تازه خبرونه
یو اس ای دي له ۹۵۰۰۰ افغان کورنیو سره مرسته کوي
د ملګرو ملتونو د خوړو نړیوال پروګرام یا دبلیو اف پي د امریکا نړیوالې پراختیا ادارې یا یو اس ای دي د کووید – ۱۹ د اغېزو له کبله له ځپل شویو ۹۵۰۰۰ افغان کورنیو سره د ۱۲ میلیون امریکایي ډالرو له مرستې مننه کړې ده.
په افغانستان کې بېړنی روغتیایي حالت د خوراکي توکو له نه خوندیتوب سره ګډ شوی او د یو شمېر ټولنو د ژوندانه بهیر یې را تنګ کړی دی.
له یواس ای دي څخه ترلاسه شوې دغه مرسته به دبلیو اف پي ته د دې اجازه ورکړي، چې له ۹۵۰۰۰ کورنیو سره، چې د کووید-۱۹ وبا له اقتصادي زیانونو اغېزمن کړي؛ د نغدو پیسو مرستې ترسره کړي.
د خوراک نړیوال پروګرام د څرګندونو له مخې؛ هره کورنۍ به ۶۰۰۰ افغانۍ مرسته تر لاسه کړي، چې د دوه میاشتو لپاره خپلې یو شمېر د خوراکي توکو اړتیاوې پوره کړي.
په افغانستان کې د امریکا د نړیوالې پراختیا یا یو اس ای دي مشر پیتر نتیلو پدې اړه ویلي؛ کووید-۱۹ په دې هېواد کې د هغو کورنیو ژوند، چې په ورځني مزد یې تکیه کوله او یا یې کوچنۍ سوداګري لرله مختل کړ. په ځانګړي توګه هغه کسان، چې په ښارونو کې ژوند کوي او د قرنطین له کبله د ډوډۍ رانیولو لپاره د پیسو پیدا کولو ټولې شونتیاوې پرې بندې شوې.
نوموړي زیاته کړې: له دبلیو اف پي سره د ګډ کار لپاره به یو اس ای دي په افغانستان کې د کووید – ۱۹ وبا له کبله ځینو ترټولو اغېزمن شویو کورنیو ته د خوراکي توکو مرستې ورسوي. اړمنې کورنۍ به په هرات ښار او پلازمېنه کابل، د هېواد دوه ښاري مرکزونو کې، چې د کووید-۱۹ مثبتې پېښې پر ترټولو لوړه کچه ثبت شوي او هم پرې د اقتصاد او انفرادي ژوندانه د دغې وبا اغېز ډېر احساس شوی،؛دغه مرستې ترلاسه کړي. دغه مرسته به له ترټولو اړمنو کورنیو د ژوند پر مخ بیولو لپاره له منفي میکانیزمونو لکه سوالګري، پر ماشومانو له کار کولو او یا هم په کمه کچه او لږ غذایي وعدو د خوړو څخه له ګټې اخیستنې ځان وساتي.
په افغانستان کې د خوړو نړیوال پروګرام مرستیال او سرپرست مشر رابرت کسکا ویلي: مونږ د یو اس ای دي له دې مرستې او په افغانستان کې د دبلیو اف پي څخه د دوی د پرلپسې ملاتړ له کبله مننه کوو.
کسکا زیاته کړې: دغه مرسته په اړین مهال رارسېږي؛ داسې مهال، چې مونږ د کووید -۱۹ وبا له کبله زیانمنو شویو کسانو ته د رسېدو لپاره ۵۳ میلیون امریکایي دالرو ته اړتیا لرو. په ګډه د ګامونو له اخیستو پرته، افغانستان کېدای شي په لسیزو کې د خوړو د خوندیتوب له ورانوونکي کړکېچ سره مخ شي.
دIPC یاClassification Phase Security Food Integrated د وروستیو پایلو پربنسټ، د ۲۰۲۰ م کال په پیل کې، د لسیزو جګړو، طبیعي پېښو او مخ پر ودې بېوزلۍ له کبله له ۱۲ میلیون څخه ډېر کسان په حاده توګه د خوړو له نه خوندیتوب سره مخ ول. اوسمهال، د کووید-۱۹ وبا په میلیونونه افغانان لوږې ته د لوېدو په خطر کې اچولي دي، د خوړو له غیر معمولي لوړو بیو سره یې مخ کړي او د دندو د ترسره کولو شونتیاوې یې را کمې کړې دي.
د دغې وبا اوږد مهاله اغېزوته د رسېدنې په موخه، د خوړو نړیوال پروګرام دغه راز د روغتیا یي مرکزونو او ګرځنده ډلوله لارې خدمتونه وړاندې کوي، چې په نجونو، هلکانو، امیندواره او شیدې ورکوونکیو میندو کې د خوارځواکۍ درملنه او مخنیوی وکړي.
د کرونا ویروس د مخنیوي په موخه، تر کلکو احتیاطي تدابیرو لاندې، دبلیو اف پي د پېښو پروړاندې د ټولنو د تاب راوړنې د غښتلي کولو فعالیتونو ته ادامه ورکوي.
په افغانستان کې د کووید-۱۹ د اغېزو له کبله، دبلیو اف پي په پام کې لري، چې له وړاندې پر پلان شویو خلکو سربېره، ۳ میلیون نورو کسانو ته هم د خوراکي توکو مرستې ورسوي، چې ۵۳ میلیون امریکایي دالرو اضافي مرستو ته اړتیا ده.
ټولټال، په ۲۰۲۰ م کال کې، دبلیو اف پي په پام کې لري، چې ۳،۱۰ میلیون د خوړو له پلوه نه خوندي خلکو ته مرستې ورسوي.
د ۲۰۲۰ م کال له جولای څخه تر ډسمبر میاشتې پورې، دبلیو اف پي د خپلو ټولو پلان شویو فعالیتونو لپاره ۲۱۸ میلیون امریکایي دالرو ته اړتیا لري، چې ۱۳۵ میلیو امریکایي دالر اوس هم ترلاسه شوي ندي.
د یو اس ای دي لخوا دغه مرسته په ۲۰۲۰ م کال کې د ۴۹ میلیون او په ۲۰۱۹ م کال کې د ۹۲ میلیون امریکایي دالرو د مرستو پر دوام ترسره کېږي.
د ملګرو ملتونو د خوړو نړیوال پروګرام په نړۍ کې تر ټولو لویه بشري اداره ده، چې د بیړنیو حالاتو پرمهال د خلکو ژوند ژغوري، هوساینه رامنځته کوي او له کړکېچ، طبیعي پېښو او اقلیمي بدلون څخه د راوتلیو خلکو لپاره د باثباته راتلونکې ملاتړ کوي.
تازه خبرونه
په کابل کې د پاکستان شارژدافیر احضار شو؛ اسلامآباد ته د هوايي بریدونو په تړاو پرېکنده اعتراض وړاندې شو
د پاکستان پوځي رژیم تېره شپه د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر استوګنیزو کورونو هوايي بریدونه کړي، چې د راپورونو له مخې په کې د ښځو او ماشومانو په ګډون ۳۶ عام ولسي وګړي «شهیدان» او ۱۶۳ نور ټپیان شوي دي.
د افغانستان اسلامي امارت بهرنیو چارو وزارت ویلي، چې په کابل کې یې د پاکستان د سفارت شارژدافیر احضار کړ او د افغانستان د هوايي حریم د نقض او د کونړ، پکتیا او پکتیکا ولایتونو د ملکي وګړو پر کورونو د بریدونو پهاړه ورته پرېکنده اعتراض وړاندې شوی دی.
د پاکستان پوځي رژیم تېره شپه د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر استوګنیزو کورونو هوايي بریدونه کړي، چې د راپورونو له مخې په کې د ښځو او ماشومانو په ګډون ۳۶ عام ولسي وګړي «شهیدان» او ۱۶۳ نور ټپیان شوي دي.
دغه بریدونه د اسلامي امارت لهخوا له نړیوالو اصولو، بشري قوانینو او ملي حاکمیت څخه ښکاره سرغړونه بلل شوې او پر سختو ټکو یې غندلي دي.
د اسلامي امارت د څرګندونو له مخې، پاکستان له دې وړاندې هم د ځینو امنیتي پېښو او چاودنو په تړاو افغانستان بېله معتبره شواهدو تورن کړی او دا ډول کړنې د دواړو هېوادونو ترمنځ د باور فضا ته زیان رسوي او د زور له لارې د ستونزو د حل تګلاره ناکامه بلل کېږي، چې د سیمهییز ثبات لپاره منفي پایلې لري.
تازه خبرونه
د پاکستان د هوايي بریدونو ۳۳ ټپیان کابل ته ولېږدول شول
د روغتیایي مسوولانو د څرګندونو له مخې؛ یاد کسان د هغو ۶۶ سختو ټپیانو یوه برخه ده، چې د پکتیا، پکتیکا او کونړ ولایتونو پر استوګنیزو سیمو د پاکستاني پوځي رژیم د تېرې شپې له بریدونو وروسته یې روغتیايي وضعیت د اندېښنې وړ بلل شوی و.
د پکتیا روغتیايي مسوولانو ویلي: د پاکستاني پوځي رژیم د هوايي بریدونو ۳۳ سخت ټپیان، چې د افغانستان په ختیځ کې د وروستیو بریدونو پر مهال ټپیان شوي وه؛ د بېړنیو درملنیزو چوپړتیاوو د ترلاسه کولو لپاره د چورلکې پرمټ کابل ته لېږدول شوي دي.
