تازه خبرونه
د ناټو جنرال: افغانان له موږ پرته په ګرداب کې لوېدلی شي
ناټو د افغانستان امنیتي حالت د اندېښنې وړ بللی، ویلي یې دي چې د حکومت کمزورې ادارې او فساد د امنیت ټینګښت ستونزمن کړی دی.
د ناټو یوه الماني جنرال ویلي چې که ناټو په افغانستان کې پر له پسې حضور ونه لري، نو کندې ته د افغانانو د لوېدو وېره لیدل کېږي.
د دغه جنرال په وینا ناټو په افغانستان کې خپل روزنیز او ملاتړی ماموریت او د افغان ځواکونو وړتیا په داسې حال کې ارزوي چې په افغانستان کې تاوتریخوالی مخ په زیاتېدو دی.
په افغانستان کې د تاوتریخوالي او جګړې شدت، د ناټو غړي هېوادونه اړ کړي چې یو ځل بیا په افغانستان کې د روزنې او ملاتړ په ماموریت غور وکړي. د وسله والو طالبانو په لاس د کندز ښار نیولو نړیوال ملاتړي هک پک حیران کړل چې د دوی له خوا د افغان پوځ په روزنه او سمبالولو د میلیاردونو ډالرو لګښت سره سره وسله وال څنګه وتوانېدل د څو ورځو له پاره یو لوی ښار ونیسي.
په ناټو کې د المان لوړ پوړی قومندان جنرال هنس لوتار دومروزه وايي:
«د افغانستان وضعیت جدي دی، هغه ډول چې مونږ یې تمه لرله، ثبات نه لري. د دولت کمزورې ادارې او فساد په ځینو سیمو کې د امنیت ټینګښت له ستونزو سره مخامخ کړی دی. که مونږ هلته پاتې نه شو افغانان په ګرداب کې لوېدلی شي.»
له بلې خوا په بروکسل کې د ناټو یوه ديپلومات ویلي چې ناټو نه شي کولی د تل له پاره له افغانانو سره مرسته وکړي. په همدې حال کې د ملي امنیت د شورا ویاند تواب غورځنګ په یوه اعلامیه کې ویلي چې مرستندویه هیوادونه به له افغانستان سره د غوڅ ماموریت په لړ کې تر هغه وخته خپلو همکاریو ته دوام ورکړي چې د ده په وینا ترهګري له منځه ولاړه شي. ټاکل شوې چې د ناټو د غړو هېوادونو د بهرنیو چارو وزیران به د ډسمبر په میاشت کې یو ځل بیا له افغانستان سره په خپل غوڅ ملاتړ غور وکړي او خپله پرېکړه به اعلان کړي.
تازه خبرونه
په افغانستان کې باید د ټولو قومونو د استازو په ګډون یو حکومت جوړ شي – حسن کاظمي قُمي
د افغانستان لپاره د ایران ځانګړي استازي ویلي، افغانستان د ټولو افغانانو دی او په دغه هېواد کې باید د ټولو قومونو د استازو په ګډون یو حکومت جوړ شي.
د ایسنا خبری آژانس د راپور له مخې؛ حسن کاظمی قُمی په قُم کې د افغان مهاجرینو غونډې ته د وینا پر مهال ویلي؛ “په افغانستان کې یوه داسې رښتیا رامنځته شوې، چې ټوله رښتیا نده. “
نوموړي خبرداری ورکړي: ” مونږ په ښکاره ویلي، چې افغانستان د ټولو افغانانو لپاره دی او که غواړو، چې د بن له شرایطو سره بیا مخ نشو؛ باید دې مسلې ته پام وکړو.”
قُمي ټینګار کړی، چې ایران له اسلامي امارت سره د اړیکو په وخت کې د افغانستان نویو واکمنو ته هم خپلې مشورې وړاندې کوي.
هغه زیاته کړې: ” د ټولو قومونو له صالحو خلکو څخه جوړ حکومت کولی شي په افغانستان کې د سیاسي ثبات او د جوړولو د پیل بنسټ وي، چې اسلامي جمهوري دولت هم ورته پالیسي لري. “
د افغانستان لپاره د ایران ځانګړي استازي او چارسمبالي سفیر داعش ته په نغوته کې امریکا پر لاسوهنو او بې ثباته کوونکیو سیاستونو تورنه کړې او څرګندوي: نن امریکایان په افغانستان کې د پرون په پرتله ډېرې بدې هڅې کوي.
قُمي ویلي، چې په سیمه کې د امریکا د بدو اوناوړو کړنو بیه ” د افغانستان خلک پرې کوي.”
اسلامي امارت په وار وار ټینګار کړی، چې اوسنی حکومت ملي او ټولګډونه دی او د ټولو قومونو استازي په کې پراخ شتون لري.
د ۲۰۰۱ کال په ډسمبر کې د افغانستان په اړه د بن نړیوال کنفرانس جوړ شو، چې هدف یې پر افغانستان د امریکا له یرغل وروسته د یوه نوي حکومت جوړېدا وه.
تازه خبرونه
مونږ له نړۍ سره د سیاسي، اقتصادي او فرهنګي اړیکو پر بنسټ تعامل غواړو
د اسلامي امارت د ریاست الوزراء سیاسي مرستیال ویلي؛ د لوړ پوړیو چارواکو سفرونه د دې څرګندويي کوي ، چې اسلامي امارت د ګاونډ او سیمې هېوادونو په ګډون له نړۍ سره د سیاسي، اقتصادي او فرهنګي اړیکو پر بنسټ تعامل غواړي.
د ارګ په خبرپاڼه کې راغلي: د شنبې پر ورځ د غبرګولي پېنځمه د ریاست الوزراء سیاسي مرستیال مولوي عبدالکبیر په سپیدار ماڼۍ کې د صنعت او سوداګرۍ له سرپرست وزیر نورالدین عزیزي سره وکتل.
د ارګ د خبرپاڼې له مخې؛ په دې کتنه کې، چې تېره ورځ په ارګ کې ترسره شوې؛ نورالدین عزیزي د روسیې او اسلامي نړۍ په پېنځلسمه نړیواله اقتصادي غونډه کې د ګډون لپاره تاتارستان ته د خپل سفر راپور د ریاست الوزراء سیاسي مرستیال ته وړاندې کړ.
د صنعت او سوداګرۍ سرپرست وزیر یاد سفر د افغانستان د صادراتو او سوداګرۍ په برخه کې له ډېرو لاسته راوړنو ډک وباله او څرګندوي، چې روسي شرکتونو او بنسټونو په افغانستان کې د پانګونې لېوالتیا وښوده.
نوموړي زیاته کړې، په یاد سفر کې یې د اسلامي امارت ښه استازولي کړې او د غونډې ګډونوالو ته یې ډاډ ورکړ، چې افغانستان کې د پانګونې لپاره ښه زمینه برابره شوې ده.
ویل کیږي، چې د ریاست الوزراء سیاسي مرستیال مولوي عبدالکبیر له نورالدین عزیزي څخه مننه وکړه او د نوموړي دغه سفر یې مثبت وباله.
د روسيې او اسلامي نړۍ پېنځلسمه نړيواله اقتصادي غونډه د ۸۰ هېوادونو د استازو په ګډون په تاتارستان کې تر سره شوې ده.
تازه خبرونه
د کابل- کندهار پر لويه لار د يوې ترافيکي پېښې له کبله ۳۹ کسانو ته مرګ او ژوبله اوښتې
د زابل عامې روغتیا ریاست چارواکو ويلي؛ د کابل – کندهار پر لویه لار د یوه بس د چپه کېدو له کبله د یوې میرمنې په ګډون دوه کسان مړه شوي او ۳۷ نور ټپیان دي.
د زابل ولايت د عامي روغتيا ریيس ميرويس افغان وايي، چې دا پېښه تېره شپه (د غبرګولي پېنځمه) د دې ولايت د شهر صفا ولسوالۍ د کاريزګي په اړوند سيمه کې رامنځته سوې ده.
په ټپيانو کې ٢٦ نرينه او ١١ ښځې دي، چې د درملنې لپاره د شهر صفا ولسوالۍ روغتون ته وړل شوي دي.
-
لوبی3 days ago
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
-
تازه خبرونه3 days ago
فلسطیني دولت باید د خبرو له لارې راجوړ شي – امریکا
-
تازه خبرونه5 days ago
د تېرو لس ورځو په سېلابونو کې ۵۶۰ کسانو ته مرګ او ژوبله اوښتې
-
تازه خبرونه3 days ago
په بامیان ولایت کې د سمڅو اوسېدونکیو ته د استوګنې کورونه جوړیږي
-
تازه خبرونه4 days ago
آریانا او آریانا نیوز ټلویزیوني شبکې د آسیاویژن میاشتنۍ جایزه وګټله
-
تازه خبرونه4 days ago
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
-
لوبی4 days ago
اټک انرژي د افغانستان فوټبال اتلانو لیګ د درېیم پړاو اتلولي خپله کړه
-
تازه خبرونه4 days ago
د افغانستان په اړه د دوحې د درېیمې غونډې نېټه وټاکل شوه