تازه خبرونه
جګړه د وردګو د مرکز میدان ښار تر پنځه کیلو متري پورې رسېدلې ده
د آریانانیوز خبریال نصرت پارسا چې میدان وردګو ولایت ته تللی وایي، د افغان ځواکونو کتار د میدان ښار په پنځه کیلو متري واټن کې د وسلوالو مخالفینو له کمین سره مخامخ شو.
بلخوا د وردګو د پولیسو قوماندان وایي، په دغه ولایت کې جګړه د حقاني شکبې او کویټې شورا له خوا رهبري کیږي.
که څه هم مخکې له دې کتار څخه، د امن او عامه نظم لوی قوماندان او د وردګو د پولیسو د امنیت آمر له دې سیمې تېر شوي وو، خو طالبان دغلته کمین کې کیناستل.
د افغان ځواکونو ځینې جنګي وسایل په دغه کتار کې خراب دي او اصلا کار نه کوي؛ له همدې امله له مرکز مرسته غواړي او په ځینو مواردو کې دغه ځواکونه د مرمیو له کمښت سره مخامخ کیږي.
له یو شاوخوا یو ساعته نښتې وروسته، مخالفین له ساحې وتښتېدل او د دغه کتار په وړاندې هم لار پرانیستل شوه.
د وردگو امنیه قوماندان واي؛ د وردګو په جګړه کې زیاتره طالبان د خپلو عقایدو له مخې مذهبي جنګیږي؛ حتی کوم مخالفین چې نیول کیږي، له پولیسو غواړي چې مړه یې کړي چې ژر جنت ته ولاړ شي.
د جلریز- میدان ښار په مسیر کې د پنجشنبې ورځې پيښه کې اتلس سیمه ییز پولیس ووژل شول.
په دغې اته ساعته نښټه کې دیرش طالبان هم ووژل شول او پنځه څلویښت نور ټپیان شول.
کلونه کلونه کیږي چې طالبان دلته جنګیږي، پوښتنه دلته ده چې ولې د دغې ډلې پوځي تجهیزات نه خلاصیږي، او دا جنګي وسایل څرنګه او له کومې لارې وردګو ته لیږدول کیږي.
خلیل اندرابي ـد میدان وردګو د پولیسو قوماندان:
“ډېرې زیاتې پیاده لارژې، د موټرسایکل او حتی موټر لارې شته، ځکه چې موږ له ګاونډېو سرا پراخه سرحد لرو چې په بشپړه توګه په پوښښ کې نه دی.“
دا د میدان ښار- جلریز لویه لار ده، وسلوال مخالفین د عمومي سړک په دواړو خواو کې شتون لري او افغان ځواکونه هم واټ ساتي، د پنجشنبې په پیښه کې طالبانو د پولیسو نهه پوستې ونیولې، خو د دغو پوستو زیاته برخه تر اوسه بېرته د پولیسو له خوا نیول شوي دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه5 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ5 days ago
انټوني بلینکن اوکراین ته رسېدلی
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي