تازه خبرونه
فرخندې له کوم سفارت سره اړیکه نه ده ټینګه کړې
فرخندې له کوم سفارت سره اړیکه نه ده ټینګه کړې
د کورنیو چارو وزیر نورالحق علوميهغه ګنګوسې نه مني چي فرخندې له کوم سفارت او یا کوم هیواد سره اړیکه نیولي وه.
ښاغلی علومي وایي؛ نیول شوو کسانو اعتراف کړی چې فرخندي قرانکریم ته اور ندی اچولی.
د کورنیو چارو وزیرزیاتوي چي یولس تنه نور هم د فرخندې د وژنې په تور تر تعقیب لاندې دي او ډېر ژر به ونیول شي.
ولسي جرګې د ښاغلي علومي په ګډون یو شمیر دولتي چارواکي د فرخندې د وژني په اړه خپل امنیتي کمیسون ته غوښتي وو چې د فرخندې د وژنې په اړه نوي جزیات دوی ته وړاندي کړي.
خو د ولسي جرګي یو شمیر غړي په دي اړه نور نظریات لري.
د ولسي جرګي غړي عبدالاحد دراني وایي:
“هر څوک چې په دا شان اسلامي او ایماني جذبه کې راشي، نو راځي او دا شان کار تر سره کوي؛ چې په دې صورت کې پولیس نه؛ بلکې ټول وزارت یې هم مخه نه شي نیولای.“
بل خوا د ولسي جرګې غړی کرام الدین رضا زاده خبرداری ورکوي چې که د کورنیو چارو وزارت د فرخندې د قضیې په برخه کې واقعیتونه ونه وایي، ولسي جرګه په دې برخه کې کره اسناد لري چې د اړتیا په وخت کې به یې خپاره کړي.
د حج او اوقافو وزیر فیض محمد عثماني هم ټینګار کوي؛ هیڅ داسې لاسوندونه نشته چي څرګنده کړي فرخندې قران کریم ته اور اچولی وي.
هغه وایي که چیرې فرخندې قران سوزولی هم وي؛ د ې په وړاندي ترسره شوی عمل د شریعت خلاف دی.
په همدې وخت کې د ولسي جرګي او د فرخندې د وژنې په اړه د حقیقت موندونکي کمیسون غړې فوزیه کوفي د قران کریم سوځول شویو نسخو په اړه چي د یو شمېر رسینو له خو ا خپرې شوي وایي:
“قران کریم له پخوا سوزول شوی و او د زیارت د بام په سر ایښودل شوی و؛ نو کله چې د فرخندې او تعویذګر ملا تر منځ شخړه راځي؛ تعویذګر ژر لاس کوي او سوزول شوی قران را اخلي او چیغه کوي چې ای مسلمانانو! فرخندې قران وسوزاوه.“
په همدي حال کي د ولسي جرکي لومړي مرسیتال ظاهر قدیر ټینګار کوي که چیري حکومت په دي قضیه کي بي غوري وکړي؛ دا به د حکومت لپاره ستونزې رامنځ ته کړي.
تازه خبرونه
د دفاع وزارت چارسمبالي د آذربایجان له سفیر سره وکتل
د ملي دفاع وزارت چارسمبالي محمد یعقوب مجاهد د چارشنبې پر ورځ د غویی پر دولسمه په کابل کې د آذربایجان سفارت له چارسمبالي سره د کتنې پرمهال ویلي؛ د سفارت بیا پرانستل د دواړو هېوادونو ترمنځ د اړیکو د ټینګښت لپاره یو مثبت ګام دی.
د ملي دفاع وزارت په خبرپاڼه کې راغلي، چې محمد یعقوب مجاهد ویلي: د دوه مسلمانو هېوادونو ترمنځ دوستي او مشترکات ډېر د ویاړ خبره ده.
محمد یعقوب مجاهد په کابل کې د آذربایجان د سفارت بیا پرانستل یو مثبت ګام یاد کړ او څرګندوي: د دې اوږدمهاله اړیکو د ټینګښت لپاره مونږ غواړو، چې په اقتصادي، سوداګریزو او نورو برخو کې همکارۍ ژر تر ژره پیل کړو.
د آذربایجان سفیر الهام محمدوف هم ویلي؛ مونږ چمتو یو، چې د اسلامي امارت او د دغه هېواد له خلکو سره د اړیکو د ټینګښت په برخه کې همکارۍ پراخې کړو.
تازه خبرونه
ولس دې د اسلامي نظام د شرعي احکامو د پلي کولو لپاره همکاري وکړي – محمد خالد حنفي
د امربالمعروف، نهې عن المنکر او شکایتونو اورېدلو وزارت چارسمبالي نن چارشنبه په کابل کې د اسلامي نظام د ټینګښت لپاره د ملت د یووالي تر سرلیک لاندې غونډې ته په وینا کې ویلي: اوس د دې وخت رارسېدلی، چې د خلکو د ستونزو د حل او د اسلامي نظام د شرعي احکامو د پلي کولو لپاره خدمت او همکاري وکړو.
د یاد وزارت په خپره شوې خبرپاڼه کې راغلي؛ دغه غونډه د اسلامي امارت د یو شمېر مسوولینو په حضور کې ترسره شوې ده.
محمد خالد حنفي په دې ناسته کې زیاته کړې: د جهاد موخه د اشغال خاتمه، خپلواکي ترلاسه کول او په هېواد کې د اسلامي نظام ټینګول ول.
نوموړی وایي: دا د ډېرې خوښۍ ځای دی، چې مونږ افغان ولس د پخوا په څېر خپلمنځي اختلافات نلرو، د یو رهبر تر امر او د اسلامي نظام د بیرغ ترسیوري لاندې ژوند کوو.
هغه ویلي: دا اسلامي نظام د خلکو نظام دی. خلک له دې نظام څخه جلا نه ګڼل کیږي او د نظام او خلکو ترمنځ هیڅ واټن نشته؛ نو له اسلامي نظام سره همکاري د ټولو خلکو شرعي دنده ده.
ویل کیږي، چې د ښځو د شرعي حقونو د خوندیتوب او ساتنې تر څنګ زرګونه شکایتونه دې وزارت حل کړي دي.
تازه خبرونه
له اسلامي امارت سره په تعامل کې مو ملي ګټې رانغښتي- امریکا
د امریکا بهرنیو چارو وزارت مرستیال ويلي؛ هېوادنۍ ګټې واشنګټن اړ کوي، چې له اسلامي امارت سره له خبرو او تعامل ډډه ونکړي.
د امریکا بهرنیو چارو وزارت ویاند د سې شنبې پر ورځ ( د غویی یوولسمه) یوه خبري کنفرانس ته ویلي، چې له اسلامي امارت سره تعامل مستقیمو خبرو ته زمینه برابروي.
ویډانټ پټل څرګنده کړې، چې له اسلامي امارت سره تعامل نه یوازې د امریکا د ګټو د خوندیتوب لپاره ښه دی، بلکې د افغانستان له خلکو څخه د ملاتړ لپاره هم غوره لار ده.
د پټل د څرګندونو له مخې؛ دا تعامل پر اسلامي امارت د هغو امریکايي وګړو په ځانګړي توګه، چې په ناحقه نیول شوي له شرط پرته د خوشې کولو لپاره یو فشار هم دی.
هغه زیاته کړې، چې امریکا به د دغو فرصتونو پر کارولو له اسلامي امارت څخه د ترهګرۍ پر وړاندې د مبارزې په اړه د دوی له ژمنو هم ګټه پورته کړي.
هغه ټینګار کړی، چې د بشري حقونو مسله هم د اجنډا په سر کې ده.
-
تازه خبرونه4 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
په هر حال پر رفح برید شونی دی – نتانیاهو
-
تازه خبرونه3 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی1 day ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه