تازه خبرونه
په پاکستان کې افغان کډوال د پوليسو له سختو ځورونو سره مخ دي
افغان کډوال په پاکستان کې د پولیسو له خوا سخت ځورل کېږي. یو شمېر افغان کورنۍ چې تازه له پاکستان څخه راستنې شوې دي، وايي چې پاکستاني پولیسو يې وخت ناوخت کورونه پلټل او د بډو اخیستو له پاره یې ورته ډول ډول پلمې لټولې.
په داسې حال کې چې په روان کال کې له پاکستان څخه افغان راستنو شویو کورنیو شمېره د تېرو کلونو په پرتله څلور برابره شوې خو دلته په هېواد کې هم د نا امنۍ او بې کارۍ له ستونزو کړېږي.
د کابل او اسلام آباد د اړیکو ترینګلتيا په پاکستان کې د افغان کډوالو په ژوند هم ناوړه اغېزه کوي. په داسې حال کې چې تر راتلونکو دوو کلونو پورې په پاکستان کې د یو نیم میلیون نوم ليکل شوو افغان کډوالو د اوسېدلو د نېټې د تمدیدولو یادونه کېږي، خو د کابل او اسلام آباد د اړیکو له ترینګلي کېدو سره ښايي دا چاره هم ټکنۍ شي.
په همدې وخت کې افغان ولسمشر په کابل کې د نړیوالو مرستندویانو استازو ته په غونډه کې وویل چې افغان دولت په پاکستان او ایران کې د افغان کډوالو د ستونزو اواري ته لومړیتوب ورکوي.
ولسمشر محمد اشرف غني وويل: «مونږ په ټولیزه توګه د افغان کډوالو مسئلې ته جدي پام کوو او هڅه کوو چې هېواد ته په خپله خوښه د هغوی د راتلو زمینه برابره کړو. زمونږ ژمنه دا ده چې په کور د ننه د بېځایه شویو اصطلاح له سیاسي او ټولنیزو اصطلاحاتو وباسو.»
د شمېرو له مخې د روان میلادي کال د جنورۍ له میاشتې راهیسې له پاکستان څخه یو سل اووه دېرش زره افغانان هېواد ته راستانه شوي دي.
راغلي افغانان وايي چې د پاکستاني پولیسو سختو ځورونو دې ته اړ کړل چې هېواد ته راستانه شي. له پاکستان څخه راستون شوی افغان کډوال وايي چې دلته هم د ژوند له سختو کړاوونو سره لاس او ګرېوان دي.
د کډوالو په چارو کې د ملګرو ملتونو اداره یو اېن اېچ سي ار وايي چې هرې راستنې شوې کورنۍ ته دوه سوه ډالره او ځینې دارو درمل ورکوي.
د ملګرو ملتونو د کډوالو په چارو کې د ملګرو ملتونو د عالي کمیشنرۍ مسوول احمد فهیم وويل: «که څه هم د پاکستان د کډوالو چارو وزیر ژمنه کړې چې د کابینې له تصویب وروسته به خپل هېواد کې د افغان کډوالو د اوسېدو نېټه تمدید کړي، خو دم ګړۍ هلته افغان کډوال د پاکستاني نظامیانو له ناوړه او تریخ چال چلند څخه کلک شکایت کوي.»
تازه خبرونه
قطر د افغانستان له ګاونډ هېوادونو څخه راستانه شویو افغان کډوالو ته کورونه جوړوي
د کډوالو او راستنیدونکیو چارو وزارت چارسمبالي د قطر د سرې میاشتې خیریه موسسې او نړیوالې پراختیايي ادارې له رییس سره وکتل.
د کډوالو او راستنېدونکیو چارو وزارت ویاند عبدالمطلب حقاني ویلي؛ په دې کتنه کې د یاد بنسټ رييس ويلي، چې دوى د افغانستان له ګاونډ هېوادونو څخه د راستنېدونکیو افغان کډوالو لپاره کورونه جوړوي، خو د شمېر په اړه به یې د قطر له خيريه صندوق سره خبرې وکړي.
د کډوالو د حقونو هڅاندې اصفه ستانکزۍ ويلي، چې تهران او اسلامآباد تل له مهاجرینو سره د نړیوالو قوانینو خلاف چلند کوي.
له بلې خوا د تهران والي مرستیال مهدي باب الحوائجي ویلي، چې دوی د غیر قانوني مهاجرینو پر ضد جګړه کوي او هغه کسان، چې مهاجرینو ته کار او یا کور ورکوي محاکمه او سزا به ورکړ شي.
د اسلامي امارت ویاند ذبیح الله مجاهد څرګنده کړې، چې ایران باید له افغان مهاجرینو سره د نړیوالو قوانینو په رڼا کې چلند وکړي او د هغوی له جبري ایستلو دې ډډه وکړي.
ویل کیږي، چې په دې وروستیو کې ایران او پاکستان د افغان کډوالو جبري ایستنه ګړندۍ کړې او هره ورځ له دغو هېوادونو څخه سلګونه کسان هېواد ته را شړل کیږي.
تازه خبرونه
د خواف – هرات د اوسپنېپټلۍ د وروستۍ برخې د جوړولو کار پیل شو
د خواف- هرات د اوسپنېپټلۍ د څلورمې برخې د دوهیم فاز د جوړولو کار، چې افغانستان له ایران سره نښلوي؛ پرانیستل شو.
دغه برخه، چې شاوخوا ۴۷ کیلومټره اوږدوالی لري؛ ټولیز لګښت یې ۵۳ میلیون ډالر دی او ټاکل شوې، چې دا پروژه په څه کم ۲ کلونو کې بشپړه او ګټې اخیستنې ته وسپارل شي.
د ګاما سهامي شرکت او د ترکیې او روسیې دوه شرکتونه په ګډه پدې پروژه کار کوي.
د کشدر اوسپنېپټلۍ چارواکي وايي، دا د خواف- هرات د اوسپنېپټلۍ وروستۍ برخه ده، چې د هرات د زنده جان ولسوالۍ له رباط پريان سيمې پيلېږي او د خواجه عبدالله انصاري نړيوال هوايي ډګر او د هرات تر صنعتي ښارګوټي پورې رسېږي.
د دې پړاو له بشپړېدو سره به د ایران له اوسپنېپټلۍ او بندرونو سره د هرات د سیمهییز پیوستون پروژه بشپړه شي، چې د منځنۍ او جنوبي آسیا ترمنځ به د سوداګریزو مالونو د لیږد د کچې د لوړولو زمینه برابره کړي.
له ایران څخه د هرات تر روزنک سیمې پورې د هرات – خواف اوسپنېپټلۍ د جوړولو چارې بشپړې شوې دي.
تازه خبرونه
په افغانستان کې باید د ټولو قومونو د استازو په ګډون یو حکومت جوړ شي – حسن کاظمي قُمي
د افغانستان لپاره د ایران ځانګړي استازي ویلي، افغانستان د ټولو افغانانو دی او په دغه هېواد کې باید د ټولو قومونو د استازو په ګډون یو حکومت جوړ شي.
د ایسنا خبری آژانس د راپور له مخې؛ حسن کاظمی قُمی په قُم کې د افغان مهاجرینو غونډې ته د وینا پر مهال ویلي؛ “په افغانستان کې یوه داسې رښتیا رامنځته شوې، چې ټوله رښتیا نده. “
نوموړي خبرداری ورکړي: ” مونږ په ښکاره ویلي، چې افغانستان د ټولو افغانانو لپاره دی او که غواړو، چې د بن له شرایطو سره بیا مخ نشو؛ باید دې مسلې ته پام وکړو.”
قُمي ټینګار کړی، چې ایران له اسلامي امارت سره د اړیکو په وخت کې د افغانستان نویو واکمنو ته هم خپلې مشورې وړاندې کوي.
هغه زیاته کړې: ” د ټولو قومونو له صالحو خلکو څخه جوړ حکومت کولی شي په افغانستان کې د سیاسي ثبات او د جوړولو د پیل بنسټ وي، چې اسلامي جمهوري دولت هم ورته پالیسي لري. “
د افغانستان لپاره د ایران ځانګړي استازي او چارسمبالي سفیر داعش ته په نغوته کې امریکا پر لاسوهنو او بې ثباته کوونکیو سیاستونو تورنه کړې او څرګندوي: نن امریکایان په افغانستان کې د پرون په پرتله ډېرې بدې هڅې کوي.
قُمي ویلي، چې په سیمه کې د امریکا د بدو اوناوړو کړنو بیه ” د افغانستان خلک پرې کوي.”
اسلامي امارت په وار وار ټینګار کړی، چې اوسنی حکومت ملي او ټولګډونه دی او د ټولو قومونو استازي په کې پراخ شتون لري.
د ۲۰۰۱ کال په ډسمبر کې د افغانستان په اړه د بن نړیوال کنفرانس جوړ شو، چې هدف یې پر افغانستان د امریکا له یرغل وروسته د یوه نوي حکومت جوړېدا وه.
-
لوبی3 days ago
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
-
تازه خبرونه3 days ago
فلسطیني دولت باید د خبرو له لارې راجوړ شي – امریکا
-
تازه خبرونه3 days ago
په بامیان ولایت کې د سمڅو اوسېدونکیو ته د استوګنې کورونه جوړیږي
-
تازه خبرونه4 days ago
آریانا او آریانا نیوز ټلویزیوني شبکې د آسیاویژن میاشتنۍ جایزه وګټله
-
تازه خبرونه4 days ago
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
-
لوبی4 days ago
اټک انرژي د افغانستان فوټبال اتلانو لیګ د درېیم پړاو اتلولي خپله کړه
-
تازه خبرونه4 days ago
د افغانستان په اړه د دوحې د درېیمې غونډې نېټه وټاکل شوه
-
سوداگري4 days ago
په پنجشېر کې د یاقوتو استخراج او وپلورل پیل شول