دي.
یونیسف د سېشنبې پر ورځ (د غبرګولي شپږمه) ناوخته په ایکس پاڼه کې ولیکل، چې دا درمل د چارټر الوتنو له لارې افغانستان ته لېږدول شوي دي.
د یونیسف د څرګندونو له مخې؛ دا درمل به د ۳۴ ولایتونو ۲ زره ۴۰۰ روغتیايي مرکزونو د بېړنیو اړتیاوو په پوره کولو کې مرسته وکړي.
د ملګرو ملتونو د ماشومانو صندوق ويلي، چې دا درمل د نړیوال بانک او ځینو نورو بنسټونو پر مرسته چمتو شوي دي.
دا په داسې حال کې ده، چې د روغتیا نړیوالې ټولنې په دې وروستیو کې د مالي ملاتړ د نشتوالي له کبله د بېلابېلو ناروغیو د خپرېدو او د لسګونو روغتیايي مرکزونو د تړلو په اړه راپورونه ورکړي وه.