د روغتیایي مسوولانو د څرګندونو له مخې؛ یاد کسان د هغو ۶۶ سختو ټپیانو یوه برخه ده، چې د پکتیا، پکتیکا او کونړ ولایتونو پر استوګنیزو سیمو د پاکستاني پوځي رژیم د تېرې شپې له بریدونو وروسته یې روغتیايي وضعیت د اندېښنې وړ بلل شوی و.
ټپیان د کابل په یو شمېر دولتي روغتونونو کې بستر شوي او متخصصې روغتیايي ډلې یې درملنه کوي. تر اوسه د نورو سختو ټپیانو د روغتیايي وضعیت او کابل ته د هغوی د احتمالي لېږد په اړه نور جزئیات خپاره شوي نهدي.
دا لېږدونه په داسې حال کې ترسره کېږي، چې افغان چارواکي اوس هم د تېرې شپې د هوايي بریدونو د مرګ او ژوبلې د کچې ارزونه کوي.
اسلامي امارت پاکستان د دغو بریدونو مسوول بولي او وایي، چې په پایله کې یې لږ تر لږه ۳۶ ملکي وګړي، چې ښځې او ماشومان هم په کې دي؛ شهیدان شوي او ۱۶۳ نور ټپیان دي.
دا په داسې حال کې ده، چې دغو بریدونو پراخ کورني او نړیوال غبرګونونه راپارولي او د افغانستان یوشمېر پخوانیو چارواکو او نړیوالو څېرو د تاوتریخوالي د کمولو او د خبرو اترو له لارې د اختلافاتو د هواري غوښتنه کړې ده.
تازه خبرونه
خلیلزاد د پاکستان هوايي بریدونه وغندل او د اسلامآباد د نیت په اړه یې پوښتنې راپورته کړې
زلمي خلیل زاد زیاته کړې؛ ما تل د پاکستان له لوري د بېګناه افغانانو وژنه غندلې او نن یې هم یو ځل بیا غندم.
له افغانستان سره د اختلافاتو د هواري لپاره د نړۍ او د پاکستان د ډېرو خلکو د خبرو اترو د غوښتنو له پامه غورځولو وروسته پاکستان یو ځل بیا پر افغانستان برید کړی، چې له کبله یې یو ځل بیا ګڼ شمېر کسان وژلي او ټپیان شوي دي.
زلمي خلیل زاد زیاته کړې؛ ما تل د پاکستان له لوري د بېګناه افغانانو وژنه غندلې او نن یې هم یو ځل بیا غندم.
نوموړي ویلي؛ اسلامآباد هغو ګڼو نظریو او وړاندیزونو ته هيڅ ځواب نهدی ویلی؛ خو پاکستان اوس هم هیڅ رغنده هڅه او مثبت غبرګون نهدی ښودلی.
خلیلزاد پوښتني؛ آیا اسلامآباد رښتیا هم د یوې هوکړې غوښتونکی دی؟
آیا دا شخړه د اسلامآباد له نظره هماغه ده، چې ادعا یې کوي؟ که د پاکستان واکمن پوځي جوړښت په حقیقت کې نورې موخې لري؟ که داسې وي، هغه موخې به څه وي؟
آیا موخه یې یو بېثباته افغانستان دی؟
آیا د پاکستان پوځي جوړښت د چین له لوري د دې لپاره امتیازات ترلاسه کوي او غواړي داسې شرایط رامنځته کړي، چې افغانستان د چین د لا ډېر نفوذ لپاره چمتو شي؟ یا دواړه؟
که د پاکستان موخې همدا وي؛ نو دا د امریکا له ګټو سره په ټکر کې دي؛ ځکه ډېره بېثباتي ښايي د امریکا ضد ترهګرو، په ځانګړي توګه داعش-خراسان، ته خوندي پټنځایونه برابر کړي. همدارنګه، په افغانستان کې د چین د نفوذ زیاتوالی هم یوه جیوپولیټیکي ننګونه ګڼل کېږي.
خلیلزاد وایي؛ که دا په رښتیا د پاکستان اصلي موخې وي، نو دا د حیرانتیا خبره نهده، چې د دغه هېواد پوځي جوړښت یې په ښکاره نهبیانوي.
-
International Sports2 days agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
تازه خبرونه2 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
تازه خبرونه2 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
څار2 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
تازه خبرونه2 days agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
سیمه ییز خبرونه2 days agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
-
لوبی2 days agoافغانستان او ازبکستان په خوست کې دوستانه شلآوریزه لوبه کوي
-
تازه خبرونه2 days agoپه نیویارک کې شانګهای همکاریو ټولنه او ملګري ملتونه پر افغانستان راوڅرخېدل
